Saturday, April 30, 2011

Raptor Resource

RaptorResource.org


(Infra ci es u translati de puta-me inter-reti-lo; de qi mi pa gene ski ex u eko-sko ami; qi hedo skope plu avi Leuko-kefa kresce per vide-me; qi u-ci organi pa moti in nidi.)

DE NA

Ge-establi kron anua 1988, u zero-profita Ergo de Rapi-Avi Auxi-lo es idio de tena plu falko, aqila, halietus, akipiter e striga. Na establi e ma-forti plu kopula grega de plu-ci rapi avi per krea, ma-boni e repara plu nidi e nidi-lo. Para-co rekti tena ma de 23 falko, aqila e striga nidi-lo, na plus doci de krea e tena plu nidi-lo per plu lekto, stude programa e na puta-me inter-reti-lo, e sti plu neo-ra a plu tena de nidi-lo e de skope; qi sti plu homi ma proxi a geo peri mu.

Na idio ergo es tena e ma-forti plu grega de plu rapi avi, ma-poli auxi de tena plu rapi avi, e auxi plu fu-tem tena-pe. Na ergo ma-forti u nexu inter plu homi e u natura munda, tem fero plu bene-ra a bi mu.

Nu-tem na habe bi cefa re-sti programa de falko peregrinus.

RE-STI PROGRAMA TOPO FLUVI MISSISSIPPI

Na proto per sti libe plu falko. Kausa tali poli falko pa re-sti se, na nu skope plu nu-tem e probabili nidi-lo, ma-boni plu nidi-lo; topo qi es nece, liga plu bileta a plu juve avi, e kolekti plu info e hema exempla.

U PROGRAMA DE FALKO PEREGRINUS E ELEKTRO-DO

Pa proto ex un Ergo de Rapi-Avi Auxi-lo kron anua 1990 topo un elektro-do Alan King de Xcel Energi topo Bayport, Minnesota, plu programa de plu rapi avi e plu elektro-do pa gene ma-poli trans plu ge-Uni Stato e holo Geo. Po anua 1990, ma poli de 300 falko kresce proxi a plu elektro-do longi fluvi Mississippi e id rami-fluvi. Xcel Energi, Laki-Geo Dina, Minnesota Dina, Alliant Energi e plu hetero elektro socia du importa akti de re-sti plu falko peregrinus a vali de plu-ci fluvi.

______________

PLU VALUTA DORO

Na es u 501c3 zero-profita organi, e cepti plu valuta doro. Si tu este un interese de akti u doro a na ergo de re-sti plu rapi avi, sti u butona infra ci te doro per puta-me inter-reti:

Sunday, April 17, 2011

Sti Logi

THE PREPOSITION de IN GLOSA MEANS "OF," "BELONGING TO," OR "ABOUT." U bibli de Petro CAN MEAN "PETRO'S BOOK" OR "THE BOOK ABOUT PETRO." HOW CAN A LOGICAL LANGUAGE TOLERATE SUCH AMBIGUITY?


Short answer: Many natural languages have different meanings for the word DE. They are not in danger of collapsing.

Long answer:

First of all, why shouldn't speakers of the above languages have a preposition that is easy for them to use?

Glosa does have ways of expressing the two meanings precisely:

U bibli; Petro habe...
The book Petro owns...

U tema de u-la bibli es de Petro.
The theme of the book is about Petro.

U bibli tema de Petro.
The book "themes" about Petro.
(TEMA is used as a verb.)

U bibli es tema Petro.
The book is about Petro.
(TEMA is used as a preposition.)

Sunday, April 10, 2011

Justi, Easter 2011

D E N O R D D A K O T A
e de na


U KOCINELA- UN OFICI INSEKTI DE NORD DAKOTA?


U posi lega es ante plu representa-pe de Nord Dakota; qi deklara u kocinela es un ofici insekti de Nord Dakota. Poli civi divina; id fu gene es u reali lega. Plu kocinela es forti poli topo Nord Dakota.


Nord Dakota es u kulti-lo. Plu kocinela es forti importa ci, kausa mu vora plu afidi insekti; qi vora plu fito de plu kulti-pe. Topo plu ge-Uni Stato, plu komerci-pe karpe plu kocinela, e merka mu a plu kulti-pe. Plu monti de plu ge-Uni Stato habe u grega speci. Un Australia speci pa gene fero a plu ge-Uni Stato te vora plu insekti; qi vora plu orange dendro. Mexico habe u speci; qi vora plu vegeta.


Plu kocinela es plu koleoptera, e habe u xanto-rubi kroma ko bi alo nona melano makula. Plu matura insekti habe u proxi semi-bola forma. Plu juve kocinela (larva) habe plu anti kroma: Mu es longi e melano ko plu xanto-rubi makula. Faktu, plu juve vora ma poli afidi de plu matura.


Plu infanti ami mu, kausa mu habe u foto kroma, es facili de ski, skende epi mu, e zero-kron morda. Plu kocinela es forti ge-amo de plu civi de plu ge-Uni Stato, kausa-co pe freqe detekti id in plu orna.


