Sunday, June 20, 2010

Justi, 2010, Di Penta-ze

    U FESTA DE PENTA-ZE DI- U NEXU 

       KON UN ANA-STA EX MORTA


 ILO*FILO*FIL  FILO*FILO      FILO
 F   FILO   O  FILO        FILO  FILO
     FILO      FILO*FILO  FILO    FILO
     FILO      FILO        FILO  FILO
     FILO      FILO*FILO      FILO






Plu fono de plu Paska kanta nu es in mi
bi oti, plus mi nu ergo de latri de u
Festa de Di Penta-ze! Un Ana-Sta ex
morta kon u dona de Sankti Spiritu kron
Di Penta-ze habe u "bio" nexu.

Di Penta-ze habe qo valu minus u faktu
de Ana-Sta? Na gene un histori (Akti
2:1-13); plu Sko-pe, exakti seti
setimana po un Ana-Sta de Jesu, pa veni
ad alelo a mono topo, Jerusalem. Es u
fono ex tako venti. Plu glosa ex flama
gene vista epi plu kefa de mu; qi es
la. Po-co u grega ex no-sko homi subito
dice per poli difere glosa.


AKTI 2: 11 Na audi; mu dice plu mega ra
de Teo per na glosa.

Pe posi doxo; u-la simpli es u generali
info. Anti-co es facili de divina; u
centra tema es qo- u maxi mira ex panto
akti ex Teo! Tem plu seqe setimana topo
Jerusalem, u faktu de un ana-sta de u
morta soma de Jesu, u Kristo, gene es
in panto religio dice de plu Apostola.

Anti-co un ana-sta de Jesu ne es un
acide minus nexu. Nu, po tetra-ze di de
sko ex u re-bio Kristo, plu Sko-pe habe
u ma boni okasio de logi; un ana-sta de
Jesu veri es u perfekti de un arkeo
skema ex Teo. Iso Jesu pa dice a plu
Sko-pe:

LUKAS 24: 46 Kristo nece este algo e
  sta ana ex plu morta-pe tem di tri.

Un ana-sta de Jesu plus dona a mu u
skeleto de mu ergo e info:

LUKAS 24: 47 ...iso penite e apo de
  peka fu gene voci per An nomina ad-in   
  panto natio. 48 Vi es plu testi-pe de
  panto-ci.






Kausa-co panto flama monstra de Penta-
ze sio habe zero semani, si plu dice-pe
ne pote indika a plu "mira akti ex
Teo," ge-akti per u servi de "Kristo, u
ju-Ovis de Teo; Qi apo plu peka de
munda" (Johanes 1:29). Faktu, mu habe u
veri boni info; de qi mu fu dice tem u
Di Penta-ze: u veri bio salva-Pe dona
bio a mu mira testa!

U difere mode de puta de u-ci es; un
Ana-Sta sio habe qo valu minus Di
Penta-ze. Klu pre Jesu proto Auto ergo,
u bapti-pe Johanes pa dice u testa:

LUKAS 3: 16 Veri, mi akti bapti-ritu a
  vi per aqa. Un Homi; Qi veni, e Qi     
  pedi-ve; mi ne es gru te sti laxa u
  fixa-fi, es ma dina de mi. An fu akti   
  bapti ritu a vi per sankti-Spiritu e
  per piro.

Po fini An ergo; per qi plu simpli homi
gene paci kon auto krea-Pe e Teo, Jesu
pa dona u Spiritu; per Qi mu; qi audi u
Boni Info, este etio de mu peka tende,
e gene u muta de fide de An salva ergo.
U Sankti Spiritu krea u "piro" de
spiritu bio in mu. Plu mira sema de u-
la proto di Mono de Di Penta-ze monstra
simpli u dura ergo ex Spiritu-Teo, topo
u Boni Info de Kristo gene deklara.

U Grafo ex Teo- u plus bene doro ex
Sankti Spiritu- es klari de u faktu:
Na; qi es morta kausa panto kako-akti
anti Teo, ne pote muta se ab peka.
Simpli na ne volu kredi de plu promise
ex Teo- ne pote cepti; "plu mega ra de
Teo" es tali mira, alo mu reali muta
na. Si u Spiritu ne sio pa gene dona te
krea u fide per Grafo e plu Sankti
Ritu, Jesu pa veri vani morta, kausa
zero-pe fu kredi.

Anti-co u dona de Spiritu sti u fide-
fide de mira metri! Poli ex plu-la
proto Di-Penta-ze dice-pe pa pre linqi
Jesu. Mu longi kripti se. Anti-co u
simpati-Pe kron aperi mu stoma te dice
de u salva; a qi Teo kla panto homi,
minus kura de plu ra; mu es qo, alo mu
pa akti qo, te kredi e gene salva.

Klu plus-co u-ci Spiritu; Qi ergo in
mi, ergo in vi. An kla, kolekti, doci e
face sankti un holo Kristo kredi-pe-fa
topo Geo, e tena id ko Jesu Kristo a
mono veri fide. Plu proto sko-pe, klu
tem dice per plu difere glosa, habe un
uni kausa u perfekti akorda de info,
iso u veri kredi-pe-fa topo Geo habe u
pote de konfesi per Spiritu:

EFESI 4: 4 Mono soma e mono Spiritu,
  iso vi pa gene mono kla a mono spe de   
  kla, 5 mono Cefa, mono fide, mono
  bapti ritu, 6 mono Teo e Patri de     
  panto; Qi es supra panto-ra, dia panto-
  ra, e in panto vi.

U Sankti Spiritu; u dona de Qi kron Di
Penta-ze, representa Auto minus-fini
ergo de sankti-face, krea e tena u
fide; qi fide de Ana-Sta. Kausa-co u
Spiritu es na konekti kon Ana-Sta.

(U supra es ge-translati ex un England-
lingua Inter-Reti-lo
_www.clclutheran.org_)

No comments:

Post a Comment