Sunday, December 25, 2016

Uncle Tom's Cabin 2


Eliza had been brought up by her mistress, from girlhood, as a petted and indulged favorite.
-> Eliza pa gene eduka de auto fe-cefa de ju-fe tem, komo u ge-favo maxi-amo-pe.

The traveller in the south must often have remarked that peculiar air of refinement, that softness of voice and manner, which seems in many cases to be a particular gift to the quadroon and mulatto women.
-> Plu viagia-pe a plu USA austra stato, freqe pa dice plu nota de u-la idio gentili feno, u-la place voka e mode, qi poli-kron es un idio dona-ra a plu mono-su-tetra-Afrika fe-dulo.

These natural graces in the quadroon are often united with beauty of the most dazzling kind...
-> Plu-ci natura place in plu mono-su-tetra Afrika pe freqe gene uni ko sti-interese kali.

She had been married to a bright and talented young mulatto man, who was a slave on a neighboring estate, and bore the name of George Harris.
-> Fe pa gene game ad u certa sofi e tekno juve mono-su-tetra andro, qi es u dulo ad u certa proxi habe-lo, e qi habe u nomina George [Giorgi] Harris [Heris].

He had invented a machine for the cleaning of the hemp...
-> An pa face u mekina de puri de fi fito Kanabis.

Nevertheless, as this young man was in the eye of the law not a man, but a thing, all these superior qualifications were subject to the control of a vulgar, narrow-minded, tyrannical master.
-> Para-co, kausa u-ci juve andro ne es un andro akorda u lega, sed u ra, pan-ci ma boni qalita gene sub arki de u certa steno-menta, deino cefa.

He’d take him back, and put him to hoeing and digging, and “see if he’d step about so smart.”
-> An fu prende an itera a la, e sti; an itera face plu fosi e fora, plus-co an fu gene u ski; "An habe so bombasti mode e mega ski."

It was during the happy period of his employment in the factory that George had seen and married his wife.
-> U-la place tem de labori in u-la face-do, George pa pre vide e gene game kon Eliza.

And so fell George’s last hope;--nothing before him but a life of toil and drudgery...
-> Komo-co un ultima spe de George pa gene kade. Es nuli ra ante an excepti u bio de labori e fatiga.

Saturday, December 17, 2016

Uncle Tom's Cabin 1


by Harriet Beecher Stowe
-> de Harriet Beecher Stowe



Late in the afternoon of a chilly day in February, two gentlemen were sitting alone over their wine, in a well-furnished dining parlor, in the town of P----, in Kentucky. 
-> Pre vespero de certa frigi di de meno bi, bi gentili andro sedi solo ko vino in boni orna sedi-ka in viki P---- in USA stato Kentuki.

For convenience sake, we have said, hitherto, two _gentlemen_. 
-> Akorda facili, na pa dice; bi GENTILI andro.

One of the parties, however, when critically examined, did not seem, strictly speaking, to come under the species. 
-> Anti-co mo de bi persona, po pe kritici vide, ne feno es mo de u-ci speci.

He was a short, thick-set man, with coarse, commonplace features, and that swaggering air of pretension which marks a low man who is trying to elbow his way upward in the world. 
-> An es u brevi, paki andro ko krudi, vulga facia ra e u feno, qi monstra u vulga-pe, qi tenta sti supra se in mundo.

His companion, Mr. Shelby...
-> An ko-pe, sra Shelby [Scelbi] dice:

“Why, the fact is, Haley, Tom is an uncommon fellow; he is certainly worth that sum anywhere,--steady, honest, capable, manages my whole farm like a clock.”
-> "Sti logi: U faktu es, Haley [Heili], Tom es u supra norma pe. An habe u valu de u-ci valuta pan-lo- pan-kron pote, e akti un ergo de holo planta-lo, komo horo-me."

“No; I mean, really, Tom is a good, steady, sensible, pious fellow. 
-> "Tom es u boni, pan-kron, logika, religio pe."

“Well, haven’t you a boy or gal that you could throw in with Tom?”
-> "Ben, qe tu ne habe u ju-an alo ju-pe, tu pote plus dona ko Tom?"

Here the door opened, and a small quadroon boy, between four and five years of age, entered the room. 
-> Kron u porta gene aperi e u mikro mo-su-tetra dulo ju-an, qi habe un eva tetra anua, ki a kamera.

“Now, Jim, show this gentleman how you can dance and sing.” 
-> "Sti logi, Jim [Giim]*, monstra a u-ci gentili-pe; komo tu pote akti kore e kanta."
* "Jim Crow" pa es u vice-nomina, ge-dona a pan Afrika dulo.

Both gentlemen laughed uproariously.
-> Bi-la gentili-pe sti forti ridi.

“Hurrah! bravo! what a young ‘un!” said Haley; “that chap’s a case, I’ll promise. Tell you what,” said he, suddenly clapping his hand on Mr. Shelby’s shoulder, “fling in that chap, and I’ll settle the business--I will. 
-> Haley dice, subito forti moti u manu a skapa de Shelby: "Mi tali dice: Plus u-ci ju-ve, po-co mi sti ple u komerci, sura sti ple."

At this moment, the door was pushed gently open, and a young quadroon woman, apparently about twenty-five, entered the room.
-> Kron uno-pe sti aperi u porta ko kura, po-co u juve mo-su-tetra Afrika dulo gina, qi feno habe cirka 25 anua, ki a kamera.

“I was looking for Harry, please, sir;” and the boy bounded toward her, showing his spoils, which he had gathered in the skirt of his robe.
-> "Mi akti u serca de Harry [Heri], mi dice u petitio, senior."

“Well, take him away then,” said Mr. Shelby; and hastily she withdrew, carrying the child on her arm.
-> Po-co fe ki de la ko rapidi, tem fero un infanti epi braki.

“Come, how will you trade about the gal?--what shall I say for her--what’ll you take?”
-> Haley plus dice: "Sti logi: komo tu akti negoti de u-la gina? Mi debi dice qo? Tu este u cepti de qo preci?"

“I would rather not sell him,” said Mr. Shelby, thoughtfully; “the fact is, sir, I’m a humane man, and I hate to take the boy from his mother, sir.”
-> Shelby dice ko puta: "U faktu es, senior; mi es u civili pe, kausa-co mi este odio de moti u ju-an de matri, senior."

Every man, you know, Mr. Shelby, naturally thinks well of his own ways; and I think I treat niggers just about as well as it’s ever worth while to treat ‘em.”
-> "Pan pe- tu ski, sr.Shelby- akorda natura habe u boni doxo de auto bio-mode. Mi habe u doxo; mi akti tali boni kura a plu Afrika dulo de habe boni valu de akti kura a mu."

“Well, call up this evening, between six and seven, and you shall have my answer,” said Mr. Shelby, and the trader bowed himself out of the apartment.
-> Shelby dice: "Ben, sti ki a ci vespera, inter bi hora sixa e seti, po-co tu gene mi reakti." U dulo komerci-pe sti klina se, e ki de kamera.

. . .

“Eliza, girl, what ails you today?” said her mistress, when Eliza had upset the wash-pitcher, knocked down the workstand, and finally was abstractedly offering her mistress a long nightgown in place of the silk dress she had ordered her to bring from the wardrobe.
-> Fe cefa-fe dice, po Eliza pa bate per mal-acide u lava aqa-ve, u labori sta-ru, e fini-kron dona a fe u somni-ve vice u seriko vesti, fe pa dice u komanda; fe prende a fe ex u vesti-va: "Eliza, dulo, qo dona turba a tu nu-di?"

“O, missis, _do_ you suppose mas’r would sell my Harry?” And the poor creature threw herself into a chair, and sobbed convulsively.
-> "O, seniora, qe tu habe u doxo; mi cefa fu akti u vendo de mi Harry [Heri]?" Po-co u sti-simpati krea-ra bali se a sedi-mo, e sti lakri ko sto-spira.

“Nonsense, child! to be sure, I shouldn’t. What do you talk so for? I would as soon have one of my own children sold. 
-> "Sine logika, dulo! Tu dice tali de qo tende? Mi vice akti u vendo de mo de mi auto fili."

Reassured by her mistress’ confident tone, Eliza proceeded nimbly and adroitly with her toilet, laughing at her own fears, as she proceeded.
-> Re-sura kausa u fide soni de cefa-fe, Eliza du akti ko tekno e rapidi plu vesti labori, tem sti ridi de auto fobo, tem fe du akti.

