Saturday, September 15, 2012

A Theodore Roosevelt Diary


http://www.nps.gov/thro/photosmultimedia/theodore-roosevelt-diary.htm

U Mikro Di-Bibli de Theodore Roosevelt

Theodore Roosevelt habe u boni histori iso agrio natura-pe e mega-pe de natura konserva, anti-co an es plus u tekno e freqe-kron grafo-pe.

Plu grafo de an es un histori de milita navi-fa a plu histori de plu agrio natura ko centra de an experi topo Amerika uest.

Na monstra oligo ex an puta in u-ci di-bibli.

->

1883: "Proto-tem, il es poli speci de ra, de qi mi este fobo, plu Ursu horibilis a plu no-gluko equs e fusili-an; anti-co per akti, homo mi ne este fobo, mi pa gradu sto este fobo."

1884: "Mi kardia este hedo de u-ci bio ko perfekti libe, kausa mi forti amo casa, e es oligo este, mi ma amo, de dromo epi equs epi plu-ci feno-unda, feno-minus-fini gramini tera, ko fusili-me in manu, alo detekti u direkti in plu vaku, sti-imagina e feno-tristi-pikto deserta de plu iso-ge-nomina Mali Tera."

1884: "Zero-lo, ne klu topo mari, un homi este ma solo, de tem kine epi equs trans plu tele, feno-minus-fini plati tera. Mu lati e... mu tristi mono-qalita dona a mi u forti imagina."

1885: "Plu-la paleo-tem casa-pe es un idio speci. Mu, solo alo in mikro grega, kine dia ci a maxi tele e agrio eko-lo de plu zoa, seqe qi mu kine, tem habe u mono-qalita, solo bio, e tem freqe ne vide u 'leuko' facia tem poli meno e klu anua. Mu es plu tekno fusili-pe, e este no-turba, audaci e fini-decide, proxi a no-kura."

1885: "Excepti un Alces, u zoa Cervus candensis es u maxi mega e, minus excepti, es u maxi grandi de panto cervus speci. Zero hetero speci ex panto veri cervus in Paleo alo Neo Munda, habe un iso de id mega e forma, longi e ponde de id bi grandi kornu; plus-co u grandi, feno-bombasti e feno-cefa mode de u paleo an-candensis probabili sti: id habe u maxi regi feno de panto zoa ge-krea-ra."

1901: "U zoa Wapiti [Cervus candensis], homo u bisona, e klu ma poli de Odocoileus virginianus, pote tena bio in plu mega difere cirka-sta. Id es sub panto-vora de gusto, e vora panto speci de dendro e gramini. Plu-ci karakteri-ra ko id dura face: id habe u sub facili de dura bio in plu mega parka e silva tena-lo tem hemi-agrio konditio."

1909: "Mi volu face u grati ski de plu ergo-an, in e ex na arki servi, qi pa prepara u proto lista de plu natura fonta de na. Mu ergo auxi: na logi: u maxi mega problema ante na ne es plu qestio pro mono grega, sed plu qestio, de qi plu homi ex panto grega pote habe uni pro vulga boni."

No comments:

Post a Comment