Sunday, October 11, 2015

JUSTI 2015 Re-Forma

 / |_| \
|  (^)  |
|  (   ) |
 \_,,_/
   /  \
  \__/    (un avi Kolumba)

J  U  S  T  I

PER AN FILO

== 2015 == U Festa tema u Luter Re-Forma ==

U Bene de u Luter Re-Forma Supra Pan Plus Bene


Poli bene de u Luter Re-Forma nu-du veni a na: Na habe u translati de u Kristo Bibli per auto lingua, akti poli kanta a Teo, e plu parenta e cefa du uti u MIKRO SKO-BIBLI de Luter, tende dona plu sko tema u Kristo Bibli a plu infanti. Na detekti u bene supra pan plus bene in u reakti ad u qestio de u karce cefa in civita Filipi: "Mi debi akti qo tende gene salva?" (AKTI 16:30)

In juve tem, Luter du lukta de logi u ra, Paulo pa akti u grafo de, in ROMA 1:17: "Per id, u justi de Teo gene monstra de fide a fide, homo ge-grafo: Plu justi-pe habe bio per fide." An dice per grafo: "Kron mi proto logi; u 'justi de Teo' es u ra, u justi-pe gene bio per u doro de Teo per, qi veni per fide. Plus-co u signifi es u-ci: U Boni Info monstra u justi, na gluko Dio sti justi na per fide per, homo ge-grafo: U justi-pe habe bio per fide. Kron mi sio este holo re-ge-nati, e; mi sio kine ad u Teo-lo dia plu ge-aperi porta."

Luter detekti u boni info; plu kako-pe gene salva ne per plu boni akti, sed per fide tema Jesu Kristo. Na salva es kausa AN sankti, kausa AN justi e kausa AN merito. U-ci es un info, na audi in APOKALIPSO 14:6-7: "Po-co mi vide un angeli, vola direkti supra, kon un holo-tem info de dice a pan homi, qi du eko epi u Geo, a pan natio e sub-natio e lingua-pe e demo. An dice per u forti voka: Sti fobo de Teo e dona ad An famo, kausa u kron tema An judika veni. Sti latri ad An, Qi face un Urani e Geo, e u mari e plu aqa fonta!"

Tema Abraham, Teo dice: "Abraham habe KREDI tema Cefa, plus An sti ad an u merito homo de justi." (GENE 15:6) U ge-bali-pe Paulo dice per grafo u-ci holo-tem Info per plu grama: "Na akti u decide; un homi gene justi kausa fide minus plu akti akorda plu lega." (ROMA 3:28)

Un artikla tetra de u KONFESI DE CIVITA AUGSBERG (in u natio Deutschland) klari dice: "Na eklesia... dona u sko; plu homi ne pote gene justi ante Teo per auto forti, merito alo akti, sed gene justi gratis kausa Kristo per fide, kron mu habe u kredi; mu gene cepti per favo, e; mu debito gene pardo kausa Kristo, Qi per Auto morta akti u paga de pan na debito. Teo este u-ci fide iso justi."

U-ci holo-tem Info es u bene de u Luter Re-Forma, qi es supra pan plus bene. Gratia a Teo!

No comments:

Post a Comment