Saturday, December 3, 2016

Justi 2016 Christmas

 /|_| \
| (^)  |
| (  ) |
  / \
 \__/ (avi Kolumba)

J  U  S  T  I

== 2016 == Kristo-Nati ==


[Sti boni nota:  Poli homi habe un ero doxo; plu Ski-pe pa vide u babi Jesu un iso di, kron An gene nati.  U-ci habe falsi, kausa u Kristo-Bibli dice: "... ki ad u DOMI, mu vide un infanti..." (Mateo 2:11).  Kausa-co An ne es a zoa-lo.  Kontra-co u festa boni habe u nima "Kristo-Nati pro ne-Juda-pe."]

MATEO 2:  1 Jesu pa pre gene nati a civita Bet-Lehem de natio Juda plu di de regi Herod.  Sti vide!  Plu ski-pe ki a la de est a civita Jerusalem.  2 Mu dice: A qo loka es An, Qi es u Regi de u demo Juda?  Na pa vide An astro ad est e ki a ci, tende dice lauda ad An.

U-ci stori de veni de plu Ski-pe de est habe kara pro na kausa un importa; id habe pro ne-juda demo.  U-ci boni stori de filo e pardo de Teo habe funktio pro demo de pan natio, e ne simpli pro Juda-pe.

Na gene sko de plu Ski-pe u boni respondi a u-ci boni stori.  A mu es importa; mu ki a la, e dice lauda ad un Infanti Jesu.  Plu-ci pluto homi volu e hedo sti humili se sub u-ci Infanti, Qi sura habe eko inter plu pove cirka-sta.  Mu dona a u-ci spiritu Regi plu fo-preci dona-ra.

U-ci iso Boni-Nova de u ge-promise Fili de David sti ple u kardia de u regi Herod per kako odio e falsi.  U ge-bali-pe Paulo pa dice de bi kontra reakti ad u Boni-Nova tem servi:

2 KORINTI 2:  15 A Teo na es un odoro de Kristo inter plu ge-salva-pe e inter plu morta-pe.  16 Ad uno na es un odoro de morto, qi du duce a morta, e ad hetero na es un odoro de vive, qi du duce a vive.

Es tali a munda.  Es poli homi, qi audi u-ci stori, e este; id habe kali, e habe u doxo; id es u simpli demo stori, e u festa more.  Plu hetero homi klu sti ridi, e tenta sti falsi un holo stori de Teo natura de Jesu e de u salva per An nima.  Qo sto; na ne es inter mu?  Kausa qo na itera este hedo tem u-ci ne-juda festa; Jesu gene nati, tende es plus na Salva-pe?  Es kausa u doro de fide, Spiritu-Teo dona; qi sti; na pote ki a Salva-Teo, u babi de viki Bet-Lehem, Qi gene nati, tende es na Regi.

Lase; Tu Verba du splendi in mi, komo u maxi kali astro.
Tena kako e falsi pan-kron dista de mi.
Dona auxi; mi dice; Tu habe veri, e, ko pan Kristo-pe;
Tu es u Regi e Salva, ci e a fu-tem munda.

(U supra ra es u translati de:

Friday, November 25, 2016

INDUSTRI 16 (ultima)


Uno-kron pre mega tem, u bi pali navi INDUSTRI pa ki de u tele natio, e ki ad u civita Boston, kausa u kapitana Jakob pa pre moti un ofici-lo ad u civita Boston.  Mu zero-kron ki ad u-la mikro civita.

Uno-mana, tem mu ki per veli ko mega tako, e pa moti a supra pan veli, u skope-pe topo plu kruci-baci forti dice: "U veli, O!  Topo levo e topo ante."

U kapitana du koleri dice, tem an gene u tele-skope, e skope dia id.  An pote vide simpli plu ma alti veli de u-la navi.  U-la navi ne tena u direkti, sed ki a ci e a la, homo nuli-pe du tropi id.

Kausa-co mu sti muta de direkti de auto navi.  Tali ma proxi mu ki ad u-la navi, u kapitana Solomon kon u kapitana bi e pan navi-pe este ma konfusi.  Po-co u navi gene duce ad u minus-venti latu.  An gene u remi navi ko plu navi-pe, tende sti ki id, e ki in u-la navi.

U kapitana bi ko no-facili ki epi la.  Plu navi-pe, qi es kon an, sti ge-liga plu trans-baci, tende id ne pote ki.  Plus-co mono ex plu navi-pe ki ad u tropi-ru.  U kapitana bi dice u saluta ad u kapitana Solomon, e dice ad an plu ra, an pe detekti, e dice; u-la navi es ge-lase pre mega tem- akorda an maxi boni logi- e plu navi-pe pa uti plu remi navi, e feno; mu habe ko se pan vora-ma, mu pote fero, kon u topo-ru e tem-me e boreo-ru.

Po-co u kapitana Solomon este u doxo; duce u-la navi a mu navi asilu es boni.  Mikro Sol volu ki in u-la navi, plus mikro Jakob volu ki.  Anti-co u kapitana Solomon ne lice; mu ki.  U kapitana bi fu es u kapitana mono de u-la navi.

Akorda-co u navi INDUSTRI du atende a mana.  Po-co id ki per simpli oligo veli.  Anti-co u kapitana Solomon detekti; u-la navi ne pote ki tali tako, de an ki, klu si ko klu ma oligo veli.  Po-co an bali epi u-la navi ma poli ergo-pe.  Mu habe aktivi un holo di, tem sti sani plu veli ad u-la navi.  Po-co bi-la navi ki per veli kon alelo.

Anti-co u venti du forti fla se ex ocide bi di.  U kapitana Solomon lose u vista de u navi bi, e gene ago ma poli de 500 kilometra ab la tem bi-la di.  An ne pa vide u navi bi holo-la tem, e ne habe u ski; id es qo, alo qe id pa gene destru.

Tem u navi INDUSTRI ki ad u navi asilu, mikro Jakob skope ad ante, tende logi; qe an pote vide u navi asilu e plu homi epi id, an ne pa vide tali mega tem.

Mikro Jakob dice: "Sti dice, Sol.  U-la navi es qo, qi gene liga a navi asilu?"

Mikro Sol sti vide.  "Id es u navi, na pa detekti!"

Mikro Sol sti dromo, tende dice u-la ad u kapitana Solomon.  U kapitana Solomon este koleri, homo mikro Sol habe u doxo, kausa u-la navi ki a la ante u navi INDUSTRI.

Ultima-kron, u navi INDUSTRI habe ge-liga ad u-la navi asilu, plus u pedi taba sta la.  Loisa ki a supra longi u pedi taba.  Po fe es u kapitana Jonatan ko mikro Loisa, plus po an u kapitana Jakob ki a la.  Po-co u kapitana Jonatan e u kapitana Jakob ko Loisa e mikro Loisa e mikro Jakob ki ad infra longi u klina pedi taba.

U-ci es pan-ra de u-ci bibli.

Sunday, October 30, 2016



In u-la mikro civita sta un eko-do de u kapitana Jakob, an du eko in, pre an pa sti eko ad u civita Boston.  Anti-co, po an eko in u civita Boston, an ne sti vendo u-la eko-do, sed du habe id, kausa an spe; uno-di an fu posi itera eko la.  Loisa pa kine ad u-la eko-do.  Fe sti veni plus mikro Jakob e mikro Loisa.  U navi pa ki per plu veli ab u-la navi asilu de u civita Boston, plus Loisa ko mikro Loisa e u kapitana Jonatan e u kapitana Jakob du resta topo u navi asilu.  Anti-co mikro Jakob kron sti klina se trans u tena raila topo u posta de u navi, tende an pote vide auto matri ko mikro sorori e patri-patri u maxi mega tem; an pote vide.  An forti tenta ne sti plu lakri.  Pre mu ki u tele a plu nesia, an matri ko mikro Loisa e patri-patri gene no-klari a mikro melano makula topo u-la navi asilu, kausa mu kron habe tele ab la, plus an ne pote vide difere de alelo, e ne pote vide; mu akti qo.  An vide; plu navi-pe sti tira plu korda, e audi; u kanta-pe akti u kanta.

U navi ki tele ab la epi oceani, homo id pan-kron ki.  Po-co id ki ad austra.

U mikro Sol tako gene u ski de ki a la, topo plu navi-pe ki.  Mikro Jakob akti pan ra, mikro Sol akti, ne es iso facili.  Plus-co mikro Jakob ne akti mu tali tako, de mikro Sol akti mu.  Plus-co an ne ki a pan-lo, mikro Sol ki.  Anti-co an ki ad ana a plu kruci.  Ultima-kron mikro Jakob nece itera ki a kata.  An ne holo ski u mode.  An palpa per u pedi de u korda, an pote moti u pedi epi.

U kapitana Solomon pa skope an.  Po an ki a kata, u kapitana Solomon habe u no-norma labi-ridi.  "Qe tu pa habe u kali vista?  Ne sti ki a plu kruci in mali meteo.  Tu es u koragi ju-an."

