Saturday, January 16, 2010

Just, Christmas 2010, part 2

DE NORD DAKOTA
e de na

U KON-FLU DE BI FLUVI MISSOURI E XANTO-LITO

Topo nord-uest de stato Nord Dakota e veri proxi a margina ko stato Montana, bi ex plu maxi mega fluvi de Nord Amerika, Missouri e Xanto-Lito, flu kon alelo. Zero-pe ski; qo qantita de anua plu Indiana la pa veni ad alelo e akti komerci. Kron bi USA detekti-pe Lewis e Clark viagia ad area anua 1805, plu Indiana Assinaboine habe u krati la. U-la es mono ra, qi proto cirka 60 anua de mira paci e komerci inter plu Indiana e “leuko-demo.” Plu USA e Kanada civi pa akti komerci de peli ko plu Indiana. Plu fili de ambi Indiana e leuko-demo hema, ge-nima Metís, “ge-mixa” per France glosa, pa eko la.
Un USA civi e habe-pe de Amerika Peli Kompani, John Jacob Astor, pa gene tira ad area kausa komerci. An decide tekto u forti-lo, ge-nima Uni. Anti id habe in se plu arme-pe e kanona, u cefa tende de u-la forti-lo pa es komerci. Plus-co u duce-pe de id ne es un arme ofici-pe, sed habe u nima “negoti-pe.”
Plu Indiana freqe sta mu domi ex zoa derma proxi ad forti-lo oligo di, tem qi mu akti komerci. Plu rekorda la monstra; un Indiana pa pote gene u fusili kambio 9 peli de Kastora. Plu Indiana plus akti komerci kambio plu hetero nece ra, exempla plu ergo-ru e kli-te, plus plu globula; plu Indiana pa uti iso valuta. Un Indiana cefa-an pote akti u komerci te gene u forti kroma extra-ve, qi monstra un ami qalita a plu ge-Uni Stato.
U negoti-pe mono de forti-lo pa es Kenneth McKenzie. An es supra u tekto de forti-lo anua 1828. Po-co an tekto plu simila forti-lo ma tele ad uest longi fluvi Missouri. Anua 1832 u vapo-navi Xanto-Lito veni a forti-lo Uni te fero plu komerci ra, qi es u mono ex poli tali viagia. Iso anua u famo USA arti-pe George Catlin veni a forti-lo.
U negoti-pe bi pa es Alexander Culbertson. An proto u profesio anua 1837. Tem iso anua, poli Indiana morti kausa variola, pre kron u pato de leuko-demo. Culbertson tena paci per game a fe-fili, Magika-Serpenti-Gina, de cefa-an de Indiana tribu Melano-Pedi. Fe plus es u translati-pe pro Culbertson. Culbertson pa monstra veri kura de plu Indiana.
U negoti-pe tri pa es Edwin Denig. Plus an habe un Indiana sponsa, Cervus-Mikro-Gina. Denig pa grafo poli de u forti-lo e de poli Indiana. An du ergo ad anua 1856.
Anua 1856 u plus pato tem de variola itera cide poli Indiana topo area. Plu Indiana Sioux akti u viole anti forti-lo. U paci inter plu Indiana e leuko demo gene fini. Anua 1862 plu Sioux in stato Minnesota akti anti krati. Kausa an kredi; plu Sioux pa fugi a nu-tem Nord Dakota, USA milita cefa Alfred Sully akti plu viole anti plu Indiana proxi a kon-flu anua 1864. An decide tekto u ma milita forti-lo Buford proxi ad Uni. Anua 1867 plu ge-Uni Stato merka Uni, e uti u xilo te face ma mega Buford. Buford gene es mono ex panto maxi mega forti-lo topo uest. Un Indiana cefa-an pa kritici; topo forti-lo Uni an pa panto-kron gene u bene-veni— topo forti-lo Buford zero-pe volu audi an.
Kausa qo es tali subito non-interese de peli? Pre oligo anua, kriso pa gene detekti topo area de nu-tem Montana. Un USA in-milita pa kausa; un arki de plu ge-Uni Stato habe zero valuta. Ka-co plu ge-Uni Stato habe u forti nece de kriso. Plus-co u ma milita forti-lo pa gene es ma importa te alexi leuko-demo kriso-pe.
Un importa Indiana cefa Sedi-Bovi pa deklara; si an fu detekti ali leuko pe topo auto landa, an apo an derma e pende id, te panto-pe pote vide id. Faktu, an veri akti u-la. Po an es u duce-pe de u milita, qi vikto supra u milita cefa Custer, un arme forti casa Sedi-Bovi. Proto, an fugi a Kanada. