Sunday, September 30, 2012

Justi, 2012, Reformation


       / | _ | \
      |  ||^ |  |
      |  |(  )  |
       \_  ,, _/
         /  \
        \___/
       (kolumba)
    _
    | _    _  ___ _
    | | | |_'  |  |
    | |_| ._|  |  |
  |_|  PER AN FILO

        _____
      /   _   \
     /_ (_ _) _\
    |( ( _|_ ) )|
    | - \ | / - |
     \( _\|/_ )/
      \ _____ /
(kruci, kardia, flori)


== 2012 == Luther Re-Forma ==



QE NA KARDIA NE PA PIRO IN NA?

Mi pa freqe qestio se: pa es qo a mu, qi audi: Jesu direkti dice a mu.

Tem na re-vive Salva-pe uni Se ko mu tem kine a viki Emmaus, Kleopas kon un ami habe u-ci mira okazio. Jesu qestio: qo sti tristi mu. Mu dice ad An: "Na pa spe: es An, Qi fu re-merka natio Israel." Po-co Jesu dice de plu mode, per qi plu pa-tem pre-dice de u Paleo Akorda de Kristo-Bibli gene akti per An.

Qe na nu este invidio de tali boni okasio de audi: na Salva-pe dice? An plu verba a bi Emmaus gene-sko-pe ne es ma forti e sti de plu hetero verba, ge-rekorda in Kristo-Bibli pro na nu-tem:

2 PETRO 1: 21 Plu andro dice ex Teo, tem gene sti ex Sankti Spiritu.

U ge-bali-pe Paulus monstra a plu Korinti civi:

1 KORINTI 2: 1 Na dice ne per plu verba, per qi homi sofi dona sko, sed per qi u Spiritu dona sko.

U Bibli de Teo dona u sko:

ROMA 1: 16 Mi ne este etio de u boni info, kausa id es u dina de Teo a salva a panto-pe, qi kredi.

Jesu es in na eko-do, tem na dice An plu Verba:

MATEUS 18: 20 La, topo bi alo tri habe unio per Mi nomina, es Mi inter mu.

Jesu es in dice-lo de religio-do, kron u pastora deklara plu sankti Verba de Teo, kausa Jesu pa dice:

LUKAS 10: 16 Pe, qi audi vi, audi Mi.

Es plus importa: na memo: Jesu kon Auto Verba pa gene deni ex u maxi mega mero ex plu homi, a qi An dice:

MATEUS 7: 13 Lata es u porta, plus lata es u via, qi duce a destru; plus-co poli es mu, qi kine in la per id.

MATEUS 22: 14 Poli gene kla; anti-co oligo gene elekti.

Es desira: dice a plu homi plu ra, mu volu audi- si pe simpli volu evita plu disputa; anti-co, si pe monstra simpli u sofi de plu homi, e ne de Teo, u-ci ne fu akti a mu u religio boni:

ROMA 10: 17 Kausa-co u kredi veni ex audi, e audi ex plu verba de Kristo.

Teo lice: plu Verba ex Teo panto-kron "piro in na." Per u Spiritu, An lice dona a na u koragi, tende konfesi ko Luther: "Mi dura ci. Mi ne difere pote akti. Teo sti auxi a mi. Es veri!"

Tu Verba e Tu doce,
Qi don a psiko sani,
Du monstra Teo pote
De duce ad urani.
O, dona u-ci doro,
Qi es u bio hidro,
Na bibe epi Geo
Pre urani ko Tu filo.

Andreas Gryphius (1616-1664)



DE NORD DAKOTA
e de na

PLU PIRO VENO EX KARBO

Nord Dakota habe poli karbo. Pe ne panto-kron detekti karbo in plu mina, sed plus in plu lamina de tera, qi freqe habe u paki de oligo centimetra. Na dona u nomina "veno" (hema tubi) a plu-ci lamina.

Pe pote detekti poli tali veno in plu uest mero de Nord Dakota, poli in plu stato parko. Ali-pe facili pote vide plu-ci melano stria in na plu Mali Tera.

(Plu Mali Tera ne habe u-ci nomina, kausa mu habe u kako vista. Faktu: mu ko plu mega kremno ex poli-kroma lamina habe mega kali. Plu Indiana pa dona a mu tali nomina, kausa mega facili de pe lose plu direkti in mu.)

U-ci karbo es de tro mali qalita de pe uti id iso piro-ma; anti-co id pote gene piro. Plu urani flasc pote sti: u veno gene piro. Plu tali piro habe veri lento, kausa id ne pote gene poli oxigena. Mu kine cirka tri metra tem anua.

U tali piro pa gene proto in plu Mali Tera anua 1951. Plu skience-pe skope u piro, a-kron id gene sto anua 1977.

Plu-ci piro es u posi mode, per qi plu Mali Tera gene id plu forma. Po u karbo gene piro, u plati tera, qi es supra karbo, subito gene kade, e lase: u tera habe u vista de plu "skala."

Plu piro pa plus muta plu kroma de plu Mali Tera. Plu lamina ex kerami, qi es proxi a plu lamina ex karbo, gene termo; kausa-co plu piro face plu kerami homo plu "brika." Plu brika habe u rubi kroma, e habe u nomina Skoria.

Plu-kron u kerami ne es plati, e plu brika gene u no-norma forma. Mu habe u nomina "klinker." Plu piro plus pote kausa: plu dendro habe u no-norma forma.

In Nord Dakota es plu Mikro Misouri Fluvi Natio Herba Tera, qi nu habe u tali piro. Zero-pe ski: id gene piro qo-kron; anti-co u tem es ma poli de 100 anua. U piro gene ma e ma lento.

"The Bad Lands grade all the way from those that are almost rolling in character to those that are so fantastically broken in form and so bizarre in color as to seem hardly properly to belong to this earth."

Theodore Roosevelt
________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
 JUSTI is a free publication. Anyone wanting a copy or subscription can write to us:

 THE MILLERS
 409 7TH AVE NW 
 MANDAN ND 58554-2522
 U S A

Tu pote lekto ma poli topo glos-avanti.blogspot.com, alo grafo a na topo gmillernd@gmail.com.

No comments:

Post a Comment