Po-co u mikro Jakob ki ab la epi un ante-baci, e sti sedi para mikro Sol.  Tele ab la u plus navi ki, tali tele, mu pote vide simpli plu ma alti veli.  Id ki ad un iso direkti, mu navi ki.

Mikro Sol dice: "Mi patri dice; id ki a kosta de u kontinenta Afrika, akorda u maxi mega probabili, tende gene plu dulo."

Akorda-co mikro Jakob e mikro Sol du akti tem pan di, u navi ki in plu Direkti Venti, kausa mu habe plu kali meteo.  Po mu ki ex plu Direkti Venti, u navi proto gene giro.  U-la di, mikro Sol pa alti ki epi un ante pali, e ki epi u trans-baci, qi habe forti alti.  U kapitana Solomon vide an.

Kron mikro Sol audi; an patri koleri dice plu kritici ad an, an este subito, e lose u tena-lo.  An pedi gene glisa ab u korda.  An kade- exakti u ra, an patri este fobo de.  An kade in oceani.  Po-co mikro Sol ki a sufacia.

U kapitana Solomon pa akti u salta ad-in u remi navi, plu navi-pe pa moti a kata.  Kron mu ki a mikro Sol, u kapitana Solomon sti leva an ex aqa per kola-te de jaka.  Mu re-ki ad u navi, e moti ad ana u remi navi a norma topo.

Mikro Sol zero-kron ki ad u tali risko topo un holo tem de viagia.

U-ci es pan-ra.

Saturday, October 15, 2016

Justi, 2016 Reformation

 /|_| \
| (^)  |
| (   ) |
  / \
 \__/ (un avi Kolumba)

J  U  S  T  I

== 2016 == U Luter-pe re-Forma (Reformatio) ==


Kron pe akti u cerka tende lekto u boni bibli, pe posi skope u lista de pan maxi vendo bibli de u nova-papira NEW YORK TIMES.

Kausa u bibli simpli es in u lista de pan maxi vendo bibli ne habe u signifi; id es boni de merka e lekto. Un exempla: u bibli CIDE JESU ex Bill O'Reilly sti-ridi dice; plu Roma-pe akti u cide de Jesu, kausa An sto u gene de fiska:

MATEO 22: 21 [Jesu] dice α mu: Donα α Cesαre plu rα de Cesαre e α Teo plu rα, qi es de Teo.

Uno bibli es holo-munda ge-ski homo u maxi vendo bibli de holo tem. La nu-tem nume es 100,000,000 vendo singu anua. Akorda info de Meno 11 anua 2012, id es holo ge-translati per 518 lingua e mero ge-translati per 2,798 lingua.

Tem es plu anti-pe, qi dice; pe debi sti; u-ci bibli es de fikti speci, es nuli qestio, qe id es veri. De plu bombasti deklara; u-ci bibli habe plu ero, e; pe ne pote habe fide de id, es multi testi ra, qi monstra; id info habe korekti, e; id habe nuli ero alo falsi alo kontra-dice.

Plu kali kanta, proxi a meso de u-ci bibli es fonta de kompati ad ultra-nume tristi psiko. Un anxio lekto-pe pote detekti multi pre-dice in u-ci bibli e plus u reali de mu.

Vi nu doxo; na sura dice de u Kristo-Bibli. Kontra 40 difere homi pa face id trans 1,500 anua, u-ci bibli habe mo Grafo-pe: u Sankti Spiritu.

2 TIMOTEO 3: 16 Pαn-ci grαfo es ge-spirα de Teo.

2 PETRO 1: 21 Plu sαnkti homi de Teo dice, komo u Sαnkti Spiritu sti mu.

U-ci ge-spira sankti bibli dona a multi homi de pan eva, a plu andro e plu gina, a pan demo e mu fili de holo tem.

Tem u justi de munda tako gene ma mali, plu lega de Teo (ge-brevi per Deka Komanda) dona u bio mode, qi monstra, komo sti filo a Teo e a plu proxi-pe. Mu es tali pro boni de na ko-pe de holo munda:

HEBRE 4: 12 Teo dice hαbe vive e αkti, mα αkuto de αli bi-mαrginα glαdiα, qi αkti skizo α divide de psiko e spiritu, de αrtri e osteo intrα, tem ski plu kαrdiα putα e tende.

U Kristo-Bibli simpli ne monstra u minus-spe e minus-auxi natura de panto homi, sed plus monstra u solo repara pro u-ci minus-spe natura. U Kristo-Bibli monstra a plu lekto-pe u Salva-pe, Jesu Kristo, Qi akti plu repara a na kako kardia ko An mega-kosta dona de pardo e holo-tem salva.

Es plu pe, qi habe u doxo, u Kristo-Bibli es u simpli regula bibli pro akti alo ne akti. Mu ne habe u ski; u maxi importa Homi de Kristo-Bibli es u Teo Fili, Jesu Kristo, plus; u maxi basi info, pe detekti dia Kristo-Bibli, es u Teo holo-tem mode de salva na, Jesu pa face ple.

Johano pa dice per auto grafo u ra, pe pote dice de pan-ra in Sankti Grafo:

JOHANO 20: 31 Mi pα dice pαn-ci, tende vi pote hαbe u kredi; Jesu es Kristo, u Teo Fili, e ko kredi; vi pote hαbe vive per An nimα.

Es u boni kausa, u Kristo-Bibli es u maxi vendo bibli de pan kron. U Kristo-Bibli es plu dina dice, qi akti plu muta de pli homi kardia e vive, dona veri e dura paci e spe, e fini-kron holo-tem salva per na Salva-pe, Jesu Kristo.

U Kristo-Bibli es u volu-lekto bibli pro pan-pe de pan-kron!

Saturday, September 24, 2016



Pre mega tem, u bi-pali navi INDUSTRI pa ki de u-la navi asilu ad u tele landa.  Id plus re-ki ad u-la navi asilu, e apo pan kali ra, id pa moti a la.

Ad u kron u maxi gero an-fili de u kapitana Solomon habe 12 anua, u navi pre sto ki ad u-la mikro civita.  Id kron ki de u navi asilu in u civita Boston.  Plus pan hetero navi, u kapitana Jonatan e u kapitana Jakob habe, du ki de u-la navi asilu topo civita Boston.  U kapitana Solomon du qestio se; an fu akti qo de u maxi gero fili.  An du kogita de u-la u mega tem.

Kausa-co an ki ad u negoti-do de u kapitana Jonatan e u kapitana Jakob kron uno mana.  La an detekti u kapitana Jakob.

U kapitana Solomon dice: “U boni mana a tu, O kapitana.”

Kron u kapitana Solomon ne exakti ski u mode, an proto dice u ra, an debi dice.

U kapitana Jakob dice: “Ben, kapitana, u turba es qo?”

“Tu habe u ski; mi habe un an-fili, mi maxi gero fili, qi habe 12 anua.”

U kapitana Jakob dice: “Qe tu ne fu habe an tem u seqe viagia?  Na fu face an u ju-an de u kapitana-ka.  Plus mi habe u certa idea— anti mi ne ski; si Loisa fu este hedo de u-ci.”

U kapitana Solomon dice ad an u gratia, e ki de la.  Po-co u kapitana Jonatan ki in la.  U kapitana Jakob dice ad an de u-la fili de u kapitana Solomon.  U kapitana Jonatan sti u puta; es u boni ra; face an u ju-an de u kapitana-ka.  Po-co u kapitana Jakob dice ad u kapitana Jonatan de un idea, an habe, qi es; bali plus auto ju-an kon u kapitana Solomon.

An dice kron fini: “Ben, Jakob, tu posi habe korekti.  An fu habe u ko de Sol.”

U kapitana Jakob sti prepara se de ki e vide Loisa, kausa Loisa es in u-la mikro civita.

Kron mu habe ni plu feru-via movi-vagona, ni plu feru-via.  U kapitana Jakob prende u vesti-va, e ki ad negoti-do de plu equs-vagona.  An ki a supra de u vagona, e sedi post un ago-pe.

U vagona es u tako vagona.  Id habe tetra ge-liga equs.  Mu ki dia plu mikro civita, e uno-kron sto ki, tende cepti u viagia-pe.

Plu ergo-pe tako apo plu equs.  Plus-co plu hetero ergo-pe sti ki a la plu fresc equs.

Mu nece cirka tri horo de ki de civita Boston.  U kapitana Jakob tem habe holo no-flaci e ki-debili kausa mega-tem sedi.  Plus-co an habe poli tera farina.  Loisa este mega subito, kausa fe ne ski; an ki de la.

Loisa dice: "Uno-ra habe mali, qe?"

U kapitana Jakob sti ridi.  "Qe, tu ne este hedo de vide mi?"

