Saturday, February 6, 2010

Justi, Lent 2010 (Part 1)


   U FO-VALU DORO: U VORA DE NA CEFA
________
\      /
 |    |                  Pre longi tem,
 |    |             mi pa lekto un 
  \  /    ___       histori de u Juda-an
   ||    / P \      e u Kristo ami, qi 
   ||   |  X  |     disputa de mu bi 
  /__\   \_|_/      religio.  Ultima, u 
   U tasa e         Kristo-pe dice u ra,
minus-zima pani     homo: "Dia u Paleo 
de u Vora de na     Testi de Kristo-
     Cefa.          Bibli, Teo pa 
                    demanda plu hema 
                    sakrifice ex u demo.
                    Plu Grafo klu 
deklara, 'Minus u lase-ex de hema es 
zero pardo' (Hebre 9:22).  Iso u Kristo-
pe, mi habe un hema de u salva-Pe Jesu 
Kristo.  Anti-co mi qestio a tu, mi ami,
es: de tu religio, qo-lo es un hema?"

     U Kristo-Bibli veri monstra plu 
forti hema pragma inter plu difere sko.
E de plu sakrifice de zoa e de plu 
milita e cide, auto-cide e cide de plu 
non-etio homi, feno; zero histori ne es
tele ab u lase-ex de hema.  Anti-co u 
maxi importa lase-ex de hema es u-la de
na salva-Pe Jesu, kron An pa lase-ex 
Auto hema kausa u salva de panto homi.

     Veri, u-ci es u veri fo-valu doro, 
panto Kristo-pe pa gene!  Plus-co, homo 
panto fo-valu doro, es u mega liabili; 
na kura uti id per deko mode.  Na akti 
u-ci per examina auto menta, e per doci 
a na juve-pe per plu religio sko, te mu 
pote examina se.  Plus, na dona u-ci 
sankti vora solo a mu, qi es homo-menta 
e uni ko na.  Na akti tali kausa kura de
plu hetero homi, kaso ali pe vora e bibe
per no-deko mode.

1 KORINTI 11:  27  So uno-pe, qi no-deko
     vora u-ci pani alo bibe ex u tasa 
     de na Cefa, es etio de u soma e 
     hema de na Cefa.  28  Un homi debi 
     proba se, po-co vora u pani e bibe 
     ex u tasa.  29  Ka an, qi no-deko 
     vora e bibe, vora e bibe a se u 
     judika, tem ne logi de u soma de na
     Cefa.

     Akorda un histori, pre ge-dice, u
Juda-pe pa sti neo plu stude de plu
Grafo, e, kausa u cerka ko preka de u
Neo Testi, gene u kredi; Jesu es an Cefa
e salva-Pe.  An, homo na-- plus no-pote-
numera qantita de na Kristo sibi, qi pre
bio e fu bio-- pa vide na ju-ovis de
Paska, u Pe, Qi dona un hema, qi face
perfekti na.

No comments:

Post a Comment