Saturday, October 17, 2015

INDUSTRI 4

4. U STORI DE PLU PALI E VELI

Pre poli anua, tem plu navi du kine ad u-la navi-lo, un andro pa face u navi face-lo para u-la fluvi.  Plus-co, loko u-la face-lo an pa face u bi-pali navi INDUSTRI pro u navi-cefa Jonatan e navi-cefa Jakob.  Anti-co id habe zero pali e zero korda e zero veli.

Akorda-co u face-lo cefa kine ad u-la mikro civita, e detekti plu ergo-pe, qi face e moti epi plu navi plu veli pali, e dice a mu; sti kine a face-lo, e sti moti plu veli pali epi navi INDUSTRI per u-la mode; u navi debi habe plu veli pali.

Po-co mu kine ad u navi INDUSTRI, e moti bi mega, forti baci.  Bi baci habe tali mega; u mikro ju-an pote proxi ne moti bi braki peri mono.  Mu sti orto bi baci, seqe-co singu baci habe funda proxi a margina de navi pedi-lo.  Mu gene un ante pali.  Mu sti rola id para navi INDUSTRI, e liga u mega froti korda peri id a mikro supra meso ko laxa mero ab id.

Po-co mu liga u laxa mero a leva ciklo per korda, qi habe u via ad ankira bobina.  Po-co kron plu pali-pe habe prepara, tri ex mu proto kine peri bobina, tem pulsa anti id plu baci, e un hetera tena u korda.  Po-co u pali gene u veri lento e veri kura leva.  Plu ergo-pe kine infra pedi-lo de navi, a funda, loko mu pote tena u funda mero de pali, e du duce id a fora, ge-face pro id in funda traba.

Po-co u face-lo cefa itera kine a civita, e detekti plu veli-pe.  Plu veli-pe kine a la, e sti plu metri de plu loko, a qi pan veli fu es.  Po pan veli gene sue, plu veli-pe gene bi mega vagona, e sti plika pan veli mikro iso mu pote plika, e moti mu a bi vagona.  Po-co mu sti liga mu ad u navi, pan a pan loko.

Po-co pan veli es la, e pan korda ad auto loko, e plu ankira e mega katena es la.  U navi INDUSTRI habe prepara pro u navi-cefa Jonatan e u navi-cefa Jakob.

U-ci es pan-ra.

No comments:

Post a Comment