Sunday, January 25, 2015

Banjo 6

(6) TENA U BANJO

Tende tena u banjo:  Sti sedi se.  Sti sedi u banjo soma epi bi poda e proxi a tu soma.  U banjo kola debi es a 45-gradu gono (ne exakti, sed a topo; id habe u facili este) a tu laevo latu:

    #
   /
 _/
(_)

Lase tu dextro manu epi u manu resta-ru.  Plu dextro-manu digi du soni plu korda ci.  Moti tu laevo-manu paki digi po u kola, e plu resta tetra digi a plu korda la.

Kausa u banjo habe u ciklo forma, plu banjo-pe freqe uti u krati-fi, qi kine trans u laevo skapa e trans dorsa, tende tena u banjo.  Pe plus pote sta ko banjo per tali krati-fi.

   ---
  (   )
  _| |_
 |\\   |
 | \\ ||
 || \\||
U dorsa de homi kun krati-fi trans u dorsa.

Plu laevo-domina homi ne debi versi u banjo.  Soni u banjo es u neo experi pro bi manu.

No comments:

Post a Comment