Thursday, December 26, 2013

300,000 More


NA VENI, PATRI ABRAM

Na veni, Patri Abram, klu plus tri-hekto-kilo
Ab Mississipp helika flu e ab New England latu.
Na lase ar e ergo, u sponsa e infanti.
U kardia sto na dice, es solo mo lakrima.
Na vide ne a poste, sed forti longi via.
Na veni, Patri Abram, klu plus tri-hekto-kilo.

Sti vide ab mont akro, qi tensio ad urani;
Vi pote vid u nefo line longi panto via--
Subito nu, u venti fla e ap u nefo veli
E monstra na pol-astr insigni, ple ko spe e glori.
Plu arma scint per heli, plus es plu marca kanta.
Na veni, Patri Abram, klu plus tri-hekto-kilo.

Sti vide in plu vali, topo na kultiva sito;
Vi pote vide poli ju-an gene ski de marca.
Plu ma juve infanti kolekti panto karpe
E gene ski de agr akorda holo landa nece.
Plu homi dice vale topo panto domi porta.
Na veni, Patri Abram, klu plus tri-hekto-kilo.

Tu voc a na; na veni pro panto Richmond hema
Te dona bio pro na lib e morta de pan fratri,
Te kapti ab no-fide pugna an sti-morta arma
E monstra id ge-frakti mer a panto anti-homi.
Six-hekto-kilo fide-pe pa kine ante na.
Na veni, Patri Abram, klu plus tri-hekto-kilo.

Saturday, December 7, 2013

Justi 2013 Christmas


 /| _ |\
| ||^| |
| (    )|
 \_,,_/
  /  \
 \___/ (avi kolumba)

J  U  S  T  I
PER AN FILO

== 2013 == Kristo-Nati ==



AN PA GENE NATI TENDE SALVA PLU KAKO-PE!

Kristo-Nati habe qo semani, si pe este mikro alo klu zero importa de plu kako akti anti Teo?  U deklara-pe pa grafo ad Israel:

ISAIA 59:  2 U krimi nu lisi se ab vi Teo.  Vi kako akti nu kripti An facia ab vi.  Seqe-co An ne audi.

Plus nu-tem, mu, qi nega ski auto kako akti, alo qi doxo non-importa, ne pote fugi ab reali de plu dice de Teo:

ROMA 5:  12 Per mono andro, kako kine a munda, plus morta per kako.  Seqe-co morta kine a panto homi, kausa panto-pe akti kako.

Panto homi gene morta kausa qo?  Kausa mu (na) es plu kako-pe.  Po no-sucede de homi kako, Teo-Patri dice u promise de bali u Sperma de gina, Qi fu destru u diaboli, e gene u vikto supra kako e morta pro na:

GENE 3:  15 Mi fu moti non-ami inter tu e u-ci gina, plus inter tu sperma e fe Sperma.  An fu noku anti tu kefa, plus-co tu fu noku anti An pedi.

Na Kristo-Nati festa es u festa de fide de Teo ad An promise.  U Kristo-Infanti, ge-nati in pove de u-la vora-va, es vi Vice-pe, Qi gene vi kako akti, tende vi gene es u justi de Teo per An:

2 KORINTI 5:  21 Pro na, An face; An, Qi ski zero kako, es kako, tende per An na pote es u justi de Teo.

Na detekti u veri Kristo-Nati hedo in testi ex Kristo-Bibli:

1 JOHANE 5:  11 Teo dona a na holo-tem bio.  U-ci bio es per An Fili.



DE NORD DAKOTA

PLU NORD-DAKOTA-PE ANTI NAZI-PE
Vide: news.prairie.public.org/post/protestors-swamp-leith-sunday

Cirka 500 homi kine a viki Leith, Nord Dakota, 2013-09-22, tende dice anti visita de komanda-pe de Natio Socialisti Avanti, Jeff Schoep, qi pa es la tende skope plu tera habe-ra, u loka civi Craig Cobb pa merka pro plu USA Nazi-pe.  Plu insigni-te ko Nazi kruci es para un eko-do de Cobb e supra plu tera habe-ra, an pa merka.

U civi numera de Leith es 17.  Plu anti-pe fo-voci, sed minus viole:  "Sti kine ad auto landa," e "Zero miso in na landa."  U grega inklude ma poli de 200 Indiana.

Plu Natio-Socialisti pre dice; mu spe; mu habe sufici membra, tende habe arki supra viki.  Anti-co u viki cefa Ryan Schock dice; an este hedo de vide u numera ex panto anti-pe.

Plu polica-pe ex u sub-stato Grant pa es la, ge-auxi per plu polica-pe ex oligo para sub-stato.  Plus 15 Nord-Dakota inter-civita-via polica-pe atende ko plu anti-viole vesti, kaso plu akti gene non-arki.

Cobb nu posi lose auto eko-do.  U sani mero de stato arki puta de klude u-la domi kausa sani turba.  [U domi habe zero hidro alo lava-ka.]  Plus-co u viki cefa Schock dice; es plu doxo de akti u solve de na viki-- re-dona id a sub-stato.



U KRISTO-BIBLI DE DEMO SUPRA

Teo ne este; mono demo es ma boni de hetero, sed panto demo habe iso:

AKTI 10:  34 Petro sti aperi stoma, e dice:  Veri; Teo monstra zero idio favo.  35 Anti-co, topo panto landa, ali-pe, qi este fobo de An e akti justi, gene cepti ad An.

MONSTRA 7:  9 Po panto-ci, mi sti vide, e vide u mega poli, zero-pe pote numera, ex panto landa, sub-demo, demo e lingua, tem sta ante u regi sedi-mo e ante u ju-Ovis, e tem ge-vesti per leuko tunika, ko plu palma rami in manu,  10 e tem voci per fo-soni voka, tem dice:  Salva es de na Teo, Qi es topo regi sedi-mo, e de u ju-Ovis.

Teo pa elekti plu Juda-pe de es Auto "sankti demo," ne kausa mu habe ma boni de hetero demo, sed de es un exempla a panto demo, de es plu kura-pe de Auto verba, e de es u Demo, Jesu fu gene nati ex:

AKTI 7:  51 Plu sklero-kola-pe, e ne ge-peri-seka de kardia e oti!  Vi panto-kron akti anti Sankti Spiritu. Iso vi plu patri es, vi es.

1 KORINTI 10:  6 Plu-ci pragma pa gene acide iso plu exempla pro na.  Seqe-co na ne volu kako, homo mu pa volu.

Anti plu homi, qi dice; panto-pe habe iso boni, Teo dice; panto-pe habe iso MALI.

GENE 8:  21 U tende de homi kardia es kako ab id juve.
ROMA 3:  23 Panto-pe akti kako, e ne gene u glori de Teo.

Kausa-co panto-pe-- klu plu Kristo-pe-- fu habe lukta anti u kako este de demo supra.

JUSTI is a free publication.  Anyone wanting a copy or subscription can write to us:
JUSTI es u gratis presa-ra.  Ali-pe, qi volu u kopi alo panto-kron gene, pote grafo a na:

THE MILLERS
409 7TH AVE NW
MANDAN ND 58554-2522
U S A

Alo: gmillernd@gmail.com; alo: glos-avanti.blogspot.com


Saturday, November 2, 2013

The Skeleton

   __
 (o_o)
  |=|
 < | >
|/|\|
|/=\|
| \ /|
#|  |#
  |  |
 (|  |)
  |  |
_>   <_ p="">

U SKELETO
U suma de u brevi stori ex Ray Bradbury

U certa andro panto-kron este turba de se.  Seqe-co an panto-kron este pato.  An medika du bali an ex ofici-ka.  Kausa-co an akti u cerka de neo medika, qi pote repara un algo in plu osteo.

