Sunday, October 23, 2011

The Cisco Kid

I have put the original O.Henry story that the TV series CISCO KID was based on on glosalist@yahoogroups.com, so here I put information about the TV series itself. This is a translation of a Wikipedia article.


U CISCO JUVE-AN


U CISCO JUVE-AN es u hemi-horo Amerika bovi-an tele-vide seri ko Duncan Renaldo, maxi importa drama-pe, e ko Leo Carillo, sti-ridi auxi-pe Pancho. Cisco e Pancho drama plu krimi-pe, ge-volu de rapi kausa plu no-klari krimi, sed feno es a plu pove-pe homo Robin-Hood-pe; qi dona auxi a plu vulga-pe, tem plu polica feno es krimi, alo ne volu dona auxi. Id plus es u proto TV seri, ge-rekorda per panto kroma, anti simpli oligo vide-pe vide id tali pre plu anua 1960.


U centra karakteri-pe pa gene krea ex u USA brevi-stori-pe O.Henry in "Un Equs-an Mode," ge-presa anua 1907 in kolekti U KARDIA DE UEST. Radio, tele-vide e kinema pa monstra u Cisco Juve-an homo u hero Mexico equs-an. Anti-co in stori u Juve-an es ze-Espana e u veri ultra-norma severi krimi-pe. U karakteri-pe gene muta a radio drama U CISCO JUVE-AN anua 1942-1955. Jackson Beck akti u cefa karakteri 1942-1945, e Jack Mather 1946-1955.


U TV seri gene face anua 1949 ex ZIV PRODUCE topo bovi-lo de Ray Corrigan topo Simi Valley topo sub-stato Ventura, California. Renaldo, u nati-pe de Espana, e Carrillo, u nati-pe de civita Los Angeles, pa es u proto tele-vide-pe ex Espana geneti. (Desi Arnaz, Sr, ex Cuba es per tele-vide ko sponsa e ko-tele-vide-fe Lucille Ball in MI AMO LUCY po mono anua.) Kron u seri proto, Carrillo pre habe 70 anua, Renaldo 46. U mero ex u ridi-ma de seri gene monstra per Carrillo ero-dice per England lingua. U karakteri frase de Pancho, kron gene amusa ex Renaldo, es u lento "O, Ciiisco!" Plu vide-pe plus gene ski de bi equs de karakteri-pe, Diablo de Cisco e Loco de Pancho....


U CISCO JUVE-AN gene nomina anua 1953 pro premi Emmy pro infanti programa. Anua 1955, id es u maxi ge-amo tele-vide seri inter plu USA infanti.

Saturday, October 15, 2011

Justi, 2011 Reformation, part 2

DE NORD DAKOTA
 e de na


U FERU-VIA HISTORI-LO DE MINOT


(U seqe es u translati de railroadmuseumofminot.org.)


-Bene-veni


U bene-veni ex Feru-Via Histori-lo de Minot. Na es u no-profita organi, ge-centra de tena e avanti plu area e holo-geo feru-via.


Na es topo centra de civita Minot, Nord Dakota, plus panto homi pote visita na 10:00-14:00 singu di-seti.


Place dice ko na de plu idio visita alo festa.


-Proto Pagina


U Feru-Via Histori-lo de Minot pa gene establi anua 1986, u mero ex u Nord-Dakota 100-Anua Festa topo na civita. Un Histori-lo gene sistema, tende tena un histori de plu feru-via; plu via de qi es trans Nord Dakota e holo landa.


U Feru-Via Histori-lo de Minot es u tena-lo de plu interese histori feru-via paleo-ra, klude u veri Burlington-Nord Tako Vagona, u vagona; plu ergo-pe uti de viagia longi plu feru-via.


Un Histori-lo du gene re-neo. Plu neo e excite skope gene krea e monstra a panto visita-pe proxi panto setimana. Po mikro, un holo neo libela de histori-do fu es skope a panto visita-pe, plus, grati kausa plu forti ergo ex Roger Burchill, u Facili-e-Doro-ka Duce-pe, ko an grega ex plu volu-pe, u bibli-ka de lekto plu ge-stora materia de Histori-lo, alo simpli de sedi e skope u vidio, fu es la.


Un Histori-lo dona a panto-anua homi u libe e bene-veni peri-lo, plus visita ad Histori-lo es GRATIS! Un Histori-lo gene uti kausa plu valuta profita, ge-gene per u Magika-Civita Tako-Trena topo Roosevelt Parka, e kausa plu libe-volu doro.


-U Magika-Civita Tako-Trena


U Magika-Civita Tako-Trena ofici es a panto visita-pe. U Trena kine 13:00-16:45 seti di singu setimana. Plu kosta de viagia per Trena es:


Mei poli de 5 anua: Gratis ko kosta viagia-pe
5 anua e ma poli: $3.00
Plu paleo-pe: $2.00


Na hedo atende viagia plu feru-via de Roosevelt Parka ko vi.


