Saturday, June 9, 2012

Historical Associations



HISTORICAL ASSOCIATIONS
by Robert Louis Stevenson

Dear Uncle Jim, this garden ground
That now you smoke your pipe around.
Has seen immortal actions done
And valiant battles lost and won.

Here we had best on tip-toe tread,
While I for safety march ahead,
For this is that enchanted ground
Where all who loiter slumber sound.

Here is the sea, here is the sand,
Here is simple Shepherd's Land,
Here are the fairy hollyhocks,
And there are Ali Baba's rocks.

But yonder, see! apart and high,
Frozen Siberia lies; where I,
With Robert Bruce and William Tell,
Was bound by an enchanter's spell.

Then all the horns were blown in town;
And to the ramparts clanging down,
All the giants leaped to horse
And charged behind us through the gorse.

On we rode, the others and I,
Over the mountains blue, and by
The Silver River, the sounding sea,
And the robber woods of Tartary.

A thousand miles we galloped fast,
And down the witches' lane we passed,
And rode amain, with brandished sword,
Up to the middle, through the ford.

Last we drew rein--a weary three--
Upon the lawn, in time for tea,
And from our steeds alighted down
Before the gates of Babylon.

PLU HISTORI RELATIO
ex Robert Louis Stevenson

Parenta-sibi Jim, u tera;
Tu nu fum u pipa peri,
Pa vide plu no-morta akti,
Fobo milita e plu vikto.

Ci na pa kine ko silento
E, pro sekuri, mi ad ante,
Kausa es magika tera
Ko rapi somni- Pe ne tardi!

Ci es u mari, ci litora,
Ci es u simpli ovis tera,
Ci plu flori; plu feri habe,
E klepto-lo de Ali Baba.

O, anti-co sti vide! Alti
Es ko glaci la Siberi
Ko Robert Bruce e William Tell, mi
Kade per magika jura.

La, tem kumbe in plu cena,
Tel ab lumi in karcera,
Na, po leva se, per forti
Don a plu-la cen u frakti.

Panto civi sti monito,
E sti sta un alexi mura.
Plu mega andro salt ad equs,
E dromo trans plu spina fito.

Na du dromo per plu equs
Trans plu-la Ciano Monti,
Argenti Fluv e soni mari
E plu klepto-lo Tartari,

Prox a kilo kilometra,
Longi u magika via,
E ko ge-tira gladi dromo
A meso trans u klina-lo.

Na sti kine ko fatiga
Epi horti, ci ko tea.
A kata ab plu equs, na sta
In civita Babilona.

Saturday, June 2, 2012

Justi 2012 Pentecost



       / | _ | \
      |  ||^ |  |
      |  |(  )  |
       \_  ,, _/
         /  \
        \___/
       (kolumba)
    _
    | _    _  ___ _
    | | | |_'  |  |
    | |_| ._|  |  |
  |_|  PER AN FILO


        _____
      /   _   \
     /_ (_ _) _\
    |( ( _|_ ) )|
    | - \ | / - |
     \( _\|/_ )/
      \ _____ /
(kruci, kardia, flori)




== 2012 == U Penta-ze Di Festa (u veni de Sankti Spiritu) ==


(Vice u Penta-ze Di Festa Tema, na grafo tende reakti a bi qestio ex lekto-pe ex Cuba.)


MARTIN LUTHER- RE-FORMA-PE


500 anua po tem de Kristo, u Kristo-pe grega du kresce anti plu kako akti ex plu falsi doce-pe. Po-co u Mohamed arme gene plu vikto topo nord Afrika, Palestina, Siria e Asia peninsula. Topo uest Europa, u preka-pe duce topo civita Roma gene es u cefa de Kristo-pe grega. An gene u nomina "Papa," e deklara; Kristo elekti an tende habe un arki supra panto-pe, klu plu regi. U Kristo-pe Re-Forma gene es nece, tende re-sti importa u Kristo-Bibli, e tende re-sti u veri de salva ab holo-tem morta.


Anua 1483 (nona anua pre Kolumbus detekti u kontinenta Nord Amerika), Luther gene nati topo pusi civita Eisleben, Deutschland. Kron Luther habe 14 anua, an nece kine ab auto eko-do, tende dura gene plu sko. Po-co u patri de Luther habe sufici valuta de paga u mero de plu sko de Luther. Kausa-co an kine ad universita topo civita Erfurt.


Anti-co Luther ne este hedo. Tem an infanti, bi parenta pa dona ad un eduka de dice plu preka a plu "sankti-pe," e este honora de Papa de Roma Universa Kristo-pe Grega, e sti plu "boni akti." Tende tenta detekti u paci pro psiko, an decide kine a monako (religio fratri)-lo, e es u monako.


U doci-pe Staupitz, u monako-lo duce, decide bali Luther a civita Wittenberg, tende sti prepara an de doci de u Kristo-Bibli topo neo universita; un elekti-pe (duce-pe) de landa Saxoni pa establi. Tem Luther es topo monako-lo, Staupitz pa dice a Luther; an pote detekti u paci; an cerka, solo per Jesu. Luther tosto gene u merito de boni doci-pe. An deklara; u pardo ab panto kako akti es u gratis doro; Teo dona a na, u seqe-ra ex panto-ra; na Salva-pe pa akti pro na.