U medika es u no-norma andro ko misteri ofici-ka.  U medika koleri dice ad an, si an veri volu gene re-sani, an nece puta panto-kron de auto skeleto-- po-co an fu akti kura ad an.

Kausa-co u pato-pe du puta de auto skeleto topo eko-do.  An soma lose lipo, plus an gene u feno de skeleto.  An sponsa proto este turba de an.

Uno-di an este fatiga, e decide kine a bibe-do.  U lipo andro sti sedi para an.  U pato-an dice a lipo-an u qestio; an pote gene ma ponde per qo mode.  U lipo-an reakti; an panto-kron kreske ma e ma tele ad extra-- kausa-co an habe alexi, plus zero-pe fu pote klepto an skeleto.  U pato-an gene u no-korekti logi ex u lipo-an.  Vice-co an habe u doxo; an nece telefono ad u-la misteri medika.

U medika kine ad eko-do de pato-pe, vide an habe fami, e hedo dice; an pote auxi ad an.  Po brevi tem, feno a pato-pe; u medika es intra an, tem dice: "Sti kine ex la!"

Kron sponsa re-kine ad eko-do, fe detekti u pato-pe-- un amorfo ex dermo e vesti-- epi pedi-lo.

Semani:  

Ray Bradbury, qi habe famo iso u grafo-pe de skience fikti, plus grafo plu boni misteri stori.  U semani de u-ci stori es:  Si pe panto-kron este turba solo de se, e zero-kron gene plu ski de plu afera extra se, an pote es u viktimi de no-deko homi.

Saturday, October 26, 2013

U Maxi Mega Heli-Pote Navi de Holo Munda du Cerka plu Klima Muta



http://www.weather.com/travel/worlds-largest-solar-boat-arrives-nyc-photos-20130620

Plu navi pa habe u nece de venti de viagia peri Geo tem plu hekto anua.  Anti-co un ante anua es u proto kron; u navi, ge-pote solo per heli, pa fini u ple peri-Geo viagia.  Plus-co u MS TURANOR HELI-PLANETA habe un hetero ergo: gene plu metri de klima muta du akti in u Baia Flu [Gulf Stream].

U cerka grega in cirka 35-metra navi, qi es ex plu skience-pe de universita Geneva, fu kolekti plu fito-plankto exempla ex oceani, e aero-ma, tende logi; per qo mode u Baia Flu-- un oceani flu, qi du moti hidro ab proxi Geo eqa-line a proxi nord pola-- gene flu efekti de klima muta, akorda u jurnali GUARDIAN.  Kausa u navi gene dina per cirka 500 qadra-metra ex plu heli panela, plu skience-pe ne nece habe plu turba de disipa-ma, qi sio pote muta plu metri.

U France kapitana Gerard d'Aboville dice: "Mi auto du eko topo Brittany, uest ab France.  Na esta mega turba.  Panto na ski; si u Baia Flu gene u simpli mikro muta, na klima fu gene u mega debili."  (Agence France-Press)

TURANOR, qi pa kine a navi-lo de civita Neo York 2013-06-17, kine per meso tako de 9 KPH, e pote fero a 60 homi, akorda CNBC.  U neo viagia de navi trans oceani Atlantika pa es u maxi tako per heli-pote navi-- cirka 4500 km tem 22 di.  Pro id recerka viagia, id fu kine longi USA est litora, e poste re-kine ad Island e Norge.

D'Aboville dice a GUARDIAN: "De normali navi, pe akti kura de mari, venti e flu.  Nu-tem pe nece akti kura de heli."

Saturday, October 19, 2013

Captain Phillips

KAPITANA PHILLIPS es u boni kinema drama, anti-co...

U kinema filma
KAPITANA PHILLIPS
(Ex Wikipedia)


Richard Phillips (Tom Hanks) es u kapitana de un USA kargo-vagona navi MV MAERSK ALABAMA, kron 04-2009 id gene klepto proxi a Somali litora per u Somali pirata grega, ge-duce per Muse (Barkhad Abdi).  Phillips du gene u fo-severi experi, u tem mono in navi, tem ergo tende alexi auto navi grega, e poste, po gene rapi homo kambio-pe, in u salva-navi.

Plu anti-dice:

Per artikla de jurnali New York Post, plu navi grega-pe de Phillips dice anti u filma; id habe mega non-exakti de plu faktu e de u monstra de Phillips.  Mu dice; an habe u kako famo tem 12 anua pre navi klepto kausa tristi, auto-honora e auto-justi.  11 grega-pe nu tenta gene u tribuna anti u kompani Waterman Steamship e navi-fa Maersk de 50 000 000 dolara, tem tenta deklara de "volu, minus-honora e ge-ski no-kura de sekuri" ex Phillips.  Un artikla dice u deklara; Phillips pa gene seti e-posta de u mega minace de plu pirata akti proxi a Somali, anti-co an sto nota de panto monito, e du kine non-akorda ge-skema viagia dia u-la topo kon oligo navi klepto.  U lega-pe Deborah Waters, qi nu akti representa pro plu-ci 11 grega-pe, dice: "U navi grega pa pre dice u fo-petitio; u kapitana Phillips ne kine tali proxi a Somali litora."  Artikula plus dice u deklara; bi navi klepto pa gene acide tem 18 horo, anti mono, ge-monstra in filma.  U navi grega kine non-akorda skema e akti un exercise de u salva-navi, kron mu gene u nota; plu pirata kine a MAERSK.  Po Phillips gene un info de u-la, an pa dice plu komanda; u navi grega sti ple un exercise, vice kine a plu anti-pirata topo, homo u grega-pe dice u cita: "An dice: `O, no, no, no-- vi nece akti u salva-navi exercise' ..."

Thursday, October 10, 2013

Justi 2013 Reformation


       / |_| \
      |  |^|  |
      |  (  ) |
       \_ ,,_/ 
         / \
        \___/ (avi Kolumba)

  J   U   S   T   I
   PER AN FILO

  == 2013 == Luter Re-Forma ==



SOLO PER FILO - SOLO PER FIDE - SOLO PER KRISTO-BIBLI

 ROMA 3:  28 Na decide; un homi gene justi kausa fide ab plu lega akti.

De u-ci Kristo-Bibli mero, Martin Luther grafo: “Mi subito este; mi sio gene u neo nati, e plu paradiso porta gene aperi.”

Luther pa logi mega-tem; na Cefa Jesu es u severi Judika-pe, an debi sti hedo per poli boni akti.  Es kausa u mira ex Sankti Spiritu, Luther, homo na, gene duce a logi e kredi; na salva veni solo ex FILO de Teo, e ne kausa plu homi akti:

 EFESI 2:  8 Per filo vi gene salva kausa fide, e u-ci ne veni ex vi.  Es u doro ex Teo, ne ex plu akti,  9 kaso uno-pe dice bombasti.

Panto munda religio habe establi de plu homi merito alo plu boni akti, tende gene salva.  Per plu sura verba, na Cefa sti sura na; salva veni solo per filo de Teo— u-ci ne pote es u kombina ex filo de Teo e plu homi akti:

 1 KORINTI 2:  9 Un oku ni vide, oti ni audi plu ra, Teo pa sti prepara pro mu, qi du filo An, plus mu ni kine in homi kardia.

Sti logi; es poli difere “fide” in munda, sed simpli mono, qi sti salva— FIDE de Jesu Kristo!

