Sunday, November 29, 2015

INDUSTRI 6

6.  U STORI DE U TELE LANDA

Uno di pre mega tem, u navi INDUSTRI kine per veli longi u-la fluvi tem u viagia mono.  In id es u kapitana Jakob e Loisa; an sponsa, e plu navi-pe.  A navi asilu, mu lase po mu, u kapitana Jonatan sta.  An tristi, kausa an fe-fili gene game, e kine ab la.  Po pusi tem, u navi es ex u-la fluvi e epi u mega oceani.  Po plus pusi tem, es noktu.  Plu astro dona lumi a pan-lo cirka la.

Per tali mode, u venti boni fla se.  Anti-co id ne es u mega venti.  U navi du kine longi u mega oceani tem multi di.  Po-co u mega tempestu veni.  Plu navi-pe apo pan veli escepti bi.   U venti forti fla se tem bi di.  Plu unda es alti e klina.  Po-co zero tempestu veni.  U navi kine longi u viagia trans u mega oceani.

Uno di, u navi-pe; qi pa es a supra supra plu veli baci, vide uno-ra.  An voci: “Tera, O!”

U kapitana Jakob este hedo, kron an audi u-la.  An dice u komanda; u navi kine proxi ad u-la tera.  Id es un insula.  Zero demo pa eko la.  Es u fonta ex kali, klari aqa; qi flu ex u skizo in u petra.  Plu navi-pe re-fero plu mega kupa kon aqa, e leva mu a navi.  U kapitana Jakob este ma hedo, kausa an ski; panto navi-pe habe sufici boni aqa; qi fu dura, a-kron mu kine ad u-la tele landa.  Mu kine per plu veli tem mega poli di, a-kron mu kine ad u-la tele landa.

Po u mega tem, u kapitana Jakob akti kura de pan negoti, an nece akti.  Kausa-co an kla a Loisa, e dice a fe; si fe volu tali, mu nu pote kine ad u-la litora, e vide qod es la.  Loisa este interese de vide plu aliena boteka.  Mu akti tali singu di de mega multi di.  U kapitana Jakob merka mega multi-ra; feno, Loisa mega amo.  U kapitana Jakob merka pro Loisa u kali skapa-ve ex kamelus kapila e u steno ra ex kamelus kapila pro fe kola.  Anti-co fe ne lase; an merka plu plus ra pro fe.  Mu nece fero pan-ci ra a navi per plu pusi remi-navi, e stora mu-- plu gravi ra a kron mono, kausa mu fu es a funda.  Plu gravi ra pan-kron nece sta proxi a funda de navi.

U kapitana Jakob puta; an fu lase ad u kapitana bi u komanda de navi, e duce Loisa longi pusi viagia in u-la landa.  U navi cefa Jakob kine ko tri navi-pe.  Per tali mode, an ko Loisa kine per plu pusi vagona; plu bovi trakto.  Loisa vide plu viki e plu gina; qi lava plu vesti in aqa de u-la fluvi, e plu krokodilus; qi feno habe u vista de plu paleo dendro bloka.  U kapitana Jakob decide; mu es la tali tem, mu debi es la.  An ne plus tem resta la.

U navi kine per veli ex u-la fluvi ad u-la mega oceani.  Loisa este hedo, kausa fe kron kine ad auto landa.  Po-co mu kine per veli tem mega poli di, cirka u landa; plu simia du eko topo, ad u plus mega oceani.

Es kron heli kata, kron u navi kine ad u-la lati fluvi.  U kapitana Jonatan pa kine ex u negoti-do.  Per tali mode, u kapitana Jonatan es un homi mono; qi vide Loisa a navi asilu.

U-ci es panto-ra.

Sunday, November 15, 2015

INDUSTRI 5

5. U STORI DE U GAME

Pre u mega tem, tem plu navi du kine ad u-la navi asilu, u kapitana Jonatan e u kapitana Jakob habe un ofici-do, proxi a navi-lo, kausa mu habe poli navi.  Plus-co mu este hedo de es proxi a topo, plu navi es a.

Uno-di, po u navi INDUSTRI pa gene stru e plu korda e veli, id es topo u-la navi-lo, plus plu ergo-pe du moti plu ra in id, tende moti id a tele landa.  U kapitano Jonatan e u kapitano Jakob es in ofici-do, tem dice de u-la.  U kapitano Jonatan fini dice: "Jacob, tu auto face u viagia.  Plus-co kine ko Loisa.  U-co fu es u boni game viagia pro vi."  Kausa Loisa pa dice u promise de game kon u kapitano Jakob.

U kapitano Jakob habe aktivi de skope u navi, e de prepara u kamera pro Loisa.  Anti-co u kapitano Jakob ne pote moti poli ra kon an, kausa u kamera habe tali mikro.  Para-co an doxo; si Loisa fu pote este sati de oligo ra tem viagia a la, fe fu pote merka plu ra, fe volu, e fu moti ko fe plu-ci ra.  Plus-co, kron u kapitano Jakob akti u puta de u-la, an sti ridi.

Kron Loisa vide u kamera, plu eko-ra in id habe mega kali, anti-co id habe veri oligo ex mu.  Kron Loisa kine itera ad eko-do u kapitano Jonatan dice a fe u qestio; fe este qo hedo de eko-ka in navi.  Fe dice; Jakob feno habe tali no-merka de auto ra, fe ne ski; qe fe fu akti u game kon an, alo ne fu akti.

U kapitano Jonatan sti ridi per gluko mode.  An dice: "Jakob ko mi pa dice pri u-ci.  Seqe-co na face u decide; tu habe ko tu ma oligo ra tem viagia, tu habe ma spaci tende re-fero plus ra."

Po-co u game di fini veni.  Id es u di ge-decide; u navi fu kine de proto viagia ad u tele landa.  Po-co u mega, ponde vagona kine longi u steno via a navi-lo.  Plus-co, po u-la vagona, plu plus vagona kine.  Ex u proto vagona u kapitano Jakob salta.  Plus-co, kron an tropi se e auxi; Loisa kine a tera, plus kron plu mari-pe vide Loisa, mu sti voci, fo-soni iso posi.  Kron u kapitano Jonatan kine ex vagona, Loisa kine ad an, e moti plu braki peri an.  Po-co u kapitano Jakob ko Loisa kine in navi per klina tabula.  Po-co u navi kine per veli akorda u fluvi e ad u mega oceani.

U-ci es panto-ra.