Sunday, April 18, 2010

ASCII Ribbon Campaign

As a lover of ASCII art, I think this site is worth mentioning.  Simple text messages are also less prone to viruses.  Read http://www.asciiribbon.org/ for more information.  This is how their labels would look in Glosa:

() ascii banda akti - anti html e-posta
/\ www.asciiribbon.org - anti sti-habe nexu-ra

                   _
ASCII banda akti  ( )
anti HTML e-posta  X
                  / \










O< ascii banda akti - sto html posta - www.asciiribbon.org






Sunday, April 11, 2010

More information and the original photo can be found at foitimes.com (Freedom Of Information).


               FRAGMA PATO


Kron anua 1939, u petr-olea kompani
"Standard Oil" pa habe plu navi, plu
mari-an de qi es poli Deutschland civi.
Kron u Munda Milita II gene u proto,
Standard ne ski; id akti qo de u-la.






||//,\,\,\, |/|\/,           \  ,\ ,,,/=
| ,,\'|,,\ | | \             \   ,\,/===
//, ||\|,,\ | | ,/              \   |===
/,, ||\,,,,|| | /             \  .\ |===
 ,,\,\,,|| ||   /               \ ,/|===
\     \ ||,||  ||              . |/=|===
 ---||,/ ||||  ||            \.  |==|===
,,\ \\/,|||||| ||/        /\ .\ /|==|===
  \\\ \,|  ||| || /       ## \/|=|==|===
|   ||  | \ || |||       =|/||||=|==|===
|\__||_\\|_\|_||_|______ |||||||=|==|===
 \  ||  |  |  || |        ||||||=|==|===
||  ||  |  || ||  /        |||||=|==|===
||  ||  |                   ||||=|==|===
||  ||      /                |||=|==|===
||       /                    ||=|==|===
      /    .                   |=|==|===
   /                           |=|==|===
/       .                   .   \|==|===
       .      .                  |==|===
     .                       .    \=|===
                                   \|===
 .                               )  |===
                               /     \==
                                      \=


Ex u foto-grafo de u via topo Atende-lo
"Forti-lo Lincoln" frigi-tem 1941-1942.
 Plu dendro a laevo, u katena-fragma a
      dextro. U mikro guarda turi
           es supra fragma.






Id simpli linqi mu a civita Neo York. Plu
mari-an du eko la, a kron USA pa face un
Akti de plu Non-Ami Xeno-pe.


Anti simpli 7% de plu mari-an pa es Nazi,
mu gene rapi e bali a paleo arme-lo ko
nomina Atende-lo "Forti-lo Lincoln" topo
civita Bismarck, Nord Dakota. Faktu, id
pa es u karcera ko katena fragma de alti
de tetra metra e kon aku-korda, ko plu
guarda-pe, plus plu kani, ge-damo te
cide. Es plu examina ex plu membra de
Unio de Geneva.


Plu Deutschland-an krea u neo verba de mu
este la-- GITTERKRANKHEIT, "fragma pato."
Mu gene bi kilograma de sito e mono tasa
de kafa singu di.


Pa es oligo tenta de fugi. Plu karcera-pe
panto-kron gene re-rapi. Po gene libe,
plu fugi-pe dice; mu pa simpli volu gene
plu bira e inkontra ko plu kali gina. Plu
fugi-pe e hetero krimi-pe de atende-lo
gene puni in guarda-do, topo mu gene u
vora ex pani e aqa tri kron e ex karni
mono kron singu di.


Kon u minus de ergo-pe tem Munda Milita
II, plu karcera gene u lice; ergo topo
plu feru-via e kulti-lo. Plu feru-via
kompani dura nece skope plu karcera-pe.
Plu karcera-pe, qi ergo topo plu
kulti-lo, simpli nece visita u polica-ka
singu setimana-di Sixa.


Topo un atende-lo es plus plu
Deutschland-an, qi pa fugi ab Deutschland
tem Munda Milita I, kausa mu ne volu
milita, alo qi es plu fili de tali homi,
e eko in Sud Amerika. USA pa viagia a la
e rapi mu--id tali fobo; mu fu auxi a
plu Nazi-pe.


Topo un atende-lo es plus plu Japan
"re-nunci-pe." Mu es plu Japan andro, qi
pa linqi mu Japan-civi stato, sed ankora
refusa milita anti Japan.


Plu Deutschland-an nece doci a plu
Japan-pe; mu kuko. Anti-co plu
Deutschland-an plus volu vora ko plu
Japan-an. Mu kritici ad u guarda cefa. An
proto refusa de u-la, anti-co an fini
face u xanto line dia u vora-ka, e lice;
plu Japan-an e Deutschland-an vora a bi
latu ab line. Mu debi sedi a mono latu,
sed lice kine trans line te dice kon
alelo. Plu Deutschland-an pa akti plu
basi-bola sporta ko plu Japan-an. Anti-co
plu USA civi kritici; plu non-ami de USA
ne debi akti un USA sporta. Po-co plu
karcera debi akti plu (non-USA) pedi-bola
sporta.


Topo un atende-lo pa es 3850 karcera-pe.
Po fini de milita, un USA krati re-bali
plu karcera-pe ad auto natio. Oligo
Deutschland-pe pa re-visita. Mu memo de
la es tristi. Plu Sud-Amerika
Deutschland-pe freqe re-veni e detekti;
mu pre lose plu famili e habe-ra. Oligo
pa cide se. Un USA lega-pe Wayne Collins
pa ergo poli anua te re-gene plu
privilegi pro plu Japan-USA civi, qi pa
es topo plu karcera tem Munda Milita II.
Kron anua 1969, un USA krati fini
rekogni; id pa mali akti anti plu-la civi
tem MMII.