 AKTI 4:  12 Ne es salva per ali hetero-pe.  Es zero hetero nomina infra urani, ge-dona inter plu homi, na nece gene salva per.

Fide es u mega-valu doro— pe ne pote merka, merito alo elekti id.  Id nece gene dona!

Dice habe tristi: plu ra, u KRISTO-BIBLI du dona sko de, es plu ra de voti ex homi pleio.  U sankti-pe Paulo dona u monito:

 2 TIMOTEO 4:  4 U tem fu veni, tem mu ne habe toleri de korekti sko.  Mu fu sti tropi plu oti ab veri, e gene tropi a plu imagi dice.

Homi Martin Luther gene elekti ex Teo, tende sti; un hekto-anua mo-sixa Re-Forma pa gene veni, na nu es plu ge-elekti instrumenta de Teo, tende akti plu ergo, ge-proto ante poli anua.



  DE NORD DAKOTA

U seqe es ex u blog thefirstscout.blogspot.com:

U LAKU GE-FRAKTI PELEKI: UN HISTORI DE TRAGEDI FILO

Un histori de tragedi juve filo habe un holo-munda qalita.  U ski de u-ci posi veni kausa u mira nara de Romeo e Juliet ex Shakespear.  U-la es u fo-paleo nara de juve andro ko juve gina-- u nara de sekreti no-lice filo.  Anti u nara de Romeo e Juliet habe fikti, u-ci es u veri histori.

U brevi de u-ci tragedi es; u juve Iháŋktȟuŋwaŋna (Yanktonai-Dakota) andro pa gene un inkontra kon u Miwátaŋni (Mandan-- Nu’Eta per auto lingua) juve gina tem inter-tribu negoti de sperma-tem pre poli frigi-tem proxi a topo, qi kron habe u nomina Mní Nažúŋspe Kawéğa (Laku ge-frakti peleki).

Plu bi homi imedia e profunda gene filo.  Kron fini de negoti, u juve andro face u decide de resta la ko juve gina.  U-la es u more de plu Indiana Miwátaŋni: un andro kine tende eko ko sponsa in eko-do de fe matri.  Anti-co mu sekreti gene game.

Plu Indiana Miwátaŋni habe un histori; plu Iháŋktȟuŋwaŋna cide u juve gina, tem plu Iháŋktȟuŋwaŋna dice; plu Miwátaŋni cide u juve andro.

Ci es u mero ex bibli U DICE HISTORI DE PLU TRIBU DAKOTA ex arme-mero cefa A.B. Welch, 1800-1945, un histori numera 32, Un Histori de ge-Kroma Laku.  (Sti nota:  Per Welch, un histori dice de un Indiana Arikara gina vice u Mandan):

Pre poli anua, poli Indiana tribu, tem akti milita anti alelo, spende plu noktu topo litora de laku, nu ge-ski iso "Laku ge-Kroma Silva," sed pa ge-ski a Sioux [Dakota] iso "Laku ge-Frakti Peleki."

U Sioux milita-an monstra filo ad Arikara gina, plus mu sti prepara tende fugi.  Anti-co, u-la noktu, plu Arikara andro cide u Dakota-an in bi braki de neo-ge-detekti filo-fe.

Po plu Dakota-pe gene u ski de u-la cide, panto mu kine a peli-do, topo u morta-an gene detekti, kon u-la simpati gina, qi du lakrima supra an.  Mu sti prepara plu sagita, e bali mu ad-in fe poli kron.  Po-co es u milita de poli anua.  Kausa-co plu Arikara ko plu ami sti rubi u morta dendro trunka, qi habe leuko kausa paleo.  Ali-kron u milita grega ex ali Indiana kine a la, mu fu grafo de plu milita vikto epi plu trunka de morta dendro homo u kritici anti plu non-ami.

Kausa-co u topo pa gene u nomina ge-Kroma Silva de plu Indiana, plus u nomina Laku ge-Frakti Peleki pa lose uti.
________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
             JUSTI is a free publication. Anyone wanting a copy or subscription can write to us:

                         THE MILLERS
                         409 7TH AVE NW 
                         MANDAN ND 58554-2522
                         U S A

Tu pote lekto ma poli topo glos-avanti.blogspot.com, alo grafo a na topo gmillernd@gmail.com.

Monday, September 2, 2013

U Pusi Feli e u Pusi Mus

U PUSI FELI E U PUSI MUS

1. Uno-tem u pusi feli;
  Qi es leuko,
Ludi ci ko kapt-abili
  Pre mega tem.

2. In na zoa-do, u mus ki
  A ci e la.
Fe audi u-la feli
 Pre mega tem.

3. Feli boni oku vide--
  Homo u korvo--
An fu gene kapt-acide
  Pre mega tem.

4. Feli habe tetra pedi--
  Pedi ta moli--
Qi pa kapti ko sucede
  Pre mega tem.

5. Feli habe nona denti--
  Pan in mo seri--
Qi pa gene Mus atenti
  Pre mega tem.

6. Anti Feli tenta cide,
  Mus pa sti voci
E ki ab ko fo rapidi
  Pre mega tem.

Saturday, August 17, 2013

Molli Narrow-Guage Steam Train

www.molli-bahn.de



Simpli kine in id, e detekti Molli-landa!

Oligo kron singu di, epi u steno feru-via e kon u more tintina, u vapo moti-me Molli kine ab civita Kühlungsborn a civita Bad Doberan e versi.

• longi plu steno strata de civita Bad Doberan
• longi mon ex plu maxi kali dendro strata de Deutschland
• longi u maxi paleo equs dromo-lo Galopprennbahn de kontinenta Europa
• dia civita Heiligendamm— u maxi paleo mari-litora resta-lo de Deutschland
• a civita Kühlungsborn— u maxi mega litora resta-lo de Mecklenburg-Uest Pomerania

[Lingua Franca Nova]

Entra, e descovre Molli-tera!

A alga veses de la dia, a un ferovia streta e con la campaneta usual, la motor Molli de tren de vapor vade de Kühlungsborn a Bad Doberan e a reversa.

• tra la stradas streta de Bad Doberan
• longo un de la stradas plu bela de arbores de Deutxland
• longo la corsa Galopprennbahn plu vea de la continente Europa
• tra Heiligendamm— la reposeria plu vea de la mar de Deutxland
• a Kühlungsborn— la reposeria costal plu grande de Mecklenburg-Ueste Pomerania

Saturday, August 10, 2013

NEEMO

De NEEMO
www.nasa.gov/mission_pages/NEEMO/about_neemo.html

NEEMO— u NASA fo-Difere Peri-lo Viagia Ergo Projekti [NASA Extreme Environment Mission Operations Project]— es u NASA no-puta-me ergo-viagia, qi bali u grega ex plu astro-navi-pe, tekno-pe e skience-pe de eko in Aqario, u solo sub-mari recerka statio de holo munda, tem a tri setimana.  Ge-habe de Natio Oceani e Atmosferi Administra, e ge-arki de Universita de stato Nord Karolina topo civita Wilmington, Aqario du funktio 5.6 kilometra ab nesia-fa Largo in Florida Nesia-fa Natio Mari Asilu.  Id pa gene uti para plu bato korali-fa, 19 metra infra mari facia.

Un Aqario eko-lo e peri-lo dona un este-reali no-puta-me topo de explora extra-spaci.  Forti homo spaci, u sub-mari munda estas u non-ami, xeno topo, in qi plu homi pote eko.  Plu membra ex NEEMO grega, qi habe u nomina Aqanauti, gene la plu experi ex plu iso no-facili, mu sio habe epi u tele asteroidi, planeta alo luna...

