Wednesday, December 31, 2014

Justi 2014 Kristo-Nati


 / |_|\
|  |^| |
| (  ) |
\_,,_/
/  \
\__/ (avi Kolumba)

J  U  S  T  I
PER AN FILO

== 2014 == Kristo-Nati ==

Kristo-Nati sti memo na;
PLU RA NE ES; HOMO MU FENO ES

Plu feno vista pote sti plu falsi decide.  Poli homi habe u logi de u-ci idea.  Zero-pe ma boni logi u sti-falsi natura de plu feno vista de u Kristo-pe.  U Kristo kredi— akorda defini— es de plu ra, qi habe zero vista:

EBER 11: 1 Fide es u materia de plu spe ra, e plu testi-ma de plu minus-vista ra.
NA GEO PA GENE ES PER QO MODE?

Plu petra, qi FENO es fo-paleo, e plu foto ex plu astro, qi feno nece habe fo-tem de kine a Geo, sti; plu skience-pe decide; na universa pa gene origi per u mega explode ante tetra kilo miliona anua.

Anti-co plu ra ne es; homo mu feno es:

EBER 11: 3 Kausa fide, na logi; plu kosmo pa gene forma per u dice de Teo.  Per-co plu ge-vide ra ne pa gene face ex plu vide-abili ra.

UN HOMI BIO PA GENE ORIGI EX QO?

Decide kausa plu vista, FENO posi ad uno-pe; plu homi gene evolve ex plu ma basi bio-ra para plu mega simia.

Anti-co plu ra ne es; homo mu feno es.  U capitra tri de u bibli Gene dice a na; Adam e Eva gene krea ple matura ex Teo, tem es u maxi glori sucede de An krea, e ne de u evolve seri.

PE GENE SALVA PER QO MODE?

U responde, qi FENO maxi veri, es: plu kako akti nece gene paga per plu boni akti.
Anti-co plu ra ne es; homo mu feno es:

ROMA 3: 20 Per plu akti de lega, zero homi-ma fu gene es justi in An vide.
Idio de Kristo-Nati, plu ra ne es; homo mu feno es.  Kausa in ruga agri-zoa-lo in viki Bet-Lehem es u forti Regi, u Kirio de un holo krea-fa, e u Salva-pe de un holo munda!

MIKA 5: 2 Tu, Bet-Lehem Efrata, anti tu habe pusi inter plu kilo Juda-pe, klu ex tu fu veni a Mi u Pe, Qi es u Regi topo Israel, plu veni de es ex arkeo tem, ex holo pa-tem.

Kristo-Nati apo u fini falsi-feno ra pro panto Kristo-pe: u FENO; pe ne pote gene supra panto kako akti.  Na dice u konfesi ko Martin Luther in U MIKRO SKO BIBLI: "Panto di, na du akti poli kako, e sura gene u merito puni."

Anti-co plu ra ne es; homo mu feno es!  Un angeli sti sura na:

LUKA 2: 10 Ne este fobo! Sti logi: Mi moti a vi plu boni info tema mega hedo, qi fu es a panto homi. 11 Es ge-nati a vi nu-di topo u civita de David u Salva-pe, qi es Kristo Kirio.

Na SALVA-PE gene nati!

(U supra es u translati ex lutheranspokesman.org.)

DE NORD DAKOTA

PIERRE BOTTINEAU

Pierre Bottineau pa gene nati tem auto matri es in casa grega in nord-est gono de nu-tem Nord Dakota.  An patri pa es France-Kanada civi, e matri Ogibwe (-e-Dakota?) Indiana.  U-ci pa kausa; an es de u demo Métis [ge-mixa].  Ambi plu Indiana-pe e plu Europa-pe ne amo plu Métis.  Anti-co Pierre sti funktio se ad ambi.

Kron an habe 13 anua, an proto ergo ko zoa-peli kompani Baia Hudson; fero plu grama inter stato Wisconsin e Kanada civita Winnipeg.  An kresce ad u mega, forti andro, e gene game kon u Métis gina.

Kron anua 1837 an duce auto famili a milita palati Snelling proxi a bi nu-tem civita Minneapolis-Sankti Paulo, topo an oligo-kron dona auxi a generali-milita-cefa Sibley, qi poste es u stato-cefa mono de Minnesota.  Kron anua 1840, plu akorda-papira turba ko plu Indiana sti; an sti logi ma proxi a bi-ci civita.  Faktu, an auxi establi mu.  An plus auxi establi plu hetero civita: in Minnesota: Osseo, Maple Grove [Plu Dendro Acer], plus Red Lake Falls [Plu Rubi-Laku Aqa Kade], topo an auxi; plu Métis proto eko, plus in teritori Dakota u civita Wahpeton.  Kron anua 1862, an duce plu USA civi ab milita palati Abercrombie ad u kriso-lo in Montana.  Kron plu Indiana skema milita anti mu, an dona u lice paga a mu per fusili oligo bisona pro mu.  Tem u-la anua, an plus dona auxi a Sibley ko plu milita anti plu Indiana topo Minnesota.  Kausa an dice oligo Indiana lingua, an freqe es u translati-pe.  An kine ko Sibley tende sti milita anti plu Indiana topo teritori Dakota tem anua 1863.

U sponsa mono de Bottineau lose bio.  An gene game ad u Métis gina bi.  An du merka e vendo tera topo plu civita; topo an pa ergo.  Anti-co an ne pa gene poli profita.  Kron an es u gero-pe, plu importa ami gene sucede de gene pro an u po-ergo privilegi ex USA arki de 50 USD singu meno, kausa an pa akti tali poli ergo pro id.  An lose bio kron 1895-07-26.
----------------------------------------
JUSTI es u gratis presa-ma.  Ali-pe, qi volu u kopi alo panto-kron gene de id, pote grqfo a:
JUSTI is a free publication.  Anyone wanting a copy or a subscription can write to:
GARY R MILLER
409 7TH AVE NW
MANDAN ND 58554-2522
U S A
Alo/or: glos-avanti.blogspot.com, alo/or: gmillernd(a)gmail.com.