Sunday, February 5, 2012

Justi, Lent 2012


       / | _ | \
      |  ||^ |  |
      |  |(  )  |
       \_  ,, _/
         /  \
        \___/
       (kolumba)
    _
    | _    _  ___ _
    | | | |_'  |  |
    | |_| ._|  |  |
  |_|  PER AN FILO


        _____
      /   _   \
     /_ (_ _) _\
    |( ( _|_ ) )|
    | - \ | / - |
     \( _\|/_ )/
      \ _____ /
(kruci, kardia, flori)




 == 2012 == 
 ==Plu Sufero de Kristo (U Mega Sto-Vora) ==


 QO VALU ES IN NOMINA?


Ex panto nomina pro Jesu in Bibli, tu maxi hedo es qo? 


U-ci es u no-facili qestio- mi puta tali- kausa panto nomina pro Jesu dona glori per idio kali: Boni Ovis-Pe, Re-Merka-Pe, Foto de Munda, Cefa Na Justi (plus poli).


Pe pote elekti u maxi hedo nomina ex tali lista per qo mode? Panto nomina dice uno idio ra de na Salva-Pe- An es qo, An pa akti pro na qo, na habe plu qo mira kausa de filo e servi An.


Anti-co es u nomina; Qi sti; na nu este hedo tem idio anua mero. Mi puta de nomina; Johanes Bapti-pe pa dona a Jesu:


JOHANES 1: 29 Sti vide! U TEO JU-OVIS; Qi apo plu kako-akti de holo munda.


Sti puta de Kristo-Bibli komforta; qi es in u-ci kali nomina!


Plu Paleo-Testi tem, plu ju-ovis habe un importa mero in plu latri tem de Teo demo. Panto matina e vespera, akorda plu komanda de Teo, u latri cefa prende u ju-ovis, cide id, e akti u sakrifice.


Per u-ci latri ritu, Teo pa face u pikto pro mu; u ge-promise Kristo fu akti qo. An fu ofere Auto minus-kako bio iso u sti-paci sakrifice anti plu kako akti de holo munda.


Plus-co qe vi habe u memo de un histori de Paska; ge-rekorda in Kine-Ex 12? Teo pa instru a plu Israel-pe elekti u ju-ovis ex grega (qi habe mono anua e perfekti vista), duce id ad eko-lo, e nutri id bi setimana.


Po-co mu debi cide u ju-ovis, kuko u karni per piro, e vora id iso mero de Paska vora. Mu plus debi prende un hema ex ju-ovis, e frika id epi un akro e plu latu de eko-do porta-lo.  U-la es u sema; Teo fu kine ultra mu eko-do, kron An veni tem noktu, tende akti u judika anti plu idoli-latri Egipto-pe.


KINE-EX 12: 13 Kron Mi vide un hema, mi fu kine supra vi. U-ci morta fo-pato ne fu palpa vi, kron mi bate u landa Egipto.


U semani de Paska ritu, ne es u misteri a na. Id es u plus mode; per qi Teo monstra u mega libe ergo ex Auto sankti Fili; qi fu lase; An non-ami rapi An, akti u tribuna de An, face u judika anti An, e cide An tem maxi boni mero de bio per aku An a kruci cide-ra.


Kausa un hema; qi flu ex plu aku-vulne e u daga-vulne topo latu de Jesu, Teo kine supra plu no-sankti akti de munda. U sakrifice morta de Jesu salva panto-pe ab holo-tem morta; mu merito, e gene pro panto-pe u doro de bio; qi zero-kron gene u fini.


Plus-co na ski ex u Kristo-Bibli; un hema de u ju-Ovis de Teo es u solo ra; sufici valu tende paga u preci de sti libe na. Petro grafo iso:


1 PETRO 1: 18 Vi ne pa gene libe per plu tem ra, homo argenti alo auro, ab u vani bio mode de auto patri, 19 sed per u fo-preci hema de Kristo, u ju-Ovis minus makula alo defekti.


Seqe-co tu maxi ge-amo nomina de Jesu es qo? Es no-facili elekti simpli mono. "U ju-Ovis de Teo" posi es u boni elekti. Iso panto hetero nomina; ge-dona a na salva-Pe in Kristo-Bibli- tem dona oligo plus: un Ami de plu no-sankti-pe, u Regi-Fili de paci, un Ana-Sta e Bio, na dura-filo cefa sakrifice-Pe- u nomina "u ju-Ovis de Teo" es ple ko Kristo-Bibli komforta a panto-pe.






 DE NORD DAKOTA
 e de na


PLU LAKOTA BERENSTAIN URSUS
www.lakotabears.com


U Lakota Berenstain Ursus Projekti es u socia tenta de Sta Petro [Standing Rock] Sioux Demo e de u Lakota Lingua Konsili-fa, ko buta de fero u Lakota lingua a plu famili tele-vide-me trans panto Lakota-lingua grega topo bi stato Nord e Sud Dakota, klu plus ultra la.


Ge-face e ge-bali per lice ex Berenstain Negotia, Nelvana ge-limo negotia e Publika Tele-Bali Sistema, u 20-kapitula Lakota lingua speci de plu Berenstain Ursus es u proto ex panto speci- u proto Nati-Amerika ge-pikto filma de HOLO-TEM.


Plu karakteri voka es ex panto Lakota lingua Sta Petro, Cheyenne Fluvi, Pinus Akro e Rosa Blasto grega ex bi stato Nord e Sud Dakota, e monstra panto loka lingua idio-ra.


Iso importa, u proto Berenstain Ursus kapitula-fa es forti homo plu Lakota more; qi pa forti importa de face u neo kapitula-fa. Plu Lakota deko-ra, exempla koragi, respekti, libe dona e forti karakteri - panto es mega trans 20-kapitula-fa. Poli difere famili relatio; qi monstra panto-di bio, e plus poli idio-lingua dice, auxi de tena u lingua reali e signifi-pote in panto kapitula.


OLIGO LAKOTA VERBA


(-h = dice ante soni ko forti aero; ' = pulsa aero per glotis) 


babi bEbela
fosi k'A 
bruno dcI 
domi t-hIpi
felis igmU
glandi Uta 
grati p-hilAmajaje
heli angpEui 
indika Epazo 
ju-an hokscIla
ju-fe uic-hIngcala 
kanis scUngka
kanta lowAng 
kastora c-hApa
kinomis pispIza
lepidoptero kimImela 
manu napE
mikro cIk'ala 
monti chE 
morti t'A
nebula p'O
pani adcUjapi
parenta-matri ungcI 
parenta-patri tchungkAscila 
pedi sI
petro Ingyang 
porkuspinus pchahIng
prunus kchAngta 
rana gnasckA 
sedi-mo oAkangke
sibila zscO
skiurus zicA
testudo khEja 
tetra tOpa
tri jAmni
ursus matchO


________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
 JUSTI is a free publication. Anyone wanting a copy or subscription can write to us:
 THE MILLERS
 409 7TH AVE NW 
 MANDAN ND 58554-2522
 U S A


Tu pote lekto ma poli topo glos-avanti.blogspot.com, alo grafo a na topo gmillernd@gmail.com.

No comments:

Post a Comment