Friday, August 2, 2013

Justi, 2013, Trinity

     / |  _ | \
    |   || ^|   |
    |   (    )  |
      \_ ,, _/
       /   \
     \___/ (avi Kolumba)
J   U   S   T   I
PER AN FILO

== 2013 == U Tri-Unita ==



U DEKLARA DE KREDI EX PLU SANKTI GE-BALI-PE DE KRISTO

Mi kredi de panto-forti Patri-Teo, u Krea-pe de urani e geo,

Plus de Jesu Kristo, An solo Fili, na Teo, Qi gene proto ex Sankti Spiritu, gene nati ab virgo Maria, suferi ex Pontio Pilato, morta per kruci-ra, e in-tera, e kine a kata a diaboli-lo, u di tri gene leva ab panto morta-pe, e kine ad ana in urani, e sedi topo dextro manu de panto-forti Patri-Teo, ab topo An fu veni, tende akti judika de panto vive-pe e morta-pe.

Mi kredi de Sankti Spiritu, u sankti Kristo-pe eklesia, u grega de panto sankti-pe, u pardo ab panto kako, un ana-sta de panto morta soma, e un holo-tem bio.  U-ci habe veri!

U PLUS POLI-CIDE

Plu verba ne pote dice de u deino, ge-experi in certa civita in stato Konektikut, a qi u juve andro pa cide auto matri in eko-do, poste kine in pre-sko kamera in civita sko-do, tem cide per fusili-me 20 infanti e sixa hetero sko-do ergo-pe.  Po u-la fo-koleri, u cide-pe cide se.  U tristi de plu parenta e hetero homi, qi este u suferi kausa lose u ge-filo-pe, es proxi ultra na puta-pote.

Anti-co plu kredi-Kristo-Bibli Kristo-pe ski u radi kausa de tali viole.  U tristi veri es: es u kardia de panto kako homi— plus na auto kako natura— qi du nati plu forti deino krimi, klude cide.

Kron Jesu volu; plu stude-pe ski plu ra, qi sti kako un homi, An dice:

MATEO 15:  19 Ex kardia plu kako puta, cide, minus-game akti, klepto, falsi testi, kako dice anti Teo veni.

Plu lega de Teo— alo de homi— sto alo tena plu kako akti simpli a gradu.

1 TIMOTEO 1:  8 Na ski; plu lega habe boni, si pe uti id akorda lega,  9 tem ski u-ci: plu lega ne gene face pro u lega homo, sed pro plu no-lega- e non-obe-pe, pro plu no-teo- e kako-pe, pro plu cide-pe de plu patri, e plu cide-pe de plu matri, pro plu cide-pe de homi.

Plu-ci lega ne pote muta u kako homi kardia.  U-ci es u regi de Sankti Spiritu:

2 KORINTI 5:  17 Si ali pe es per Kristo, pe es u neo ge-krea ra— plu paleo ra gene apo.  Sti vide; panto ra gene neo.

Per u-ci iso Spiritu, plu re-ge-nati fili de Teo pote krati plu kako desira in se:

GENE-PROTO 4:  6 TEO dice a Kain:  Tu habe koleri kausa qo?  Tu facia kade kausa qo?  Si tu akti boni, qe tu ne gene cepti?  7  Si tu ne akti boni, plu kako akti kripti se topo tu porta.  Plus-co id desira habe tu, anti-co tu debi habe un arki supra id.

Tem tropi se a Teo per tristi e penite, David, qi pa akti minus-game e cide, dice u petitio:

KANTA 51:  10 Sti krea in mi u puri kardia, O Teo, e re-neo u fide spiritu in mi.  14  Sti salva mi ab un etio de cide, O Teo, u Teo de mi salva.  Po-co mi glosa fu fo-kanta de Tu justi.

Kron tali deino cide gene acide, u-ci ne dona etio a Teo.  Tali veri ex u Kristo Bibli pote sti klari u kausa de poli-cide e plu hetero deino krimi.  Jesu, na mira Konsili-pe, dice plu boni-veni a plu ge-frakti-kardia pe, de kine ad An de re-sani, tem dice:

MATEO  11:  28 Sti kine a Mi, panto vi, qi este turba e mega kargo.  Mi fu dona a vi laxa.



DE NORD DAKOTA

KAREN NYBERG

(ex Wikipedia)

KAREN NYBERG (ge-nati 1969-10-07) es un America mekani skema-pe e NASA astro navi-pe.  Fe es u gina 50 in extra-spaci, e nu es in viagia grega 36 in Internatio Spaci Statio (ISS).

Persona:

U nati civita de Nyberg es Vining, stato Minesota.  Fe habe game kon astro navi-pe Douglas Hurley.  Mu habe mono an-fili.  Fe plu hedo interese es dromo, sue, grafo e kroma plu pikto, dorsa-saka, piano, e spende tem ko famili.  Fe parenta, Kenneth e Phyllis Nyberg nu du eko in civita Vining.

Eduka:

Nyberg pa sti fini Universita de Nord Dakota SUMMA CUM LAUDE ko deklara de mekani skema anua 1994.  Fe du stude topo Universita de Texas in civita Austin, ko centra de homi termo-arki, e experimenta bio examina e arki, ko centra de arki termo neutra in plu spaci vesti.  U-ci ergo topo Austin Bio-Termo Trans-Fero Laboratori gene pro fu u doce stati anua 1998.

NASA profesio:

Fe ergo topo Johnson Spaci Centra anua 1991 a 1995, e gene u privilegi lice de ergo fe pa fini anua 1991 de Mekani Facili Examina-ru e Artri-me Stru.  Anua 1998, po fini de doce deklara, fe gene un ergo ko Navi-pe e Termo Sistema Mero, tem ergo iso un Eko Arki Sistema Skema-pe, tende sti ma boni plu spaci-vesti termo arki sistema, e de taxo plu anti-piro-vesti frigi tekno.  Fe dona plu proto skema de termo-arki sistema de plu Avanti Marti e Luna epi-Tera-me stude, e un eko arki sistema examina de kade-pote hiper-baro kamera.

Fe gene elekti iso u posi astro-navi-pe ex NASA meno 7 anua 2000.  Po bi anua de sko e taxo, fe habe sufici qalita de "Viagia Tekno-pe," e gene bali a tekno ergo topo Astro-Navi Ofici Statio Ergo Rami.  Fe es un Ergo-pe Grega Auxi Astro-Navi-pe tem viagia sixa, tem sixa meno in ISS.  Meno 7 anua 2006, Nyberg habe u mero de NEEMO 10, u bato-mari sko e homo-lo exercise topo sub-hidro laboratori Aquarius, tende auxi; NASA sti prepara se de re-kine de plu astro-navi-pe a luna e homi-viagia a planeta Marti.  Nyberg ko plu ergo-pe du eko e ergo sub hidro seti di.

Nyberg es in ergo grega de STS-124, qi kine ad ISS meno 5 anua 2008.  U-ci pa es u bi ex tri viagia de livra de plu mekani mero a Nipon laboratori Kibo.  Meno 5 anua 2009, fe gene bali a STS-132 viagia, qi sti peti meno 5 anua 2010, anti-co fe nece vice kausa u tem pato.  Po-co Nyberg du servi iso tekno-pe, a-kron fe gene u seqe ergo iso peti skema-pe in Explora Viagia 36/37.