Loisa reakti: "Mi doxo; debi es uno importa ra."

Po-co an dice a fe de u kapitana Solomon kon an fili Sol, plus an doxo; fu es u boni oportuna de bali plus mikro Jakob.

Loisa dice zero mega-tem, tem simpli sedi e skope dia u fenestra.  Mikro Jakob subito sti dromo a la.

U kapitana Jakob dice: "Jakob, qe tu fu este hedo de ki a natio India e itera a ci in u navi INDUSTRI?  Sol fu ki."

Mikro Jakob dice: "Si tu este place, senior, mi fu este hedo de puta de u-ci mikro tem."

U di veni, kron u kapitana Jakob fu ki itera a civita Boston.  An pa dice plus zero a mikro Jakob de u viagia ad u natio India.  An dice: "Ben, Jakob, ad u natio India, alo no?"

Mikro Jakob reakti: "Si tu este place, senior, mi doxo; mi debi ki."

U kapitana Jakob ki de la.

U kron; mu nece ki ad u civita Boston in vagona, veni.  Kausa-co mu ki, Loisa ko mikro Loisa e mikro Jakob.  U seqe mana, pan mu es epi u navi.  Plus u kapitana Jonatan sta la.  An dice u saluta a mikro Jakob forti poli kron, e dice ad an; an nece kura skope, tende, po an re-ki a ci, an pote dice ad an; qe plu ra in u natio India pa habe poli muta.

Po-co pan itera dice u saluta a mikro Jakob.  Pan mu ki a kata per u pedi taba ad u navi asilu, u kapitana Jonatan e u kapitana Jakob.  Anti-co Loisa sto ki, tende dona a mikro Jakob u plus osku.  Po-co plus fe ki a kata.  Po-co plu navi-pe sto liga plu mega korda, qi tena u navi.  Mu sti alti plu veli.  Po-co u navi ki de la.

U-ci es pan-ra.

Monday, September 5, 2016

North Dakota and Irish Independence


Pan ra gene proto a landa Eire per tri Eire civi. U landa England pa mega-tem habe un arki supra Eire, tem sti plu religio disputa, e tem gene plu Eire juve andro homo plu soldata pro auto plu milita. Un Eire civi Michael Doheny ergo pro u milita kontra England anua 1848. U-la milita habe u mega no-sucede. Anti-co bi hetero Eire-pe, John O'Mahoney e James Stephens volu auxi a Doheny. Anti-co England gene u ski de mu. Kausa-co pan mu sti fugi ad u civita Neo York in USA. Un ultima pe ki a la anua 1858. Anua 1859 mu akti auxi de proto u neo socia-fa, mu dona u nima de un Eire lingua verba a, FENIAN [soni: fInian]. U-ci tri pe akti u skema de u neo mode de gene libe por Eire: milita kapti u landa Kanada, alo posi plu mero de id, e komanda; England dona libe ad Eire kambio id. Multe Eire-pe in USA sti unio ko mu.

Anua 1861 un in-landa milita in USA gene proto. U-la akti anti u skema de tri-ci Eire-pe. Kron proto, mu dice u komanda; pan Eire-pe ne akti in u-la milita. England tem proto de milita dona auxi a plu anti-krati stato. Posi plu Eire-pe akti in milita, kausa mu este; u milita es un okasio de milita anti England. Homo-co un USA-Eire kanta, "Na Akti pro Parenta-Fratri Sam," dice:

Si John Bull akti anti na, an sura gene suferi,
Kausa plu Eire volu-pe fu dona ad an diaboli-ma.

(John Bull es un England homo de un USA Parenta-Fratri Sam.)

Plu Eire-pe face un arme Kolumni 69. O'Mahoney gene es u duce-pe de id. Plu Eire-pe habe plu insigni de Eire. Anti-co plu hetero Eire-pe akti milita pro plu anti-krati-pe, kausa-co in u-la milita plu Eire-pe plu-kron akti anti plu Eire-pe. Akorda-co u milita sti; plu Eire-pe gene tekno de milita.

Anua 1862 Doheny gene morta. U-la sti u skizo inter plu Fenian-pe. Plu pe volu dura u milita in USA, plu hetero pe in Eire.

U in-landa milita de USA gene fini anua 1865. Anua 1866 plu Fenian-pe sti prepara se tende kapti u nesia Kampobelo de Kanada, proxi a stato Maine. O'Mahoney akti duce de plu Fenian-pe. Anti-co England pre habe ski de u-la tenta, e bali plu milita navi a la. Un USA milita navi kapti un arma-stora navi de plu Fenian-pe, un OCEANI SPRE. Plu Fenian-pe dona se ad USA. O'Mahoney este fobo de u-la acide, e face u decide; an fu akti u valuta kolekti pro plu Fenian-pe vice milita.

Po bi mensa, un hetero duce-pe de plu Eire-pe in in-landa milita, John O'Neill, sti u milita anti plu Kanada-pe proxi ad u forta Erie. Plu Kanada-pe ne habe u pre-ski. Kausa-co plu tekno Fenian-pe facili gene u vikto. Anti-co USA bali u milita vapo-navi MICHIGAN, e plu Fenian-pe dona se ad id. Un USA preside-pe Andrew Johnson ne volu milita anti Kanada, e bali plu soldata ad u proxi civita Bufalo, tende apo pan fusili arma de plu Fenian-pe. Kron anua 1870, plu plus Fenian-pe akti u milita proxi ad u Kanada civita Ottawa, e pre-kron gene u vikto, sed nece cede se ad USA kausa minus de arma-ma.

Anua 1871 u milita moti se ad uest. Un Eire-pe, O'Donaghue, volu; u demo METÍS, u ge-mixa demo ex plu Kanada-pe e plu Indiana-pe, akti milita kontra Kanada. Mu sti unio se ko O'Neill, tende akti milita kontra u Kanada pusi civita Pembina. O'Neill ko 30 Fenian-pe ki kontra u-la civita, tem volu; plu Metís-pe fu dona auxi a mu. Pan-la Fenian-pe ne habe u ski; u pre anua, plu USA milta tekno-pe pa akti u decide; u civita Pembina faktu es in USA per tri kilo-metra, e; plu Metís-pe pre oligo di pa gene u paci akorda ko Kanada. Kausa-co plu Pembina civi pre ski de u tenta, e multe mu pre ki ex la. Kausa-co plu Fenian-pe facili kapti u civita. Plu USA soldata tako ki a la, e kapti minus milita O'Neill ko 10 Fenian-pe. U judika-pe dona libe a mu po mikro tem.

Multe Eire-pe ne pa du eko in Nord Dakota. Mu dice; u-ci es, kausa plu Eire-pe ne habe ski de ergo plu kulti-lo de u-ci frigi landa. O'Mahoney gene morta anua 1877 in u civita Neo York. O'Neill gene morta anua 1878 in u stato Nebraska- u civita la habe an nima. Po dona auxi de u plus minus-sucede milita in Eire anua 1867, Stephens sti fugi a landa France, e homo u pove-pe gene morta la anua 1902. England lice; O'Mahoney e Stephens gene in-tera in Eire.

Sunday, August 21, 2016



Uno-kron pre mega tem, u bi-pali navi INDUSTRI pa ki de u-la asilu kausa viagia ultra u kapo Horn.

U meteo pa habe termo ad u-la oceani mero, u navi ki a.  Kausa-co plu mari-pe ne este hedo de akti poli ergo.

Akorda-co u navi du ki.  Plu navi-pe vide zero ra excepti mono alo bi nesia, qi habe tali tele, tu ne sio ski; mu es tera, si pe ne dice a tu tali, kausa mu sta tele de la ad horizo; lo urani e mari feno habe unio, e lo habe holo nebula e no-klari.

Po-co, uno mana, exakti kron un heli leva se, u navi-pe epi plu veli baci sti voci, “Tera, O!”

U kapitana Solomon gene u tele-skope-ru, e sti skope.  An simpli pote vide u supra de u nesia de pedi-lo.

Tem mu du skope, mu vide; fumi ki de nesia supra, plus u-la fumi gene ma e ma densi.  Ko-co ni u kapitana Solomon ni pan navi-pe ski; u-la es qo ra.  Oligo mu este; u-la es fumi ex vulkano, kausa un holo nesia feno es u vulkano.

U kapitana Solomon dice u komanda; pe sti muta plu veli, tende u navi ne fu ki ad ante, sed sta ad iso loka.  Mu lase a mari u remi-navi.  Plu navi-pe ki in id, plus u kapitana-bi ki in id po mu.  Mu ki de la per plu remi.

Kausa u kapitana Solomon mega-tem ne pote vide mu, an este turba.  Anti-co po mikro tem u kapitana-bi ki ad un arena-lo, u kapitana Solomon pote vide an a.  An akti plu oscila per un extra-ve, an pa liga ad u remi.

