Saturday, June 10, 2017

Justi 2017 Pentecost

 /|_| \
| (^)  |
| (  ) |
 \_,,_/
  / \
 \__/ (avi Kolumba)

J  U  S  T  I
PER AN FILO

== 2017 == U festa de Sakri Spiritu ==



DU DONA GLORI A TEO

(Ex Kristo-Bibli, plu Akti de plu ge-Bali-pe, capitro 12 e 13)

20 U [regi-an] Herod [Antipas] pa este forti kolera de bi demo de civita Tira e Sidon. Po mu sti; u persona auxi-an de regi, Blasto, es mu ami, mu ki ad an ko ge-uni menta. Mu dice u petitio de paci, kausa mu natio gene sito per u natio de regi-an.
21 Akorda-co Herod moti a se plu regi vesti, e sti sedi epi u judika-mo, e dice kon arki a mu.
22 Bi demo du voci: U voka de u teo e ne de un homi!
23 Subito, un angeli de Teo akti u bate kontra an, kausa an ne pa dona glori a Teo. An gene vora de plu vermi, e gene morta.

24 Plu verba de Teo gene kreske e multi.
25 Barnaba e Saulo sti a fini u servi, e re-ki de civita Jerusalem. Mu prende ko mu Johane, qi habe u vice-nomina Marko.

1 In lauda-lo a civita Antioko es plu certa pre-dice-pe e doci-pe: Barnaba, Simeon kon u nomina Nigra, Lucio de natio Kirene, e Manaen, qi pa gene eduka kon u regi de u tetra, Herod [Arkelaus], e Saulo.
2 Mu du servi sub Teo, e sto vora. Sakri Spiritu dice: Sti kri a Mi Barnaba e Saulo pro ergo, Mi pa akti u kla a mu.
3 Mu sto vora, e dice plu preka, e moti plu manu a mu, e sti bali mu.

4 Mu gene bali de Sakri Spiritu, e ki a civita Seleukia. De la mu ki per navi ad insula Kipri.
5 Mu ki a civita Salame, e dona plu doci de plu verba de Teo in plu lauda-do de demo Juda. Plus-co mu habe Johane komo auxi-pe.

6 Mu ki trans insula a civita Pafo, e detekti u certa ski-pe, u falsi pre-dice-an e Juda-pe, qi habe u nomina Barjesu.
7 An pa es kon u krati-pe Sergio Paulo, u forti logi-pote andro. U-ci andro sti kla a Barnaba e Saulo, e tenta audi plu verba de Teo.
8 U magika-pe- an nomina gene tali traduka- Elima sti se kontra mu, e tenta sti apo u-la krati-pe de fide.
9 Saulo, qi plus habe u nomina Paulo, gene ple per Sakri Spiritu, e vide ko buta ad an,
10 e dice: O ple de pan falsi dice e akti tu, filo de diaboli, e non-ami de holo deko! Qe tu ne sto turni plu rekti via de Teo?
11 Sura, u manu de Teo es kontra tu. Tu ne fu habe vide-pote, e ne vide u sola u certa tem.- Subito, nebula e skoto sti kade ad an. An ki cirka la, e akti cerka de; uno-pe sti duce pro an per manu.
12 U-la krati-pe vide qod gene akti. An sti kredi, e este mira de plu doci de Teo.

No comments:

Post a Comment