Fe nu du es u peti skema-pe de Explora Viagia 36 in ISS, po gene sti-peti per Sojuz TMA-09M.  Tem peri-viagia, Nyberg es mono ex simpli bi gina in spaci kron 50-anua festa de meno 6 anua 2013 de VOSTOK 6, u spaci peti mono ex u gina Valentina Tereshkova, un hetero es Wang Yaping in TIANGONG-1 de Shenzhou 10 viagia.

Plu premi e honora:

Fe pa gene poli premi, klude Universita de Nord Dakota Juve Sucede Premi (2004), Spaci Akti Premi (1993), NASA JSC Privilegi-Skema Premi (1993), NASA Tekno Grama Premi (1993), NASA JSC Kon-Ergo Eduka Idio Sucede Premi (1994), Plu Socia Joyce Medalen de plu Gina Skema-pe Premi (1993-1994), u Premi D.J. Roberson de Akademi Sucede (1992), e Universita de Nord Dakota Sko-lo de plu Skema e Mina Merita Servi Premi (1991-1992).
________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
           JUSTI is a free publication. Anyone wanting a copy or subscription can write to us:

                       THE MILLERS
                       409 7TH AVE NW
                       MANDAN ND 58554-2522
                       U S A

Tu pote lekto ma poli topo glos-avanti.blogspot.com, alo grafo a na topo gmillernd(a)gmail.com.

Karen Nyberg

Sunday, July 14, 2013

Popeye is born!

popeye.com

This is the first cartoon Popeye ever appeared in:


Sunday, June 30, 2013

I Dreamed a Dream

Pa es u tem de andro favo,
Tem mu voka habe gluko,
E dice boni-veni verba.
Pa es u tem de filo minus ski,
Tem u monda es u kanta,
Qi habe forti excite sti.
Pa es u tem—
Po-co panto-ra gene turba.

Mi est u sonia tem pa-tem,
Mi spe e bio habe hedo,
Mi spe de filo minus fin,
E spe na Teo dona pardo.
Mi sonia gene spend e van,
Tem habe juv e zero fobo,
Tem dona zero krimi-pag,
E zero vini minus proba.

Kron plu tigri ven a la
Ko gluko voka homo bronto,
Tem mu skizo panto-ra,
E tem muta fot a skoto.

An somni ci u termo-tem.
An sti plu mira minus fini.
An apo mi infanti-tem,
E kine ab ci sperma-tem.

Mi nu du sonia de re-ven,
E na fu spende mega tem ci.
Ja, es plu sonia, qi ne ven,
E plu tempestu minus tu.

Mi hab u sonia; panto-ra
Ne es u piro-lo, mi habe,
Sed es difere ab u-la—
Ne cide panto sonia spe.

Sunday, June 16, 2013

Follow ESPERANTO

www.marinetraffic.com/





There are currently two ships with the name ESPERANTO.
-> Nu es bi navi ko nomina ESPERANTO.

You can find them (or any other merchant marine ship) at the above web site.
-> Pe pote detekti mu (alo ali hetero negoti navi) topo u supra inter-reti pagina.

I'm still waiting for a ship named GLOSA.
-> Mi du atende de u navi ko nomina GLOSA.

Saturday, June 8, 2013

Solar Impulse

Trans Amerika
http://solarimpulse.com/en/across-america/





Solar Impulse [Helio Sti] es u sti-neo projekti, qi uti tekno e spiritu de excite per u aeroplana.  Po gene pteri anua 2003, id ple u munda proto helio-pote 26-horo di-e-noktu pteri anua 2010.  Anua 2011, Solar Impulse kine per aero a civita Brussels, Belgium e Paris, France.  Anua 2012, u HB-SIA proto speci ple u proto inter-kontinenta pteri inter Europa e Afrika.

U-ci anua, Solar Impulse fu tenta u ge-festa litora-a-litora pteri trans plu ge-Uni Stato, uest a est....

Sunday, June 2, 2013

Justi, 2013, Pentecost


     / | _ | \
    |  || ^|  |
    |   (   ) |
     \_ ,, _/
       /  \
    \___/ (avi Kolumba)

J   U   S   T   I

PER AN FILO

== 2013 == Penta-ze Di ==

U MIRA ERGO DE PENTA-ZE-DI FESTA DU GENE ACIDE

Si mi dice a vi u qestio; u maxi mega mira ergo de Penta-ze Di es qo, qo-ra es vi doxo?

Poli homi sti puta de u mode, plu bali-pe de Jesu (u nati lingua pa es Arama de) gene u pote per Sankti Spiritu de dice per plu difere lingua de plu homi peri se u-la di per:

AKTI 2:  11 Na audi; mu dice per na plu lingua plu mira ergo de Teo.

Mono mikro tem, Sankti Spiritu pa skizo u lingua barage inter plu Juda-pe e resta ex panto demo.  Anti-co sti puta de u-ci mira ra:

AKTI 2:  41 Po-co panto-pe, qi hedo cepti an dice, gene bapti.  U-la di, cirka 3000 psiko gene adi a mu.

Iso faktu, u-ci ne es simpli mono mira ergo, kausa 3000 mira ergo gene acide tem u-la mono di!  Petro e plu bali-pe pa sti deklara de u boni info de apo de na kako akti, e de u promise de doro ex Sankti Spiritu.

U-ci mira ergo de Penta-ze-di festa du gene acide nu-tem:

AKTI 2:  47 Na Cefa pa adi ad eklesia panto-di plu-la homi, qi gene salva.

Tem u kla de boni info kine ad holo munda, id po tem veni a na oti.  Po-co Sankti Spiritu face u mira ra in na psiko, tem sti vive plu frigi e lito kardia de na:

EZEKIEL 36:  26 Mi fu dona a vi u neo kardia, e moti u neo spiritu in vi.  Mi fu apo u lito kardia ex vi karni, e dona a vi u kardia ex karni.  27 Mi fu moti Mi Spiritu in vi, e sti; vi akti akorda panto Mi komanda.  Vi fu-du obe panto Mi judika, e fu-du akti mu.

Na gene u doro ex Sankti Spiritu, na dice u konfesi per labi e kardia per; Jesu es u Salva-pe, Qi pa merka panto homi ab kako e morta.

U Penta-ze-di-festa mira ergo du gene acide in holo munda, panto-kron e panto-lo u boni info de Jesu gene deklara.  Id du gene acide inter na—  U Cefa du adi ad eklesia (u grega ex panto sankti-pe) panto-di panto mu, qi gene salva.



DE NORD DAKOTA

HERMAN STERN (1887-1980)
webapp.und.edu/dept/library/Collections/og217.html

Herman Stern gene nati topo civita Oberbrechen in Deutschland 1887-08-09 de Samuel Loeb Stern e Mina (Strauss) Stern.  U-la religio, Juda famili habe mega pove.  Samuel Stern nece akti u pove bio per vendo plu ge-karni bovi ad u certa glu fabrika.  U maxi juve ex okto fili, Hermann Stern du akti plu difere pusi ergo ad anua 1901, kron an gene u stude-profesio sub vesti vendo-pe in civita Mainz.  1902 u parenta sibi de Stern, Morris G. Straus, petitio; an kine ad Amerika e proto an vesti negoti.  Straus pa lase Deutschland ante poli anua, e habe u sucede vesti-bo topo civita Casselton in stato Nord Dakota.  Anti an ne pote gene lice de cefa, Stern sto u stude, e kine per navi ad Amerika.  An kine a civita Neo York 1903-10-10 e kine a civita Casselton tem iso anua.

