Monday, October 15, 2012

Sealand


SEALAND

www.sealandgov.org/about


Mare-Landa [Sealand] pa gene establi iso auto-krati regi landa anua 1967 topo plu internatio aqa deka kilometra ab est litora de Britania. U Mare-Landa histori habe u tema de lukta a libe. Mare-landa pa gene establi de kredi; ali grega ex plu civi; qi este no-sati de plu opresi e no-libe lega de landa arki pote deklara se minus pende topo ali topo; zero auto-krati landa dice; id habe. U topo; na pa elekti, es u turi Roughs, un alexi-lo nesia; Britania pa face tem Munda Milita Bi, e poste lase ad tele-mare lega.

U decide ex Britania tribuna anua 1968 sti sura u libe de Mare-Landa, kausa u judika-pe deklara; u turi Roughs sta topo plu internatio aqa, e u ge-Uni Regi-Landa ne habe u lega arki la. U-la dona krea a Mare-Landa ofici dice E MARE LIBERTAS, "Libe ex mare."

Un ofici lingua de Mare-Landa es England lingua, e mono Mare-Landa dolara habe un exakti kambio iso mono USA dolara. Id uti plu pasaporta e posta bileta po anua 1969. Plus-co u fini deka-anua de hekto-anua 20 detekti u mega kresce de socia e industri aktivi, tem id proto evolve u kresce eko-nomi basi; qi sti sura u mega-tem membra stato de internatio grega ex plu landa.