Saturday, June 4, 2011

Justi, Pentecost 2011

U MALI ACIDE TOPO JAPAN- "QO-RA ES UN HOMI...?"

Mi sponsa e mi pa este un hedo de visita plu nesia Hawaii proto-kron pre brevi tem- faktu, simpli proxi mono setimana pri plu mali acide de Japan.

Pa es mei longi de mono setimana, po na imuni re-veni (grati a Tu, Teo!), kron na vide plu deino vista per tele-vide de geo-seiso topo Japan e plu seqe unda (plus plu mega unda topo Hawaii, e plu kosta de Oregon e Kalifornia). Uno anti-muta nova-pe pa dice; vide panto-ci ra sti; plu homi "feno es non-importa." Na ski u ra; an dice, qe?

GENE-PROTO 1: 28 Sti arki supra plu piski de mari, supra plu avi de aero, e supra panto bio-ra; qi kine epi Geo.

Anti na krea-Pe Teo pa dona a plu homi un arki, plu-ci tristi acide monstra plu limita de u-ci arki. Per-co u sankti grafo; qi sti menta, es u Kanta 8:

KANTA 8: 3 Qo-ra es un homi, iso Tu este kura de an- u fili de homi, iso Tu kura de an?

Plu homi per un arki ergo; Teo pa dona a mu, pa akti, e du akti, plu grandi e mira ra. An pa tekto plu supra-soni peti-me; qi kine tako supra e peri na planeta. An pa tekto plu mega oceani-viagia navi (klude na viagia navi!); per qi na kine epi plu forti oceani. An pa tekto plu nuklea dina-do; qi krati nuklea dina, te plu uti id, e sti ma boni plu komuni.

Kausa qo u-ci es tali? Qo-ra pa gene acide ad un arki de homi; Teo pa dona ad an?

U ra; qi gene acide, es ge-rekorda in kapitula 3 de Gene-Proto! U no-sucede de panto homi a kako es tristi e pro mu e pro panto ge-krea ra de Teo, klu tem mu nu atende un ultima salva:

ROMA 8: 19 Un honesti spe de plu ge-krea ra du zelo atende de u monstra de plu fili de Teo. 20 Panto ge-krea ra pa gene infra vani ne kausa volu, sed kausa An; Qi pa sti obe mu kausa spe, 21 kausa panto ge-krea ra plus fu gene salva ab u dulo tem de kako a u glori libe de plu fili de Teo. 22 Na ski; panto ge-krea ra du voci e sufere ko plu algo de nati a nu-tem.

Na Teo, na krea-Pe e merka-Pe, lase libe plu tali destru acide a panto homi iso plu pre-kron judika anti u kako munda. Mu es plu pre-ra de u mega destru acide, un ultima judika, kron Kristo Jesu; Qi veni a na kako munda tende salva e merka kako na, re-veni a munda ko justi:

JOHANES 3: 17 Teo ne pa bali Auto Fili a munda tende akti judika anti munda, sed tende u munda per An fu gene salva. 18 An; qi kredi de An, ne habe u judika. Anti-co an; qi ne kredi, nu habe u judika, kausa an ne nu kredi de nomina de mono veri Fili de Teo.

Sti puta de tali sankti grafo:

AMOS 9: 6 Es An; Qi tekto Auto libela in urani, e pa establi plu libela in geo, e Qi kla plu aqa de mari, e fusi mu epi facia de geo- u Cefa es An nomina.

KANTA 93: 4 Na Cefa topo alti es ma dina de fono de poli aqa, e de plu dina unda de mari.

KANTA 89: 9 Tu du krati supra turba de mari. Kron plu unda leva se, Tu sti kalma mu.

Un holo-tem Teo veni a na munda tende salva plu kako homi AB kako de u-ci munda, e AD u fu-tem munda, u perfekti hedo de urani; topo qi panto kredi fili de An du eko tende latri An holo-tem, tem NU e FU dice:

KANTA 8: 9 O TEO, na Teo, tali regi es Tu nomina topo holo Geo!

(Pe pote detekti u supra lekto e poli plus lekto per England glosa topo: www.lutheranspokesman.org)


No comments:

Post a Comment