Topo civita Casselton, Stern sto grafo u litera N bi in nima, e habe sucede kausa andro vesti negoti.  Tem ergo topo Casselton boteka de Morris Straus, an gene es u duce de boteka 1907, kron Straus muta eko a civita Valley City tende proto u boteka bi.  1910 bi vendo-pe kambio ergo, e Stern kine a Valley-City boteka tende habe id.

Po bi anua, Stern gene game kon Adeline Roth, u fe-sibi de sponsa de Straus.  Straus sto ergo 1920, e Stern merka un hemi habe de bi Valley-City e Casselton boteka.  Po-co an proto plu boteka topo bi civita LaMoure e Carrington.  Stern merito boni fama inter plu negoti socia, e gene es un aktivi membra de Valley-City Negoti Kamera.  An es u proto-pe de plu Grandi Nord-Dakota Socia (u Nord-Dakota-Stato Negoti Kamera), e du servi poli anua un ante-sedi-pe de u-ci grega.

U Mega Sto-Negoti de plu anua 1930 sti plu turba tem a Stern e an negoti.  Plu boteka topo civita Casselton, LaMoure e Carrington lukta de sucede.  Plus-co Stern este kreske turba de u-la anti-Sem idea de Adolf Hitler, e de u seqe, id dona ad an relatio-pe in Deutschland.  1933 u sibi-fe-fili Klara Stern grafo u petitio de visita ad Amerika pro se e an-sibi Erich.  Stern petitio un auxi de Nord-Dakota cefa William Langer e u senato-pe Gerald Nye de gene u lice.  Nye auxi; Stern pasa plu turba arki regula.  Klara e Erich kine a plu ge-Uni Stato 1934.  1935 u sibi-an-fili Julius grafo, e petitio; an sti; an kine a plu ge-Uni Stato.  Julius plus petitio; Gustav Stern ko sponsa Selma gene plu lice.  Itera kausa auxi de Nye, panto tri gene plu lice.  Gustav e Selma Stern gene re-unio ko bi fili Klara e Erich.

A 1937, u sucede de gene plu lice de kine ab landa habe fama.  An proto gene plu grama ex plu tele relatio-pe e plus xeno-pe, qi petitio plu liabili de ergo in plu ge-Uni Stato.  Stern ne simpli cepti plu liabili, sed an plus auxi; mu detekti plu ergo.  An detekti plu ergo in plu stato Nord Dakota e Minnesota e civita Chicago e plu hetero topo.  Stern cepti liabili de 50 homi ad uno kron, plus 50 pre habe plu ergo.

1940 un an-sibi de Stern, Adolf ko sponsa e plu fili, qi pa lase Deutschland e kine a France, petitio un auxi de Stern.  Lento kausa plu arki regula, an itera petitio a Nye de auxi.  Stern e Nye direkti dice ad un USA Stato Sekretari Cordell Hull tende sti ma tako u-la ergo.  Bi setimana pre u milita-navi asilu Pearl Harbor gene u bomba destru 1941-12-07, plu lice gene dona.

Kron Amerika gene es u membra de milita, plu komunika kon u mega mero de Europa pa gene sto.  Bi hetero an-sibi de Stern, Moses e Julius ko sponsa de Julius, Frieda, ne pote gene salva.  Panto tri gene morta kausa Holo-Cide de panto Juda-pe.  Suma-co Stern auxi; 125 Juda-pe gene fugi ab Deutschland 1933-1941, anti u ski de an aktivi habe no-publika excepti ad oligo relatio-pe e ami.

Stern gene morta 1980-06-20 topo civita Fargo.
________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
           JUSTI is a free publication. Anyone wanting a copy or subscription can write to us:

                       THE MILLERS
                       409 7TH AVE NW
                       MANDAN ND 58554-2522
                       U S A

Tu pote lekto ma poli topo glos-avanti.blogspot.com, alo grafo a na topo gmillernd(a)gmail.com.

Saturday, May 11, 2013

Virgin Galactic


UN EXTRA-SPACI VIAGIA BILETA
www.virgingalactic.com/overview/space-tickets/



Virgo Galaxi pre face posi; plu volu astro-navi-pe dona u paga tende tena u sedi-lo in SPACI-NAVI-BI po 2005.  Oligo hekto homi de holo Geo nu rekorda u sedi-lo in extra-spaci.  Per-co mu ne simpli es plu neo-pe in neo e importa industri, sed es plu in-pe in mono ex plu maxi mira e stimula projekti de holo munda.

U viagia gene proto, ab-kron u paga gene dona ad u membra stata de u posi maxi idio societa-fa, ko privilegi a panto ra de u-ci projekti, tem id gene ma boni... .

Virgo Galaxi pre face mei u kosta de kine ad extra-spaci e, po tem, fu face plus mei id.

U proto preci pro peti viagia es $200,000, ko posi paga mero $20,000.

Pe pote face plu tena-lo per proxi-lo holo-munda reti ex idio ge-bali e forti tekno veri spaci agenti-pe, alo direkti per plu societa topo Virgo Galaxi.

Saturday, May 4, 2013

HYDROPTÈRE


HYDROPTÈRE
(Anyone who knows Glosa can easily figure out that this means "water wing.")

www.hydroptere.com/en/the-news/last-news/

ALAIN THÉBAULT E HYDROPTÈRE FU GENE U VIKTO SUPRA OCEANI PACIFIKA

2013-04-17, setimana di 4, in un ergo-do de arki-stru-pe Jean Nouvel in civita Paris, Alain Thébault ko plu ko-sporta-pe Jean Le Cam e Yves Parlier dice u deklara de u dura de un oceani programa pro navi HYDROPTÈRE.  Po oligo setmana, mu fu tenta gene u vikto supra maxi mega rekorda de trans-Pacifika viagia inter bi civita Los Angeles e Honolulu.

www.hydroptere.com/en/the-sailing-boats/l-hydroptere-en/

U maxi tako veli-navi de munda du kombina plu sonia e komplexi tekno.  U-ci ultra-norma veli-navi pote peti supra plu oceani ko plu forti mega tako, tem kombina plu avanti tekno ex plu aero-navi e mari industri.

HYDROPTÈRE es u maxi mono-speci e sti-neo projekti, qi monstra plu fo-forti homi e tekno valu.

Saturday, April 13, 2013

Justi 2013 Ana-Sta



        / | _ | \
      |   || ^|  |
      |   (    )  |
        \_ ,, _/
         /   \
       \___/ (avi Kolumba)

J   U   S   T   I

PER AN FILO

== 2013 == Un Ana-Sta de Kristo po morta ==



QE NA NU ES A LA?

Na pote este forti no-tolera tem bio.  Komo es vi de: atende auto vice in boteka, alo atende topo rubi sema-lampa, alo atende u trena gene ultra?  Qe na este tolera de alelo­— dona pardo ad alelo, iso Kristo a na?

Tem u-ci rapidi a ci e la, e, in munda, qi rari este sati, qe na ofte este u desira de lase id?  Qe na sio este forti konsola, si na Cefa nu simpli prende na ab ci?

Hetero-co na posi qestio se: “QE NA NU ES A LA?”

In bibli Roma, u Sankti Spiritu dice a na un info, qi na pre kine a forti importa buta:

ROMA 6:  3 Qe tu ne ski; panto na, qi pa gene u bapti-ritu in Kristo Jesu, pa gene u bapti-ritu in An morta?  4 Kausa-co na pa gene fune kon An per bapti-ritu in morta, tende, iso Kristo pa gene un ana-sta ex panto morta-pe kausa u glori de na Patri, plus na fu posi habe u neo bio.