U "neo" doci ex Luther; qi faktu es u re-gene de plu simpli veri ex Teo bibli, ne sti plu mega turba pre anua 1517. Tende gene sufici valuta de face u religio-do de sankti Petro topo civita Roma, u Papa lice plu vendo de plu pardo papira topo holo Deutschland. Luther grafo 95 tema per lingua Latino; qi monstra; plu vendo de plu papira es anti Kristo-Bibli. Papa komanda; Luther kine a Roma tende reakti de etio de plu falsi doci. U duce-pe de Luther; u Saxoni elekti-pe, uti arki tende sugesti; pe tenta korekti plu turba ex Luther vice topo Deutschland.


Anua 1518, Luther reakti ante religio cefa Kajetan; Papa pa bali iso u representa-pe. Kajetan komanda; Luther deklara; plu doci-ra es falsi. Po mono anua tem publika disputa ko Deutschland Kristo-religio tekno-pe ko nomina doci-pe Eck, Luther deklara; pe ne nece obe akorda Papa tende gene salva ab holo-tem morta.


Anua 1521, un imperi cefa Karolus komanda; Luther kine ad unio ex plu Deutschland arki-pe ko nomina plu Konsili-pe de civita Worms. Un imperi cefa dice a Luther; an ne volu audi plu alexi de plu Kristo-Bibli doci-ra, sed simpli u konfesi ex Luther; plu doci-ra es falsi. Po puta ko plu preka de reakti mono di, Luther dice: "Si pe ne pote monstra per Kristo-Bibli; mi pa akti plu falsi dice, mi pote deni alo fu deni zero."


Kausa u deni de Luther, un imperi cefa dice; an es u krimi-pe; ali-pe pote cide po 20 di. Anti-co un elekti-pe Frederik akti u salva de Luther per "klepto" an, e duce an a solo alexi-lo ko nomina Wartburg. Tem-co an translati u Kristo-Bibli Neo Testi a Deutschland lingua, tende panto Deutschland civi pote lekto plu dice de Teo.


Luther pote re-kine a civita Wittenberg anua 1522, kausa Teo sti aktivi un imperi cefa Karolus per severi turba topo plu hetero mero de imperi landa. Luther freqe dona plu sko topo Wittenberg universita e in id religio-do. Kron di 18 de meno-bi, 1546, Luther lose bio.


DE NORD DAKOTA
e de na


RABI EQUS (TchascUnka WitkO, 1849?-1877)


Tem gene celebra kausa severi tem milita, Rabi Equs gene u boni ski inter auto demo de es u cefa ko fu-tem sonia; qi dona se tende tena plu more de Lakota kultura.


Klu iso juve andro, Rabi Equs habe u boni histori de milita-pe. An pa klepto plu equs ab plu Indiana Korvus pre an habe 13 anua, e duce u milita grega pre habe 20. Rabi Equs akti de u 1865-1868 milita; ge-duce per Oglala cefa Rubi Nefo anti plu USA proto-pe topo nu-tem Wyoming. Plus-co an importa akti de cide plu soldata topo alexi-lo Kearny anua 1867.


Rabi Equs gene u boni histori inter plu Lakota plus per tena plu more de auto demo. An deni; ali-pe gene u fotografo de an.


Po USA Milita Mero komanda; panto Lakota kine ad auto reserva-lo anua 1876, Rabi Equs es u duce-pe de plu anti-pe. U forti ami de plu Indian Cheyenne kausa game a Cheyenne gina, an kolekti a se u milita grega ex 1200 Oglala e Cheyenne topo auto viki, e sti; generali Crook fugi di 17 de meno-sixa, 1876, tem Crook tenta kine ultra fluvi Rosa Blasto a tem-lo topo plu monti Pusi Mega Kerati de Indiana cefa Sedi An-Bisona. Po-co an milita ko Sedi An-Bisona, e kron di 25 duce an grega, tende destru plu equs milita-pe de Custer.


Po u vikto, plu Indiana cefa sti fugi. Anti-co Rabi Equs du resta, tende milita anti generali Miles, tem an minus-sto kine seqe plu Lakota ko plu ko-pe u frigi-tem de bi anua 1876-1877. U-la kon u minus de bisona karni nece; Rabi Equs cede se di 6 de meno-penta de anua 1877.


Klu po no-vikto, Rabi Equs du habe u libe psiko. Tem meno-nona de anua 1877, an kine ab reserva-lo minus lice, tende duce u pato sponsa a bi parenta. Generali Crook komanda; Rabi Equs gene rapi, kausa an este u fobo; an re-kine tende milita. Tem proto, Rabi Equs ne akti anti rapi. Anti-co, po an este u ski; an gene duce a karcera, an tenta fugi. Tem u  milita-pe tena an bi braki, un hetero milita pulsa u pafili daga-ru in abdomena. Rabi Equs morta po oligo horo.


Tende dona ad an plu honora, bi cefa via in USA habe an nomina, e u fo-mega statu de an gene seka ex u monti; qi es proxi a famo monti Rushmore. (Sti vide www.crazyhorsememorial.com)


________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
 JUSTI is a free publication. Anyone wanting a copy or subscription can write to us:
 THE MILLERS
 409 7TH AVE NW 
 MANDAN ND 58554-2522
 U S A


Tu pote lekto ma poli topo glos-avanti.blogspot.com, alo grafo a na topo gmillernd(a)mail.com.