Es u mega tem, pre u remi-navi ki a la de u-la nesia.  U remi-navi ki a proxi.  Mu vide; es in id deka andro, qi ne pa es in mu navi, e; oligo ex mu habe a se plu paleo vesti kun poli fora, e; oligo ex mu habe a se zero vesti.

U kapitana-bi itera ki a tera per u-la remi-navi.  Po hemi horo, plu navi-pe vide; u remi-navi itera ki a mu, plus, anti es in id simpli 12 andro, id basi ki in hidro, homo id habe u gravi kargo.

Uno andro, qi pa gene salva, dice: “Plu testudo.”

Po-co u kapitana Solomon sti u labia ridi, kausa plu testudo, an pa dice, ne es plu mikro testudo, tu ski, sed plu fo-mega mari testudo.  Plu-ci testudo habe boni de vora.

Po-co u remi-navi ki para la.  Penta navi-pe ki ex id.  Po plu hetero navi-pe liga u korda ad u veli-baci fini, mu liga u korda fini a mo testudo, e leva id a pedi-lo.  Ko-co mu leva a supra plu resta testudo.

Uno navi-pe proto dice ad u kapitana Solomon un histori :

Mu es plu England-pe, qi pa ki per u mega navi de u civita Liverpool pre proxi bi anua.  Uno noktu, u navi pa bate anti u korali-lo, qi sta solo in oceani, ge-kripto, e sta proxi infra aqa.  Kron di lumi veni, un oceani ki supra u-la navi.  Mu vide; id gene frakti a bi mero.  Mu ki per plankto a ci e la tem proxi bi setimana, e tem ne ski; mu es a qo loka, alo mu ki a qo loka.  Po oligo plus di, mu vora pan sito, mu pa habe.  Plus-co mu ne habe sito tem proxi mo setimana.  Anti-co, uno mana, mu vide uno-ra, qi feno es tera, e sti direkti ad id.  In u-la nesia, mu detekti plu kokus dendro e plu banana fito.  Mu gene u piro per frika bi baci anti alelo, qi es u no-facili mode.  Per-co mu sucede de eko epi u-la nesia tem holo anua.  Zero navi ki a vista.  Uno mana, mu vide u navi, qi du ki ma e ma proxi a mu nesia.  U navi, mu pa vide, es INDUSTRI.

Po u-la andro fini dice, u kapitana Solomon dice; an este hedo de u-la; an pa ki a la per acide, e an fu duce pan mu a landa India, e de India mu fu pote gene u viagia ad auto eko-lo England per uno England navi.

U-ci es pan-ra.

Saturday, August 6, 2016

JUSTI 2016 Trinity

 /|_| \
| (^)  |
| (  ) |
  / \
 \__/ (avi Kolumba)

J  U  S  T  I

 == 2016 == U Festa de Triunita ==


NUME 6:22-27 TEO dice a Moses: Sti dice ad Aaron ko plu fili: U-ci es u mode, tu dice u bene a plu fili de Israel. Dice a mu: TEO dona plu bene a tu e sti konserva tu. TEO sti; An facia sti foto epi tu, e sti boni Se a tu. TEO sti; An facia leva Se epi tu, e dona a tu paci. Mu tali moti Mi nima epi plu fili de Israel. Plus-co Mi sti ge-bene mu.

Na freqe audi panto-ci lexi. U-ci ne simple es u volu de vi pastora. Teo dona ad Aaron u sko; uti plu-ci lexi tende dice bene ad An demo. Po An servi-pe dice u-ci bene, u mira ra gene acide: U nima de Teo gene moti epi vi. Teo moti epi vi Auto nima, e sti ge-ski vi, homo Auto homi, tende vi cepti An, e habe An promise: "Mi fu dona plu bene a mu."

Es tri mero de u-ci bene, plus pan mu veni ex Teo. Na pote grafo u suma de tri-ci bene per tri lexi: "konserva," "boni" e "paci."

"TEO dona plu bene a tu e sti KONSERVA tu"

Jakob sti memo a na: "Pan boni doro e pan boni perfekti doro es ex supra, e veni ad infra ex na Patri de foto." (Jakob 1:17) Veri, pan boni ra es plu bene ex Teo-Patri. An dona a na pan-di e ko pluto pan ra, na nece habe tende tena vive e hedo. Plus-co An sti konserva na e alexi na soma e anima, tem du garda de na, e tene Auto fili na.

"TEO sti; An facia sti foto epi tu, e sti BONI Se a tu"

U psalmo-kanta 31:16 dice: "Sti; Tu facia dona foto a Tu servi-pe. Sti salva mi kausa tu plu boni." Tri-kron in u psalmo-kanta 80, u psalmo-pe dice: "Sti; Tu facia dona foto, e na fu gene salva." Tem u facia de Teo dona lumi epi na, na gene An filo e salva.

Teo pa dona u-ci bene a Moses, PO u demo pa monstra non-obe, e dona latri ad u kriso ju-bovi idoli. Teo pa du volu dona plu bene ad Auto demo. U-ci es mira filo!

An filo veni a na per Teo-Fili. Plus-co poli pre-dice de Jesu dona ad An u nima Teo. Jesu es Teo ko Teo-Patri. U facia de TEO dona a na foto, e dona boni a na, kron Jesu moti pan na non-obe a Se, e habe pan koleri de Teo vice na. Per Kristo na gene pardo, plus-co u boni facia de Teo dona a na foto. Pan ra habe boni.

"TEO sti; An facia leva Se epi tu, e dona a tu PACI"

U fili pote logi; qe u patri este koleri alo hedo, pre u patri dice mo lexi, simpli per vide u facia. Komo na pote vide u facia de Teo, tende logi; qe an habe u labi-ridi alo labi-koleri? U-ci es un ergo de Sankti Spiritu, alo "u Spiritu de Teo," homo An freqe gene u nima in u Paleo Testi. U Sankti Spiritu monstra a na u labi-ridi facia de Teo per Kristo Bibli, komo an monstra in Isaia 12:1: "Anti Tu este koleri de mi, Tu koleri gene apo-tropo, plus Tu dona a mi komforta."

U Spiritu de Teo plus du ergo in na kardia, tende sti ski a na de filo e boni de Teo per Kristo, tende na veri fu habe paci, plus spe de fu-tem. Komo u Spiritu monstra per u ge-bali-pe Paulo: "Kausa-co, po gene justi per fide, na habe paci ko Teo per na Cefa Jesu Kristo, plus na habe gene-pote per fide ad u-ci fide per, na du sta per, e voci hedo per spe de u glori de Teo." Po-co an du dice: "Spe ne dona no-sucede, kausa u filo de Teo gene fusi in na kardia per u Sankti Spiritu, Qi gene dona a na." (Roma 5:1-2,5) O, tali paci e spe, na habe, tem per u Spiritu de Teo na habe u ski e un este de u mega filo de Teo per Kristo!

Tali bene! Kon u nima de Teo, na tri-unita Teo, ge-moti epi na, na habe pan ra. Na debi atenta u-ci bene, e gene plu bene de Teo per fide.

Sunday, July 3, 2016



Uno-kron pre mega poli anua, tem u kapitana Solomon es u kapitana de u navi INDUSTRI, id pa gene un holo kargo ad u-la navi asilu.  Id pa gene in se plu ra de vora e aqa, mu fu bibe.  U navi ki tele ab la ad un oceani.  Po-co id ki a sud.  Mu moti plu veli korekti pro plu venti.  Po-co plu navi-pe ne nece moti u korda tem poli di, a-kron mu ki ad u-la mero de u-la oceani, ge-nomina plu Doldrum, topo more es kalma, e topo es mega pluvi.

Anti-co mu fini ki dia mu, e ki ad u certa veri lati fluvi, tali lati; id feno es u mega baia, qi es poli kilometra in tera.  Loka u-la civita, u kapitana Solomon vendo u mero ex plu ra, u navi pa fero.  Plus-co an merka oligo hetero ra— sed ne poli, kausa an fu nece fero plu-la ra trans tele longi.  Plus-co an doxo; an pote merka plu ma boni ra per valuta in u tele landa.

Po-co u navi ki itera a sud.  U navi du kine a sud, plus plu venti gene es ma forti e no-regula, tem mu ki a ma tele sud.  Plu venti es tali forti; u kapitana Solomon dice u komanda; plu navi-pe apo pan veli excepti bi.  U nivi veni.  U navi plus gene u tegu ex glaci, loka plu unda bate.  Panto mu este no-komforta.