Per es u Kristo-pe, vi e na pre kine ultra morta ad holo-tem bio!  Kausa-co na Cefa dice a Martha, e dice a na:

JOHANES 11:  26 Ali-pe, qi habe bio, e este kredi Mi, fu zero-kron gene morta.

ROMA 6:  6 Na “paleo-pe” pa gene u kruci cide-ru kon An, tende u soma ex na kako akti pote gene apo, tende na ne es plu dulo de na kako akti.

ROMA 8:  37 De panto-ci ra, na es ma forti de plu vikto-pe kausa An, Qi pa este filo na.  38 Mi este sura; ni bio ni morta, ni plu angeli ni plu krati ni plu dina, ni plu nu-tem ra ni plu fu-tem ra,  39 ni alti ni baso, ni ali plus ge-krea ra fu pote divide na ab filo de Teo, qi veni per Kristo Jesu, na Cefa.

Place sti ski; Roma 6:4 ne dice; na fu— ad uno-kron in fu-tem— habe u neo bio, sed na nu habe id!  Tem Kristo-pe na akti u bio mode kon u centra tema u morta e Ana-Sta de Jesu, na nu pote cede plu bio e bio-ra a na Cefa, tende uti mu pro An glori:

ROMA 6:  13 Sti monstra plu soma mero iso plu instrumenta de no-justi pro plu kako akti, sed monstra se a Teo, iso habe vive ab plu morta-pe, e plus soma mero, iso plu instrumenta de justi pro Teo.

Na ne nece atende un hedo kausa urani premi— per fide, na nu es la!  Latri a Teo!



DE NORD DAKOTA

STATO PARKA NESIA DE GRAHAM
www.parkrec.nd.gov/parks/gisp/history.html

Un histori de u-ci area per cefa mode es un histori de id laku.  Plu Indiana Sioux pa dona a laku u nomina MINI-WAKON, ko semani “spiritu” alo “sankti hidro.”  Posi ge-influ per plu Indiana nara de plu ge-kata milita-an e de plu fo-mega unda, pa-tem kaukasi detekti-pe pa akti u translati “u kako spiritu.”  U nomina gene u muta “Diaboli Laku.”

U proto ge-ski kaukasi eko-pe es kapitana Duncan Graham, qi kine a la u mikro tem po Milita de 1812.  U negoti-pe e kapti-zoa-pe, pro qi Stato Parka Nesia de Graham gene u nomina, pa gene u sponsa Hazah, u gemini-fe-sibi de Sioux cefa ge-Dona Via Agee.

Anua 1839, USA arki bali Joseph Nicollet e John Charles Fremont, “u detekti-via-pe,” tende face plu topo-grafo geo-karta de u-ci area.  Fremont pa grafo in di-bibli:  “Plu Magika Hidro es u kali plano ex hidro, plu litora ge-frakti a sti-place no-sistema per plu proxi-nesia e mikro nesia.”

Forti-lo Totten topo sud laku litora gene establi tem anua 1867, tende skope un internatio margina, krati plu trans-porta de alkoholi-ma, e alexi plu kaukasi eko-pe e eko-pe de u Sioux reserva landa.  Nu-tem u Stato Histori-lo Forti-lo Totten dona vista a plu visita-pe, qi volu gene u ma mega ski de u-la histori tem.  Ge-taxo mono ex plu maxi boni ge-konserva milita forti-lo topo trans-Mississippi uest, 16 origi domi, ge-uti per milita arki 1868-1890, du resta.

Plu a-kine-pe, cefa plu fili ex plu Eire e Skotland demo, pa sti eko topo u-ci area.  U laku tena u kapti-piski negoti per plu piski Esox, ge-kapti per fenu-ru e “ge-kumu homo plu piro-lo-xilo in plu vagona e ge-feru ad est.”  Grahams Nesia, u tri-gono mero ex geo, qi gene es u nesia tem alti hidro, pa gene plu dura eko-pe tem plu 1880-1890 anua.  Plu cefa fonta de valuta profito de nesia pa veni kausa xilo e bovi.  Plu hetero komuni-lo pa gene sti peri laku.  Kron anua 1882, u civita Devils Lake [Diaboli Laku] gene establi ex H.M. Creel, e proto habe u nomina Creelburgh.

U-ci laku dona servi u mode de trans-fero de plu kaukasi eko-pe.  Tem anua 1833, u Mississippi-fluvi vapo-navi-pe, Edward Heerman, pa sti kine u mikro latu-ciklo vapo-navi MINNIE H epi Diaboli laku.  An navi du dona plu fero inter nord e sud litora tem oligo anua-deka.  1883-1886 Irvine Church pa moti u plano-basi fero-navi trans Mauvais Coulee.  U civita Churchs Ferry gene u nomina kausa u-la mikro-tem negoti akti.
________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
             JUSTI is a free publication. Anyone wanting a copy or subscription can write to us:

                         THE MILLERS
                         409 7TH AVE NW
                         MANDAN ND 58554-2522
                         U S A

Tu pote lekto ma poli topo glos-avanti.blogspot.com, alo grafo a na topo gmillernd(a)gmail.com.

Saturday, March 30, 2013

The Battle Cry of Freedom

    6. U VOCI DE PLE LIBE
    ex George F. Root

Na fu veni plus itera, fu veni prox insigni
E sti u voci de ple libe;
Na fu kolekti se ab plata, kolekti se ab monti
E sti u voci de ple libe.

RE-KANTA:
Na uni, mi ami, no-fide-pe a kata!
Na uni, mi ami, un astro ad ana!
Na fu veni plus itera, fu veni prox insigni
E sti u voci de ple libe.

U voci de plu fratri, pre morta, sti na salta
E sti u voci de ple libe;
Plus miliona libe-pe ple plu line de soldata
E sti u voci de ple libe.

Na fu cepti a se panto koragi fide-pe
E sti u voci de ple libe;
Anti poli na es pove, es zero dulo-pe,
E sti u voci de ple libe.

U voci sti, na salta ab est e ab uest
E sti u voci de ple libe;
Pro na landa na fu es veri forti fide grega,
E sti u voci de ple libe.

Sunday, March 3, 2013

SignWriting

MANU-SEMA GRAFO ES QO?

http://www.signwriting.org/about/what/what02.html

Manu-Sema Grafo es u sistema de grafo, qi habe un uti ex plu vista sema, tende monstra plu forma de manu, plu moti e facia este de plu lingua ex manu sema.  Id es un ABC— u lista ex plu ge-grafo sema, pe pote uti de grafo ali manu-sema lingua de munda.

Saturday, February 16, 2013

Mozilla

Mozilla
http://www.mozilla.org/en-US/mission/


-----------------------------------------------
 Na face u ma boni inter-reti
-----------------------------------------------

U buta de na es: sti avanti un este de aperi, neo e boni okasio topo inter-reti.

Mozilla es u bombasti minus-profito organismo, ge-decide de tena u dina de inter-reti in publika manu.  Na es un holo-munda komuni grega ex plu uti-pe, dona-pe e face-pe, akti de sti plu neo ra pro tu.  Tem tu uti Piro-Vulpes alo ali ge-face ra de Mozilla, vi gene es u mero de u-ci komuni grega, tem auxi; na face u ma boni fu-tem pro inter-reti.

[Esperanto]

MOZILLA

--------------------------------------------------------
 Ni konstruas pli bonan interreton
--------------------------------------------------------

Nia celo estas antaŭenigi la malfermecon, novigadon kaj bonoportunecon ĉe la interreto.

