Sunday, January 10, 2010

JUSTI, Christmas 2010 (Part 1)

(The following is a part of my JUSTI newsletter.)

STI VENI, CEFA JESU!

Na ski, An pre pa veni, kausa na du memo e celebra An veni a geo, kron An gene nati topo civita Bet-Lehem. Per plu kanta de An fu re-veni, na expresi u fide, An es u Kristo, Qi pre pa veni, e u Fili de Teo, u Patri pa bali te salva na. Per na preka, qi dice, Kristo fu sti veni, na plus memo an pre veni.

Anti-co tem u festa Veni, na plus gene u logi de An fu re-veni. Na memo An promise:

JOHANES 14: 3 Si Mi kine ab ci e prepara u topo pro vi, Mi fu itera veni e cepti vi a Se, te, topo Mi es, topo plus vi fu es.

Kausa na memo An promise, na dice u veni-tem preka de Eklesia, "Sti veni, Cefa Jesu." Plu-la lexi es inter plu fini lexi de Neo Testi. Topo fini de bibli Apokalipti, un apostola Johanes sti, na memo u promise de Jesu, An fu re-veni ko glori. Plus Johanes reakti kon u preka de fide:

APOKALIPTI 22: 20 Klu tali, sti veni, Cefa Jesu.

Un apostola plus sti, panto-pe, qi lekto u bibli, dice kon an u preka:

APOKALIPTI 22: 17 Pe, qi audi, sti dice, "Sti veni!"

Kron na dice kon apostola u preka, na sti dice, na kredi u promise de Jesu, An fu re-veni. Na dice, na dura atende An re-veni. Na memo An promise, plus na ne sto fide de id, kausa poli anua pre gene spende, po An pa kine ana ad urani.

Kron na dice, "Sti veni, Cefa Jesu," na expresi na fide, panto-ra es taxo pro An re-veni. Na memo An veni iso homi— An sakrifice de Auto bio epi kruci-ra, An ana-sta ex morta, An skende ad urani— po-co na ski, An pa akti panto nece ra te re-merka na ab na debi de kako akti anti Teo.

Na kredi, panto na kako akti pa gene pardo, kausa Jesu pa paga kausa panto mu. Na kredi, na fu gene ana ex morta te bio kon An holo-tem, kausa An pa sta ex morta e nu bio holo-tem.

Es zero-ra, qi resta de na salva. U solo ra, qi resta, es, Kristo e An ple ergo gene monstra ad holo geo, kron An re-veni ko glori.

Veni es u festa tem de hedo atende, e u tem te face plu prepara de u festa Kristo-Nati. Tem na face panto-ci ra u-ci anua, na debi memo, na panto-kron face plu prepara kausa u Veni bi de na Cefa. Te na fu memo, na debi tena in psiko e este u valu de plu promise de u veni de Jesu, e du uti u simpli preka, "Sti veni, Cefa Jesu."

No comments:

Post a Comment