Un atende-lo nu es u topo de u Tekno
Sko-lo de plu ge-Uni Indiana Tribu.

Saturday, April 3, 2010

Justi, Easter 2010, part 1

            U BONI OVIS-PE--
       U CIDE-RU GENE UN INKONTRA
            KON U VAKU TAFO
   
/ \/\ _______          Mono ex plu maxi
\_/\ \       )         kali pikto de Teo
 | /\_/    /||  _      persona kura es
 \0  / \ /  ||/| |     Kanta 23 in Kristo-
  \_|__/ _  |//| |     Bibli. Plu kredi-
        | \\|/ | |     pe ultra numera-
        | |\|| | |     pote pa sti sura;
        | | || |/      "U Teo es mi
         \| ||         Pastora. Mi ne fu
            ||         fami." U-ci pikto
                       es maxi boni per
      Lilium           Jesu, Qi sti sura
  longiflorum, u       na; "Mi es u boni
  traditio flori       ovis-Pe. U boni
     de Paska          ovis-pe dona auto
                       bio pro plu ovis."
                      
Jesu es u Boni Ovis-Pe kausa u ra, An
pa akti pro na. In kapitula 10 de bibli
Johanes, u Spiritu monstra u nexu ko
Jesu morta e Paska. Na ne pote habe u
ra mono minus u ra bi.


JOHANES 10: 17 Mi Patri filo Mi, kausa
      Mi dona Auto bio, tende-co Mi fu
      re-prende id. 18 Zero-pe prende id
      ab Mi, anti-co Mi dona id ab Se. Mi
      habe un arki; dona id, plus-co Mi
      habe un arki; re-prende id--Mi pa
      gene u-ci komanda ex Auto Patri.


Plu sko-pe de Jesu pa logi u kruci
cide-ru homo es u fini de mu spe; Jesu
es Teo MESIA. Plu non-ami de Jesu pa
logi Jesu morta homo es u fini de mu
turba.


Patri-Teo pa difere logi u-la. U Patri
filo Jesu, kausa An pa dona Auto bio
pro plu ovis. Jesu ne gene trakto a
cide-ru, tem An voci e es minus auxi.
An kine a Jerusalaim te morta kausa plu
kako akti de munda anti Teo. Ne sio es;
An ne pa pote kine a kata ab cide-ru.
Jesu, iso u ju-ovis de Isaia 53, ne pa
sti aperi Auto stoma te dice kritici.
Minus soni, An pa gene duce a cide.
Jesu pa dice ko sura; "Mi dona id ab
Se. Mi habe un arki; dona id."


Es ta difere de na. Na ne dona auto
bio. U Morta du rapi na ge-filo-pe ab
na. U Morta subito akti, alo akti po
longi lukta kon algo. U Morta du regi
supra na kausa na panto kako akti. Na
es minus auxi ante munda e holo-tem
morta. Zero homi pote fugi ab u sura de
morta.


Jesu du regi supra morta, kausa An es u
boni ovis-Pe. U-ci es u vikto de u di,
na nomi "Boni Di-Sixa." U boni ovis-Pe
morta te salva Auto panto ovis. Paska
es u sura de vikto, Jesu pa gene pro
na, supra na panto kako akti, morta e
Satani.


Jesu pa dona Auto bio, tende-co An pote
re-prende id. Paska es u vikto de Jesu
supra morta. "Mi habe un arki; dona id,
plus-co Mi habe un arki; re-prende id."
Qe tu memo; Jesu ante-dice kron proto
de Auto servi; "Destru u-ci religio-do,
po tri di Mi fu re-tekto id" (Johanes
2:19)? Jesu pa monstra Auto arki supra
morta, kron An kla Lazarus ex tafo po
tetra di de sapro. U vaku tafo de Paska
deklara un arki de Jesu Auto supra
morta. Jesu du bio! U tafo es vaku!


Jesu habe un arki supra morta plus pro
na. An pa apo plu toxi denti de Morta
per suferi de morta e hades vice na. An
pa apo panto na kako akti per Auto
fo-valu hema. An fu dona a na bio per
leva panto na soma ex tafo un Ultima
Di. Paulus 1 Korinti deklara un arki de
Jesu supra morta.


1 KORINTI 15: 25 Kausa An nece regi, a
kron An moti panto non-ami infra Auto  
pedi. 26 Un ultima ge-destru non-ami es
u Morta.


Un arki de Jesu supra morta fu gene
monstra a panto pe kron Di de Ana-Sta
ex morta.


1 KORINTI 15: 54 Anti-co, kron u-ci
      sapro-pe fu gene vesti per no-sapro,
      e u-ci morta-pe fu gene vesti per
      no-morta, u ge-grafo frase fu gene
      acide; U Morta gene gluto per vikto.
      55 Topo qo, u Morta, es tu punge?
      Topo qo,  Hades, es tu vikto? 56 U
      punge de morta es plu peka, plus-co
      u dina de peka es u lega-fa.
      57 Grati a Teo, Qi dona a na u vikto
      per na Cefa Jesu Kristo.


Paska tem, sti memo de u nexu inter
Boni Ovis-Pe e u vaku tafo--bi mu
monstra un arki de Jesu, Qi dona Auto
bio, te An pote re-prende id!


  (Plu supra es translati de plu
artikla topo _http://www.clclutheran.org/_.)