Sunday, August 8, 2010

Justi, 2010, Trinity, part 1

 CEFA, DONA A NA MA FIDE!

LUKAS 17: 5 Plu apostola dice a na
 Cefa; Dona a na ma fide. 6 Na Cefa
 dice; Si vi habe u fide homo sperma de
 dendro Sinapis, vi fu dice a dendro
 Sikomorus; Moti ex radi, e ki in mari.
 Ko-co id akti obe a vi. 7 Qo-pe ex vi;
 qi habe u dulo; qi, po akti ara alo po
 kura zoa e po veni ex agri, fu imedia
 dice; Po veni, vora. 8 Anti-co qe an
 ne dice; Face plu ra; mi fu vora, e,
 tem habe gru vesti epi se, dona a mi
 servi tem mi vora e bibe. Po-co tu
 vora e bibe. 9 Qe an dice grati a 
 dulo, kausa an akti plu ra; de qi an
 dice komanda? Mi ne face tali doxo.
 10 Ka-co, po akti ra; ge-komanda a vi,
 vi fu dice; Na es plu no-profita dulo,
 ka na pa akti plu debi.

    ___________
  /_ --______.'|
 |  |||      | |
 |  ||       | |
 |     _|_   | |
 |      |    | |
 |      |    | |
 |           | |
 |___________|'

Ante u lekto de na interese, Jesu pre
dice u monito de sti plu mali akti anti
plu infanti--u-ci es plu homi; qi es
neo e minus experi de u Kristo fide.
Ko-co plu apostola--difere ab u ma poli
grega ex panto sko-pe--dice a Cefa;
"Dona a na ma fide."

Tem es iso plu sko-pe de Cefa Jesu e es
infra un influ ex Sankti Spiritu, na
ski plu ra; qi es boni e place a na
Cefa, e qi monstra An filo. Anti-co na
du habe u peka soma; qi sti influ in na
de ne panto-kron akti plu ra; na debi
akti alo na volu. Ka-co, klu tem na
dice u preka; "Cefa, mi nu kredi. Sti
dona un auxi de mi dubi" (Markus 9:24),
tem Kristo bio e testi, na fu sti un
uni ko plu apostola per dice; "Cefa,
dona a na ma fide."

Jesu du dice a mu; si mu habe u fide
"homo u sperma de dendro Sinapis," mu
fu habe u dina per dice komanda de moti
u dendro ko plu radi ab geo a mari,
plus id fu sti obe.

Na Cefa ne pa dice; mu fu tenta plu ra;
qi es no-posi per homi in fisika munda.
Anti-co, ko tali este, un homi de fide
volu akti plu ra; qi feno es ultra u
dina de homi puta e pote. Kausa-co u
volu de Teo gene akti, plus An nomina
gene glori.

Na tem tende a plu premi. Plus-co id es
u tem; in qi plu privilegi e volu feno
es ma importa de liabili. Plu ergo in
agri es no-facili. Anti-co plu ergo de
u-la dulo ne es fini, a kron panto ergo
es fini. U libe tem, plus vora--tu
logi-- es u privilegi de dulo, solo po
an pa fini plu auto ergo!

Plu verba ex Jesu; ge-dice a panto
apostola, pa sti prepara mu e establi
in mu u deko este de apostola servi.
Plu ra; ge-akti pro na Cefa tem na
servi, ne es de idio merito alo honora.
Luther pa grafo; "Per na uni ko Teo per
fide, na gratis gene panto ra ex Teo--
per filo, na gratis dona a Teo panto-
ra."

Plu seqe-pe de Jesu habe u korekti
este, kron, po mu pa akti plu ra; mu
debi akti, mu logi se "minus profita."
U-ci ne habe u semani; mu es minus
valu--u-ci sura habe u semani; mu habe
zero debi ex Teo kambio akti plu ra; qi
es simpli nece. Na filo Teo dona a plu
ergo-pa de Auto regi-lo u dina de akti
plu ra; An petitio ex mu.

Tem habe u peka natura, plu kron, un
alo plu ergo fu feno a na excesi no-
facili. Po-co na volu gene fali, plus
na fu gene fatiga, kausa na dona se
holo ad An e ad An servi. Anti-co An es
la te dona u reakti a na freqe petitio;
"Cefa, dona a na ma fide."

No comments:

Post a Comment