Plu nomina de plu kocinela plus es interese. U Latino- e nu Italia e France- nomina (coccinella/coccinelle) de mu habe u semani "rubi-ra." Un England nomina (ladybug, ladybird beetle) habe u semani "seniora (avi) insekti." U Rosija nomina habe u semani "bovi labi." Poli glosa, exempla Deutschland, uti u gina nomina "Maria" in mu nomina, kausa plu homi de Meso-Eva tem kredi; mu es plu bene ex sankti Maria. Interese es u Portugal "Joaninha."


     _ _          _ _
    #-#-#        #-#-#
 -/   |   \-    -/ # \-
-|  # | #  |-  -|#####|-
 -\_  |  _/-   -|#####|-
     ---         \###/
                  \#/
                   #
                   #
U matura e larva kocinela

Saturday, April 2, 2011

Justi, Easter 2011

PLU HOLO-TEM VERI

Na kredi minus excepti; u Kristo Bibli, u ge-in-spira Verba de Teo, es no-muta veri. Kausa-co es tetra sura ra; mi ski, tem Paska:

UN HOLO-TEM VERI MONO:

Paulus tristi dice de auto no-pote de gene u nece sankti:

ROMA 7: 18 Mi ski; in mi-- u-ci es; IN MI NATURA-- ES ZERO BONI RA. U volu es la ko mi, anti-co mi ne detekti un akti de u ra; qi es boni.

Plu homi ne amo audi; mu es plu kako-pe klu pre nati-- klu ma ne amo audi; plu ra de homi natura; de qi mu bombasti, es no-sufici ante Teo.

ISAIA 64: 6 Panto na es homo u no-puri ra, plus panto na justi homo no-puri ge-uti textili.

ROMA 6: 23 U paga ex kako akti es morta.

UN HOLO-TEM VERI BI:

Job este tali sura de ra; an ski; an volu; id es ge-grafo in petro:

JOB 19: 25 Mi ski; MI SALVA-PE DU BIO, e An ultima fu sta epi geo. 26 Po mi derma gene destru, mi per mi soma fu vide Teo; 27 auto mi fu vide, e mi oku skope.

Panto-ci verba, ge-grafo plu hekto-anua ante u reali, dice u veri; qi kausa
hedo in panto penite kardi.

MATEUS 28: 5 Ne fobo, kausa mi ski; vi cerka Jesu; Qi gene kruci morta. 6 An ne es ci, kausa An gene leva, iso An pa dice.

1 PETRUS 1: 3 Bene es u Teo e Patri de na Cefa Jesu Kristo; Qi, akorda Auto mega favo, re-nati na a bio spe kausa un ana-sta de Jesu Kristo ex plu morta-pe.

UN HOLO-TEM VERI TRI:

2 TIMOTEUS 4: 8 ES PRO MI U REGI KEFA-VE EX JUSTI; u Cefa, justi judika-Pe, fu dona a mi kron u-la Di.

Paulus tosto atende morta. An este fide, kausa an ski; an Teo es u fide Teo de filo e favo. Luther, un hetero stude-pe de Teo Bibli, este sura tem morta: "A Tu manu mi lase u spiritu, kausa Tu pa re-merka mi, fide Teo Tu."

JOHANES 14: 1 Ne lase; vi kardia este turba. Vi kredi de Teo. Sti kredi de plus Mi. 2 In u domi de Mi Patri es poli eko-lo. Se u-ci ne es veri, Mi pre dice a vi. Mi kine te prepara u topo pro vi. 3 Se Mi kine te prepara u topo pro vi, Mi fu re-veni e cepti vi a Mi, te topo es Mi, plus vi es.

UN HOLO-TEM VERI TETRA:

Mi fu kine ad urani.

JOHANES 14: 19 KAUSA MI BIO, PLUS VI FU BIO.

Jesu pa preka:

JOHANES 17: 24 Patri, Mi volu; plus mu; Tu pa dona a Mi, es ko Mi, topo Mi es, te mu lice skope Mi famo; Tu pa dona a Mi.

Un urani es mi eko-lo!

1 JOHANES 5: 11 U-ci es un histori: Teo pa dona a na holo-tem bio, plus u-ci bio es per Auto Fili. 12 Pe; qi habe An Fili, habe bio. Pe; qi ne habe u Fili, ne habe bio. 13 Mi pa grafo panto-ci ra a vi, te vi sti kredi de u nomina de Fili de Teo, te vi pote ski; vi habe holo-tem bio, e te vi pote kredi de nomina de Fili de Teo.

Kausa panto minus-muta Verba ex Teo; qi es ge-sura per un ana-sta de Jesu, na ski e kredi:

2 KORINTI 4: 14 An; Qi pa leva na Cefa Jesu, fu leva plus na per Jesu.

Plu-ci holo-tem veri fu gene es un holo-tem eko-lo. Per-co na fu es ko na Cefa holo-tem.

(Pe pote detekti u supra lekto e poli plus lekto per England glosa topo:
http://www.lutheranspokesman.org/)