A fini, plu venti es mei forti.  Mu pote itera tenta ki ultra u kapo.  Pre mu es ultra la, itera es plu venti.  Plu venti fla ma forti de pre, plus plu unda habe ma alti de pre.

U kapitana Solomon dice: “Mi ne fu ki a retro.  Sti dice u komanda; pan navi-pe moti plu olea saka, e liga mu.”

Plu navi-pe ki ad u certa kupra kon olea, sti ple plu vasa ex id.  Plu hetero navi-pe tena se ad un ante pali, e liga plu kanava saka a la.  Plu navi-pe fusi olea ex plu vasa in plu saka.  U kapitana Solomon skope plu olea saka, e vide; olea face plu guta ex mu per plu mikro flu.  Po olea es ad aqa, plu unda ne gene plu alti supra epi se.  Per-co u navi ki trans u glabro mari.

Plu navi-pe qestio a se; mu fu ki a qo civita.  U-ci es pan-ra.

Saturday, June 18, 2016



Uno-kron pre mega tem, u bi-pali navi INDUSTRI pa kine ex u-la navi asilu.  Plu navi-pe pa moti in id pan ra, mu fu vora tem re-viagia, e awa, mu fu bibe.  Id habe holo prepara de proto viagia.

Po mikro tem, u kapitana-bi vide; u kapitana Solomon kine a mu per u remi navi.  An dice u komanda; sti tira bi ankira katena, a-kron mu habe proxi orto.

Plu navi-pe voci: “Ja, ja, senior!”

Plu bobina baci tako es in plu auto fora in bobina.  Po singu baci, es u navi-pe, qi pulsa.

Kron pan navi-pe habe prepara, u kapitana tri dice: “Sti leva per kanta.”

Po u kapitana tri pa dice u-la, mono ex plu navi-pe imedia proto kanta.

In Amsterdam u kali-fe—

Panto navi-pe proto voci u re-kanta:

Sti ski de ra, mi dice!

U kanta-pe itera proto:

In Amsterdam u kali-fe—

Plu navi-pe:

Mi itera kine ne ko tu, O kali-fe.
Ne kine, ne kine,
Kausa id sti mi destru.
Mi itera kine ne ko tu, O kali-fe

Kron u kanta gene proto, plu navi-pe proto pulsa anti plu bobina baci.

Pan homi in plu navi epi u-la fluvi sto pan ra, mu akti, kron mu audi u soni ex u-la kanta ko u soni ex u katena, kausa id es u tali hedo soni, de tu posi audi.  Es oligo frase-fa de u-la kanta.  Plu navi-pe proto itera a kanta proto, po mu pa fini id.

Po-co u kapitana Solomon kine in navi.  Plus-co mu leva u remi-navi ad auto loka.

Po-co plu navi-pe sti fini de leva u-la ankira.  Id forti no-facili kine ex limo, kausa id pa es la tem tri setimana.

A fini, u navi gene tropi, e kine ko flu longi u fluvi.  Plu navi-pe leva plu veli.  Mu akti u neo kanta.  Id habe u non-hedo melodi:

Mi nima es u pende-pe...

Id es u lento, no-regula speci ex plu kanta.  U kapitana Solomon ne amo id.  An voci: “Qe vi ne pote akti u ma hedo kanta?”

U-ci es u kanta, mu akti:

Na akti qo ko narko andro,
Na akti qo ko narko andro,
Na akti qo ko narko andro
Pre kron nu-di mana?

We, he!  Id kin a supra,
We, he!  Id kin a supra,
We, he!  Id kin a supra
Pre-kron nu-di mana.

Moti an in nav a-kron vigi,
Moti an in nav a-kron vigi,
Moti an in nav a-kron vigi,
Pre-kron nu-di mana.

We, he!  Id kin a supra,
We, he!  Id kin a supra,
We, he!  Id kin a supra
Pre-kron nu-di mana.

Mu akti tali kron pan korda, mu nece tira.  Es u kanta pro pan speci ex plu korda.

U-ci es pan-ra.

Monday, May 30, 2016

JUSTI 2016 Pentecost

 / |_| \
|  (^)  |
|  (   ) |
   / \
 \__/ (avi Kolumba)

   J  U  S  T  I

== 2016 == U Festa de u Di Penta-ze (Pentekosta) ==


AKTI 2: 4 Pan mu gene ple per u Sankti Spiritu.

U juda festa de u di penta-ze habe in u Hebre lingua u nomina SCAVUOT, qi habe u signifi "plu setimana."  Id gene acide po seti setimana, alo "u setimana ex plu setimana," po u paska festa-di.  U nomina SCAVUOT gene es PENTEKOSTA, "u penta-ze" per u lingua Helena.

Kron u proto Kristo-pe Festa de u Di Penta-ze, qi es po u morta e re-vive de Jesu, u promise, Jesu pre dona ad Auto plu stude-pe, pa gene reali.  An pre dice, pre An ki a supra ad urani: "Sti resta a civita Jerusalaim, a-kron vi gene pote per dina de alti-lo" (Luka 24:49), e "Vi fu gene bapti per Sankti Spiritu oligo di po nu" (Akti 1:5).  U-ci Sankti Spiritu, u Persona tri de u Tri-Unita, gene fusi a pan stude-pe kron festa (Akti 2).

U ge-bali-pe Luka pa akti per auto grafo; u Sankti Spiritu veri habe kon-akti de re-paga ergo de Jesu:  De forti de Sankti Spiritu, u virgo Maria sti nati un Infanti-Teo.  Kron u bapti de Jesu, kron An habe 30 anua, u Sankti Spiritu ki ad infra a Jesu per avi-kolumba signi.  Jesu, ple per u Sankti Spiritu, gene duce a deserta, tende u diaboli tenta sti; An akti u kako ra.  Jesu re-ki ad u landa Galilaia per forti de Spiritu.  (Luka 1-4)  Kron plu-la 70 stude-pe re-ki de u viagia de dona info de Jesu, Jesu este hedo per u Spiritu (Luka 10).

Homo-co, po u supra-ki de Jesu ad urani, plu stude-pe nece habe plu konsili e forti de u Sankti Spiritu, tende doci de Kristo, u Salva-pe de kako!  Luka dice de u-ci in u bibli Akti; komo u Sankti Spiritu du akti PO u-la festa:  Bi ge-bali-pe Petro e Johane, po gene es in karce, du koragi dice a plu Juda duce-pe.  Petro dice kontra plu falsi dice de Anania e Safira.  Petro koragi dice a plu koleri Juda konsili-pe pro pan ge-bali-pe.  Stefano dona plu forti testi a plu non-ami, pre mu sti morta an per plu petra.  U non-ami Paulo gene ple per Sankti Spiritu, kron an gene u fide.  (Akti 3-11)

Qe un holo eklesia- tem habe in id vi e mi- nu nece habe u Sankti Spiritu?  U cefa diaboli Satan ko forti du akti kontra na!  Na nece habe u sura de Sankti Spiritu; anti na akti plu kako ra, u hema e boni de Jesu du dona pardo a na per An filo.  Na nece habe An plu bene, tende na dona info de Kristo a pan-lo- kontra pan kako pote!

Sti dice plu preka de An auxi.

(U supra es u translate ex 2015-05.)

Saturday, April 9, 2016

Mein Gmüth ist mir verwirret

Church goers know the melody as "O Sacred Head Now Wounded" [O Haupt voll Blut und Wunden], and rock fans know the melody as Paul Simon's "American Tune."  The original actually came from Germany about the year 1601, and it was a love song.  Here's the translation of the original German by Hans Leonard Hassler.  (The English one is my own as well, and you can find an Esperanto one on my Esperanto blog.)

Mi menta habe turba—
Qe fe fu este filo?
Mi freqe vaga kine.
Mi kardia habe algo.
Mi dic a se kritici.
Ne es plu sonia ci.
U-ci du sti lakrima.
Es zero spe pro mi.

Mi volu; fe fu dice
U qestio a mi
Klu de mi forti tristi.
Mi volu dic a fe;
Mi este tali kalma,
Si mi fu dic a fe;
Fe est excesi solo,
E dona alg a mi.

Fe habe veri kali
E splendi panto-lo.
Ne es u tali gina
Ko gluko is u-fe.
Plus inter panto gina
Ma kura es in fe.
Es hedo minus fini,
Tem mi du vide fe.

Ne es u veri stori
De gina iso fe.
Fe es u maxi boni.
Mi simpli volu; fe
Fu monstra holo filo
E kura klu a mi.
Po-co mi forti algo
Fu gene mut a spe.

Mi este no-sucede
E tristi panto-kron.
Ko panto-ra ge-cedi,
U maxi algo es:
Pro fe es zero funktio—
Fe este ne de mi.
Mi ski; Teo fu apo
Mi algo tel ab mi.