Mozilla estas fiere sengajna ordantaro, decidita por teni la povon de la interreto en la manoj de ĉiuj.  Ni estas tutmonda kolegaro el uzantoj, donantoj kaj plibonigantoj, laboranta por novigi pro vi.  Kiam vi uzas Fajravulpon aŭ iun ajn faritaĵon de Mozilla, vi fariĝas parto de tiu ĉi kolegaro, helpante, ke ni konstruas pli brilan estontecon por la interreto.

[Interlingua]

MOZILLA

----------------------------------------------------------
 Nos construe un interrete plus bon
----------------------------------------------------------

Nostre scopo es promover le liberalitate, innovation e opportunitate in le interrete.  Mozilla es un organisation fermente sin scopo lucrative, dedicate a tener le potentia del interrete in le manos del gente.  Nos es un communitate global del usatores, contribuatores e disveloppatores, laborante a innovar pro vos.  Quando vos usa Focovulpe o un alie producto de Mozilla, vos deveni un parte del communitate, adjutante, que nos construe le futuro plus brillante pro le interrete.

Saturday, February 9, 2013

Justi 2013 Lent


       / | _| \ 
      |  ||^|  |

      |   (  ) |
       \_ ,, _/ 
         /  \
        \___/ (avi kolumba)

J  U  S  T  I

 PER AN FILO

        == 2013 == Plu Suferi de Kristo ==

ISAIA 53:  4 Sura, An fero na tristi e lakrima. Ultra-co na valu An ge-bate e ge-pugna ex Teo, plus ge-pato.

Na lekto es mono ex plu frase ex kapitula 53 ex bibli Isaia, de qi na freqe este u relatio ko plu tem de plu Suferi de Kristo.

Plu turba e tristi veni a na, kausa na akti plu kako ra anti Teo in munda:

ROMA 5:  12 Morta veni kausa kako.  Kausa-co Morta pa spora se a panto homi, kausa panto-pe pa akti kako.

Na Cefa Jesu pa veni tende fero na tristi.  An akti u-ci un mega tem pre plu ultima horo, a qi na dona u nomina "Plu kruci-ra suferi":

MATEO 8:  16 Kron u vespera veni, mu pa duce ad An poli homi, plu diaboli habe.  An bali ex mu plu diaboli per mono frase, e dona repara a panto-pe, qi habe pato,  17 tende face ple u ra, u dice-pe Isaia pa dice: 'An Auto cepti na no-sani, e fero na pato.'

Anti-co u proto kausa de panto tristi e pato, Jesu a se pa cepti- U-la proto kausa, kako, pa du resta.  Jesu pa gene u judika ex Teo kausa na kako.  Na skope u kruci-ra, e vide Jesu ge-pugna e ge-pato ex Teo.  U proto kausa de na tristi e algo gene apo nu e holo-tem.

Per Jesu na detekti u spe e salva tem nu-tem bio, e, klu ma gravi, tem fu-tem bio:

APO-TEGU 21:  4 Teo fu frika panto lakrima ab mu oku.  Pe ne fu detekti ni morta ni tristi ni lakrima, kausa plu pa-tem ra pa gene apo.

(U supra grafo es u translati ex England-lingua inter-reti-lo _lutheranspokesman.org_.)

       =|=   
  ____  =|=   
_ \   \  =|=   
\\_\   (_ =|=
| _    __><   
// /  (   =|=

- /__/   =|=
        =|=
       =|=

Po Teo pa destru un holo Geo per in-unda, Noa pa lase; un avi Kolumba vola.  Id re-veni kon oliva rami in stoma.  Po-co u-ci pikto habe u signifi; u paci inter Teo e homi.




            DE NORD DAKOTA

U TEODORO ROOSEVELT CENTRA

U Teodoro Roosevelt Centra es pro konserva un histori de amerika presidenti 26.  U Centra pa cepti u fo-mega ergo de krea u puta-me kolekti, qi dona servi iso u stora de panto Roosevelt-relati grafo, foto-grafo e homo ra, e dona imedia uti per inter-reti per boni sistema e logi mode.  U Centra plus es hosti de anua Teodoro Roosevelt Unio, plus de plu idio Roosevelt-relati okasio, sti avanti plu Roosevelt sko, e dona plu in-sko a plu universita stude-pe.

PLU DICE EX TEODORO ROOSEVELT:

Du silento dice, e du fero u mega bacili— tu fu gene plu mega sucede.

U ple ski de u Kristo-Bibli habe u ma mega valu de un universita eduka.

Si tu nu sio pote bate per pedi topo poda-ve un homi, qi habe u maxi mega liabili de tu turba, tu ne fu pote sedi mono meno.

Dona un eduka ad homi per menta, sed ne per deko, es face u menace-pe a na komuni.

U solo homi, qi ne akti un ero, es un homi, qi zero-kron akti.

Na sti avanti se a plu ma boni ra solo per ergo e tenta kon algo, per energi e forti koragi.

Sti akti plu ra, tu nu pote akti, per plu ra, tu nu habe, a topo, a qi tu detekti se.

Zero-pe fu sti atenta a plu ra, tu ski, a-kron pe ski, tu sti atenta.

Du tena tu oku a plu astro, e tu pedi a tera.

Plu no-sucede sti turba, anti-co zero tenta de sucede es ma mali.

Mi volu dice ne u doce de no-nobili facili, sed u doce de fo-tenta bio.
_______________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
             JUSTI is a free publication. Anyone wanting a copy or subscription can write to us:

                         THE MILLERS
                         409 7TH AVE NW
                         MANDAN ND 58554-2522
                         U S A

Tu pote lekto ma poli topo glos-avanti.blogspot.com, alo grafo a na topo gmillernd(a)gmail.com.


Saturday, February 2, 2013

[GLOSA:]

PRE

Na habe cirka 1000 internatio auxi lingua.

"Na habe tali poli internatio auxi lingua habe ridi."

"Mi debi krea mono, qi dona avanti a panto-pe."

PO

Na habe cirka 1001 internatio auxi lingua in mundo.

"Panto-pe ne ski un importa de mi krea."

[ESPERANTO:]

ANTAŬE

Estas ĉirkaŭ 1000 interlandaj helplingvoj.

"Estas ridinde, ke estas tiom da interlandaj helplingvoj."

"Mi devas krei lingvon, kiu estos bona por ĉiuj."

POSTE

Estas ĉirkaŭ 1001 interlandaj helplingvoj en la mondo.

"Neniu scias la gravecon de mia kreo."

[LATINO SINE FLEXIONE:]

ANTEA

Es circa 1000 lingua de auxilio inter nationes.

"Nos pote ride, que es tale multo lingua de auxilio."

"Me debe crea uno, que es pro omne."

POSTEA

Es circa 1001 lingua de auxilio inter nationes in mundo.

"Nullo comprehende, que me jam crea uno re grave."

Saturday, January 5, 2013

Institute for Creation Research

(ICR habe info per poli lingua.)

http://www.icr.org/who-we-are/

NA ES QO

Po ma mega de 40 anua ex servi, Doce-lo de Recerka de Geo Krea (ICR) du es u duce de skience reserca intra plu grafo de krea de Geo akorda Kristo-Bibli.  Ge-establi ex dr. Henry Morris in anua 1970, ICR du es kausa akti plu skience reserca intra plu origi e histori de Geo, e po-co doce a panto-pe per tekno e no-tekno mode, per plu universita e tekno doce programma, per plu unio trans landa, e per plu bibli, jurnali e audi-vide monstra.