________________________________________
JUSTI es u gratis presa-ra. Ali-pe; qi volu u kopi alo u panto-kron gene de id, pote grafo a na:
 JUSTI is a free publication. Anyone wanting a copy or subscription can write to us:
 THE MILLERS
 409 7TH AVE NW 
 MANDAN ND 58554-2522
 U S A


Tu pote lekto ma poli topo glos-avanti.blogspot.com, alo grafo a na topo gmillernd@gmail.com.

Sunday, October 9, 2011

Justi, 2011 Reformation, part 1



                             _                               _____
         /| _ |\             | _    _  ___ _               /   _   \  
        | ||^ | |            | | | |_‘  |  |              /_ (_ _) _\
        | |(  ) |            | |_| ._|  |  |             |( ( _|_ ) )|
         \_ ,,_/           |_|  PER AN FILO              | - \ | / - |
           / \                                            \( _\|/_ )/
          \__/ (kolumba)            (kruci, kardia, flori) \ _____ /


================= 2011 ================ U Luther Re-Forma ==================






 U SOLO NECE RA


U Sankti Spiritu es homo u venti es. Pe ne ski; u venti kine ab qo topo, alo id kine a qo topo, anti-co tu vide id fo-mega seqe po id pasa.


U lukta de gene cepti ex Teo pa duce Martin Luther a Kristo Bibli. U-ci es u viagia in Kristo Bibli; qi duce an a Kristo, e a mira salva per Teo Boni-Info.


Tem u-ci Re-Forma Festa, mi gene memo de un histori de Maria e Marta:


LUKA 11: 38 Acide: kron mu kine ad ante, An kine in u certa viki. U gina, per nomina Marta cepti An in fe domi. 39 Fe habe u sibi, ge-nomina Maria; qi audi An dice, po sedi para Jesu pedi. 40 Marta este turba de poli servi. Po veni, fe dice: Cefa, qe es zero kura a Tu; mi sibi pa lase; solo mi dona servi? Ka-co dice a fe, so fe fu dona auxi a mi. 41 Jesu dice a fe u reakti: Marta, Marta, tu este kura e turba de poli ra. 42 Es u nece de mono ra. Maria pa elekti boni mero; qi ne fu gene apo ab fe.


Jesu sti importa; u solo nece ra es sedi para An pedi, tende audi An plu verba. U Sankti Spiritu sti; sankti homi de Teo pa grafo panto verba de Kristo Bibli:


2 PETRO 1: 21 Teo dice zero-kron veni per volu de homi. Anti-co plu sankti homi de Teo, ge-sti per Sankti Spiritu, pa dice.


U Kristo Bibli pote sti tekno de salva ab Teo puni:


2 TIMOTEO 3: 15 Po infanti tem, tu ski plu Sankti Grafo; qi pote sti sofi tu de salva kausa kredi; qi es per Kristo Jesu.


U mode de gene u ski de Jesu, plus de kredi de An, es stude e audi u Kristo Bibli. U Re-Forma ergo de Luther pa gene proto- plus establi- topo stude de Teo Kristo Bibli, e de volu de audi plu ra, u Kristo Bibli dice. Na stude de Kristo Bibli tro facili gene es no-klari, kausa na este kura e turba de poli ra.


U bio es u ra ex plu elekti, na este es importa. Kron Jesu petitio; qe An stude-pe fu lase An, Petro dice:


JOHANE 6: 68 Cefa, na kine a qo-pe? Tu habe plu verba de holo-tem bio.


Solo Jesu habe plu verba de holo-tem bio.


(Ti pote detekti u supra lekto e ma poli per England lingua gratis topo www.lutheranspokesman.com)


____
|   \ ___  ___  ___  Filo kausa fide, sura ne vi, du salva vi.
| - |/ _ \| (_)/ _ \ U-ci es u doro ex Teo, ne kausa vi akti.
|__/ \___/|_|  \___/ Kausa-co zero-pe pote dice bombasti. (Efesus 2:8,9)

Sunday, October 2, 2011

Who Has Seen the Wind



WHO HAS SEEN THE WIND?
by Christina G.Rosetti


Who has seen the wind?
Neither I nor you:
But when the leaves hang trembling,
The wind is passing through.


Who has seen the wind?
Neither you nor I:
But when the trees bow down their heads
The wind is passing by.


Qo-pe pa vide u venti?
Ne mi, e sura ne vi:
Kron plu folia pende tremulo,
U venti nu kine a ci.


Qo-pe pa vide u venti?
Ne vi, e sura ne mi:
Kron plu dendro klina plu kefa,
U venti du kin ultra ci.