Now in my mind I'm troubled-
What makes a woman care?
My heart is beating double,
I feel lost everywhere.
At night I get no sleeping
With my heart's great complaint;
It's sighing and it's weeping
And in despair and pain.

Oh, that she would ask me
Just what could be the cause.
I want to tell her freely
I ache for her because
I know she's lonely often.
This silence wounds me so!
If her heart I could soften
All would be well, I know.

To see how splendid she is
And always beautiful;
And for as nice as she is
To her there's no equal.
Compared with other women
She always takes the prize.
To see her is believing
That I'm in paradise.

I simply cannot tell all
Her beauty and her care;
How can one measure them all?
If only she would dare
To make her heart and love plain
And turn herself to me.
Then would my sorrow and pain
Turn into ecstasy.

But I must give up striving
And for a time feel sad,
As if life's not worth living—
The greatest pain I've had—
Though I am not right for her,
And she cannot be mine,
Through God's almighty power
I'll see a better time.

Justi 2016 Easter

 / |_| \
|  (^)  |
|  (  ) |
  / \
 \__/ (un avi kolumba)

J  U  S  T  I

== 2016 == U Re-Vive de Kristo (Paska) ==


FILIPI 3: 10 Mi pote ski de An e u forti de An re-vive, e de u socia de An suferi, tem gene forma ad An morta.

Pre an muta a Kristo religio, Paulo es un homi, qi ski de u forti de arki. An ski de u forti de u boni menta e u boni eduka, e de plu nobili ami e socia.

Es sura kon este de forti; Paulo sti kine a civita Damasko, tende akti kontra plu Kristo-pe la (Akti 9), kausa an habe u ple arki de un alti hiera pro an tende. Anti-co tem u-la viagia, Paulo kine kontra un arki, ma forti de pan, an pa pre ski de. Id sti minus-vide an. Id es u forti de u re-vive, re-sta e du-regi Kristo.

Kontra-co, tem Paulo gene duce per manu ad u civita Damasko u-la di, an kron ne ski de Kristo alo de An salva re-vive dina. An gene u ski de u-ci po mikro tem, kron u Sankti Spiritu aperi an menta a plu Sankti Grafo, e monstra ad an; Jesu, an pa viole kontra, es Kristo.

In u kapitula 3 de u bible Filipi, Paulo sti sura u ski de u dina de u re-vive de Kristo homo u maxi valu habe-ra- un habe-ra de tali supra valu; an sio lose pan ra pro id, e dice; an veri lose nuli-ra.

Saturday, March 26, 2016



Uno di pre mega tem, u bi-pali navi INDUSTRI es ad u-la navi-lo.  Id habe plu kargo e prepara de u plus viagia ad u tele landa.  U kapitana Jonatan e u kapitana Jakob pa pre reklama; u navi fu ki ad u la tele landa, e mu volu plu mari-pe pro id.  Kausa-co, uno mana, es u mega miria ex ergo-pe in un ofici-ka de u kapitana Jonatan e u kapitana Jakob.  Per-co u kapitana Solomon gene plu navi-pe.  Plu plus ergo-pe, an ne volu, an bali ab la.  Po-co an komanda; mu moti pan ra, mu fu vora, e un aqa, mu fu bibe, in u navi.

Plus-co mu moti bi mikro kanona in la ko plu buleta pro u kanona.  Mu plus moti poli fusili-me e buleta pro plu fusili-me, kausa u kapitana Jonatan e u kapitana Jakob pa dice ad u kapitana Solomon, mu volu; an sto u viagia ad u certa topo tem u viagia ad u-la tele landa, plus, tende sto u viagia a la, an fu nece ki dia plu mero de mikro oceani, plu pirata du eko a.  Kron u navi es ad mono-di viagia po Gibraltar, u kapitana Solomon komanda; mu moti bi kanona ex u stora-ka, e liga mu ad u supra pedi-lo, uno ad ante de u navi e hetero ad u poste de u navi, e moti plu fusili-me a loka, plu navi-pe pote gene mu.

Forti pre-kron de uno mana, kron proto gene sufici foto de skope peri mu, u navi-pe a supra a plu veli baci voci: “Saluta!  A pedi-lo!  U veli ad ante!”  U kapitana-bi dice: “Mi fu ki a supra.”  Po u kapitana-bi kine a plu veli baci, an skope per u tele-skope, e klari vide u veli.  Anti-co an ne pote vide u navi soma, kausa u-la es infra u Geo ciklo.

Pan navi-pe pa miria ki ad u supra pedi-lo, tako po mu audi de u-la xeno veli.  U kapitana Solomon skope per u tele-skope, e vide; id es u xeno veli, plu pirata uti.  U kapitana Solomon komanda ad u kapitana-bi; an dona plu fusili-me a pan navi-pe.  Plus-co u kapitana Solomon komanda ad u kuko-pe; an sti u piro, e sti termo hidro— tali poli, an pote moti in plu mega supa-va.  Plus-co u kapitana Solomon komanda; plu navi-pe porta plu fusili-me, e ki a ci e a la longi u navi latu, qi es ma proxi a plu pirata; e plu navi-pe, qi ergo de bi kanona, sta in klari vista.  Plus-co an muta u navi direkti, tende id ki rekti a plu pirata.

Kron plu pirata vide; u navi pa muta direkti, e ki direkti a mu, mu ne ski u buta, kausa mu pa puta; id fu kine ab mu.  Plus-co plu pirata vide pan-la navi-pe ko plu fusili-me, e ne pote decide; id es qo navi speci.  Plu pirata ki a proxi, e dice u saluta ad u navi, e petitio; qe u kapitana Solomon volu u direkti-pe.  An mega ridi, e komanda; pan navi-pe buta plu fusili-me a plu pirata.  Kausa-co plu pirata proto ki ab la.  Anti-co, kron mu puta; mu es ad u sufici tele, mu apo u tegu ab u kanona, e fusili ad u navi.  U fusili ki excesi alti.  Plu navi-pe, qi habe prepara de bi-la kanona, bate u-la pirata navi.  U mono ki dia id latu, seqe-co un aqa ki in id forti tako.  U bi bate u pali, e skizo id, seqe-co id supra kon u mega veli e veli baci kade in aqa.  U kapitana Solomon fobo; an fu nece salva plu pirata, si mu navi gene infra aqa.  Kausa-co an dice u komanda; mu ki itera a Gibraltar.

U-ci es pan-ra.

Saturday, February 20, 2016



Uno di pre mega tem, u bi-pali navi INDUSTRI resta ad u-la navi-lo.  Mu pa apo plu kargo, id pa moti ab u tele landa, e moti mu ad u mega stora-do, u navi cefa Jonatan e u navi cefa Jakob habe, plus plu ra pa gene moti ad u domi de u navi cefa Jonatan.

Kron u navi cefa Solomon puta; u navi debi habe plu neo ra, pre id proto u plus viagia, kausa oligo veli ne habe tali forti, de mu debi habe, plus oligo korda pa gene tali mega uti, mu proto habe plu skizo e gene habe paleo.  Kausa-co an ki a plu veli face-pe, e dice a mu; an volu; mu ki a la, e metri in u navi de plu neo veli.  Plus an ki a plu navi pali-pe, e dice a mu; an volu; mu ki a la, e apo pan veli baci de u navi.

Tem plu veli-pe e pali-pe habe aktivi kausa face plu neo ra pro u navi, u navi cefa Solomon komanda; mu duce id ad u mari feru-via.  La es u mega tena-ru ko plu ciklo, qi ki epi u feru-via ad-in aqa.  Mu pote trakto id ex aqa per plu mega korda.  Po plu ergo-pe sufici liga u navi ad id, mu sti; bi equs ki peri e peri ad u proto de u-la feru-via, e strepto u korda veri tardi.  Po-co plu ergo-pe pote skope u navi funda, e repara ad ali-ra, qi nece gene plu repara.  Po-co mu lase u navi itera ad aqa.  Po-co plu pali-pe ki a la, e sta plu neo pali, mu pa face, a mu loka, plus mu moti a supra plu veli baci.

Tem plu pali-pe du ergo, u navi cefa Solomon komanda; plu ergo-pe moti plu kargo in u navi.  Plu ergo-pe uti plu kareta, e proto ki uno po hetero a supra longi u klina taba mono, tem pulsa plu ple kareta, e po u-la ad infra longi u bi, tem trakto plu vaku kareta po se.  Po-co plu veli-pe ki a la ko plu veli.  U navi cefa Solomon logi; u navi habe pan prepara de ki de u plus viagia, kron an fu gene plu navi-pe, e kron an habe plu vora, e aqa, mu bibe.

U-ci es pan-ra.

