Sunday, November 28, 2010

Justi 2010 Christmas

        ()
     () ||    ()
     || ||    ||
  () || || () ||
  ||#||#||#||#||
##||##  || ||####
 #||###   #||###
  ############

UN A-VENI ZONA

Es tetra kandela topo zona ex plu rami,
e mono kandela in centra. U tem A-Veni
proto tetra di Tetra ante Kristo-Nati.
Pe piro plu kandela mono po mono singu
di Tetra. Kron Kristo-Nati di u centra
kandela gene piro.

     KRISTO-NATI HABE ZERO IDIO TEM

Tem na festa Kristo-Nati, na ski; es plu
nega-pe; qi itera re-memo u fatiga
faktu; na ne ski un exakti di alo meno
de u nati de Jesu. Mu habe korekti. Es
zero!

Plu anti-pe de Kristo-Nati plu dice; u
datu, kron na festa u nati de Cefa
Jesu, es un iso datu de u no-Kristo Roma
festa. Tem u-la festa, plu
no-Kristo-pe pa festa de plu excesi.
Plus-co, plu Roma-pe e plus plu
Persia-pe pa festa di 25 de meno Mo-Bi
ad un heli-teo.

U maxi paleo nota de u festa de u nati
de Kristo di 25 de meno Mo-Bi es kron
anua 354. Plu homi dice; u di pa gene
elekti te direkti un atenta de plu homi
ab plu no-Kristo festa.

Anti plu homi tem plu hekto-anua tenta
detekti u datu--un eklesia arkeo-pe
Chrysostom (345?-407) dice; u datu de
M12 D25 es u korekti datu--u reali es;
kausa plu Sankti Grafo ne elekti u di,
un Eklesia es libe de elekti u datu;
kron qi id festa u nati de Kristo. Es u
kredi-pote kausa; plu homi pa elekti
D25 M12 de festa u nati de Jesu, na Foto
de munda, iso un anti-ra de u skoto de
plu no-Kristo religio; qi latri plu
ikono.

Anti na ne pote deklara per exakti sura
u reali di de u nati de Kristo,
zero-pe pote dice; D25 M12 ne es u
korekti di. Kausa ali-ra, na ne lice;
plu anti-pe fu noku na fide e hedo kausa
u nati de u Fili de Teo, iso homi. Kausa
es sufici; ski:

GALATIA 4: 4 Kron u ple tem pa veni, Teo
     pa bali Auto Fili, ge-nati ex gina,
 ge-nati sub plu lega, 5 te merka mu; qi
         es sub plu lega. Per-co na gene
                    adapta iso plu fili.

Tem termo de maxi termo di de termo-tem
alo de u maxi frigi di de frigi-tem,
na este hedo, kausa na sankti Patri pa
memo Auto promise de bali u ge-promise
Sperma de gina; Qi destru u dina de
Satani.

Vice excesi de uno datu, na face forti
plu bene kron Kristo-Nati per foku de
id tema. U tema es Jesu Kristo! Tende qo
An veni a munda? U nece-ra--akorda na
nece, ne u nece de Teo--de An veni pre
es klari in Eden per un intra-duce de
plu kako akti anti Teo a munda.

Plu-ci kako akti tali noku panto
homi--qi, ante plu-la kako akti kine a
la, habe libe komunika ko Teo--u mura de
lisi es inter Teo e plu homi:

ISAIA 59:  2 Vi kako ra du lisi inter vi
       e vi Teo. Plus-co vi kako akti du
   kripti An facia ab vi. Kausa-co An ne
                                   audi.

Na kako akti es u mura; trans qi zero-pe
pote ana-repti. Ne akorda u doxo de u
mode; per qi plu homi e poli religio
teori sti avanti un idea; plu homi pote
re-kine a Teo, na audaci qestio se; qe
Adam e Eva per auto po-kako menta pa
logi u ple sema de u ra; mu pa akti. Tem
logi u mode; per qi plu certa homi e u
maxi numera de plu religio teori nu-tem
avanti un idea; un homi pote kine per se
a Teo, na posi este u mira; si Adam e
Eva per menta, ge-noku kausa mu
kako-akti, pa logi u ple sema de u ra;
mu pa akti.

Teo ne gene sti kausa u nece de plu
homi; qi akti anti An. An pa sio pote
lase panto homi kausa mu anti-krati!
Anti-co An imedia pa ergo de u nece de
panto homi kausa An filo e pa akti kausa
An favo. An bali Auto Fili te destru u
dina de kako, morta e diaboli. An Fili
veni a munda te salva panto homi; qi
akti kako. Na Patri kura de u-la promise
tem plu hekto-anua, a-kron u kron es
korekti in An menta te bali u ge-promise
Spora; Qi apo u mura de lisi e re-sti
veni ad An regi sedi-lo.

De u-ci Homi; u nati de Qi na elekti te
festa kron M12 D25, Paulus grafo:

ROMA 5:  6 Tem na es minus forti, Kristo
           pa morta korekti kron pro plu
   no-Teo-pe. 7 Kausa proxi zero kron pe
    morta pro justi-pe. Pro u boni-pe pe
   posi audaci morta. 8 Teo monstra a na
 Auto filo; per qi, tem na ankora es plu
   kako-pe, Kristo pa morta pro na. 9 Ma
   mega kausa-co, po gene es justi kausa
   An hema, na fu gene salva kausa An ab
   koleri. 10 Kausa, tem es plu non-ami,
 na gene paci ko Teo kausa u morta da An
     Fili, po gene paci ko Teo, na fu ma
mega gene salva kausa An bio. 11 Ne solo
   kausa-co, anti-co na bombasti per Teo
  kausa na Cefa Jesu Kristo; kausa Qi na
                      pa gene u-ci paci.

Para-co, per plu-ci verba es u kausa; na
ne fu volu apo na Kristo-Nati fide--e
u valu de id--ko plu Kristo-Nati orna!

Kristo pa gene nati kron matura kron--u
kron de Teo! Plu homi; qi rekogni plu
kako akti e rekogni; mu es pove-pe ante
Teo, fu este hedo kausa:

1 Johanes 4:  9 Per u-ci u filo de Teo
gene monstra a na: Teo pa bali An solo
  ge-nati Fili a munda, te na habe bio
                             kausa An.

Tem na nece habe zero idio tem, kausa na
nece An filo singu horo, iso An favo e
filo habe zero idio tem. Proxi zero
kron, plu kredi-pe de Kristo--qi anxio
atende u salva ab u-ci kako, ge-konfusi
munda--fu este frustra de un exakti
datu de nati de na Salva-pe. Tali excesi
simpli sti minus ab un hedo de u-la
di; kron qi na Patri, akorda u kron;
ge-ski solo ad An, dice ad An atende
fili; "Nu es u deko kron. Sti veni ad
eko-lo."

Termo-tem, frigi-tem, sperma-tem alo
blasto-tem--sti veni, Cefa Jesu!

No comments:

Post a Comment