Sunday, January 31, 2016

Justi 2016 Lent

 / |_| \
| (^)  |
| (   ) |
 \_,, _/
  /  \
 \___/  (avi Kolumba)

J  U  S  T  I


== 2016 == Plu suferi de Kristo (U Mega Fami-tem) ==


JOHANO 12: 12 Kron u seqe di, u mega miria; qi pa ki a la a Festa, e kron mu audi; Jesu ki a civita Jerusalem, 13 gene plu rami de plu dendro Palma, e ki ex la, tende gene inkontra kon An, e forti dice: Salva! An; Qi ki a ci per u nomina de TEO! U Regi de natio Israel! 14 Kron Jesu, po An pa detekti u juve asini, sti sedi supra id, komo ge-grafo: Sto fobo, O fili de Zion! Sti vide! Vi Regi ki a ci, tem sedi supra u juve asini.

Tu sio puta qo, si mi sio dice tu; u Preside-pe de plu ge-Uni Stato kine a tu tende visita, plus tu nece prende an a tu domi de bus statio? U-ci ne fu gene un acide, qe?

U ski de plu mode; plu nu-tem arki-pe ki per, e de plu mode; mu spende tem per, sti klu ma mira plu acide de Palma Di! Audi qod u profeta Zeharia dice de u mode, e a pe; u Regi de pan regi, u Fili de Teo, tu Salva-pe, ki a ci:

ZEHARIA 9: 9 Sti hedo voci, O fili de Zion! Sti voci, O fili de civita Jerusalem! Sti vide, vi Regi ki a vi. An habe justi, e habe salva, tem habe humili e ki per asini e per ju-asini, u fili de asini.

Un Homi; Qi ki a civita Jerusalem kron Palma Di ne simpli es u cefa de natio, sed u Regi de pan ra- un holo-tem e pan-dina Fili de Teo. Plu eklesia-pe (Zion e civita Jerusalem) debi hedo voci, kausa mu Regi ki a mu, e An ki- per asini?! U-ci ne feno habe korekti.

U mode; na Regi ki ad Auto demo per, es u signi de u tali Regi; An es. An "humili" ki a tu. Kron u Fili de Teo gene es un homi, An gene nati ne a nobili famili. An vive es ne tali; plu dulo pan-kron dona An auxi, sed u-ci Regi ki a ci, tende dona servi- servi ad Auto Patri e servi a na:

MATEO 20: 28 U Fili de Teo ne ki a ci, tende gene servi, sed tende dona servi, e dona Auto bio homo paga pro multi homi.

Tem na du puta de plu acide de Palma Di, na du mira; na vide u signi de Jesu Auto per u fero zoa (un asini); An ki per. Jesu ki a ci, plus tende fero u spiritu mega kargo ex na multi peka:

ISAIA 53: 6 TEO moti ad An non-justi de pan na.

Jesu pa moti epi Se u kargo ex na kako desira de sexu aktivi e de plu ra; na ne debi habe, e na auto-amo e na odio. An pa moti na mega kargo a supra a Se, e, per Auto morta epi u kruci cide-ru, apo u-ci holo-tem.

Na salva Regi du ki a tu nu-di, forti simila ad u mode; An pa ki a ci kron u-la Palma Di- kon humili. Plus per bi sankti mode-ra: U Bapti posi ne feno habe gravi ad ordinari pe.  Anti-co akorda tali mode; Jesu ki a ci per, humili e ki per asini, per tali mode An plus ki a na, humili e gentili per aqa e verba per Bapti. Per un humili mode de minus-zima pani e vino, Jesu ki a na, e dona Auto reali soma e hema, tende sti kalma e forti na.

Kausa-co sti hedo voci! Na Regi de pan regi este kura de tu. Tu Regi ki a tu!

(U supra-ra es u translati de u mero per England lingua ab

Saturday, January 16, 2016

Mustache Maude

Mustache Maude
> Labi-Barba Maude

Clara Belle Rose was born in 1873 near the town of Tracy, Minnesota.
> Klara Belle Rose gene nati anua 1873 proxi viki Tracy stato Minesota.

When she was only 16, she ran away from home.
> Kron fe habe simpli deka-sixa anua, fe pa lasi auto eko-lo.

She lived with her sister Dora in Minneapolis and did odd jobs like sewing.
> Fe pa es ko sorori Dora loka civita Mineapolis, e akti plu mikro gina ergo, homo sue.

In 1895 she went to Aberdeen, South Dakota to work for her brother, who had a hotel there.
> Anua 1895, fe ki a civita Aberdeen stato Austra Dakota, tende du ergo sub fratri, qi habe la un hoteli.

She drove a taxi-carriage and also worked in the hospital.
> Fe akti u taxi-vagona, e plus akti plu ergo loka pato-do.

When she was 23 years old, she had enough money to start her own business.
> Kron fe habe bi-deka-tri anua, fe habe sufice valuta de establi auto negoti-lo.

She went to the town of Winona, North Dakota.
> Fe ki a mikro civita Winona stato Boreo Dakota.

Winona was a bad town.
> Winona pa es u kako civita.

It was across the Missouri River from Fort Yates.
> Id es trans u fluvi Misouri ab u forta Yates.

When the soldiers had free time, they would spend their money in Winona.
> Kron plu soldata habe libe tem, mu lose valuta  loka Winona.

Clara started a saloon/gambling house.
> Klara proto u bibe/divi-do.

She dressed like a cowboy: She wore a big hat and kept a six-shooter on her hip, but she wore short skirts.
> Fe habe epi se plu bovi-ago vesti: Fe habe u mega kefa-ve e tena u sixa-buleta fusili para koxa, anti-co fe habe plu brevi infra-tunika.

Because she had abnormal lip hair, the soldiers called her "Mustache Maude."
> Kausa fe pa habe plu no-norma labi kapila, plu soldata dona fe u nomina "Labi-Barba Maude."

Everyone liked her, because there was no doctor there, and she often helped the sick.
> Pan civi amo fe, kausa la es nuli iatri, e fe freqe dona auxi a plu pato-pe.

When the fort closed, Maude raised cattle.
> Po u forta pa gene lase, Maude sti kresce plu bovi.

Maude never rode side-saddle, but straddled her horse like the other cowboys.
> Maude nuli-kron sedi epi equs per gina "latu" sedi-ru, sed pan-kron sedi, komo plu hetero bovi-an.

She was the only woman in the history of the USA to be convicted of cattle rustling, although she was not punished.
> Fe es u solo gina akorda USA histori, qi gene un etio de klepto u bovi, anti fe ne gene puni.

Maude died in 1932 in the town of Selfridge.
> Maude gene morta anua 1932 viki Selfridge.

It was a very large funeral.
> La es u morta festa ko mega poli festa-pe.

Saturday, January 9, 2016



Uno-di pre mega tem, u bi-pali navi INDUSTRI pa re-ki ab proto viagia ad u tele landa.  Id es ad u-la navi-lo.  Plu ergo-pe proto moti ex id pan ra, id pa fero ab u-la tele landa.

Kron mono, mu moti ex id pan giongguo-vitri vora disko, u navi cefa Jakob pa merka pro Loisa.  Po mu apo pan disko, qi habe plu domi e dendro e avi epi mu per blu kroma-ma, mu moti plu mega teka, qi habe in se plu tea bibe-ru ex delikate giongguo vitri e plu tea buli-va ko plu aliena forma.

Tem pan-la ergo-pe moti plu habe-ra de Loisa ex la, plu hetero ergo-pe sti prepara se tende sti vaku u fero-ka de u navi.  Pan-la ergo-pe pa liga plu korda a rami de navi pali, e moti rondo u rami.  Kausa-co plu korda es proxi supra u pedi-lo porta.

A fini, u navi es holo vaku.  Id kron plankto ma alti in aqa, de id pa plankto, kausa pan-la ra habe gravi.  Plu ergo-pe ki a la per u vagona, e moti pan-la ra, qi es de Loisa, in u-la vagona.  Kron u vagona gene ple, plu ergo-pe sti plu equs.  Plu equs mega forti trakto, e kine a supra longi fo-klina buno e ad u domi de u kapitana Jakob.  Loisa es la.

Kron mono, mu fero pan vora pla e mega disko e mikro disko e tasa e sub-tasa, qi habe epi se plu dendro e domi per blu kroma-ma, in u kuko-ka e sito stora-ka.  Mu ple pan tabla e sedi-mo.  Po mu lava plu disko, u servi-fe akti u fero de mu, e moti proxi pan mu in u fo-mega tena-mo in u vora-ka.  Fe moti plu mikro e mega disko epi plu ma infra pla de tena-mo, e sti sta plu vora pla per margina po mu.

A fini, pro fe pan-la ra es ad uno-lo.  Fe este mega fatiga.

U-ci es pan-ra.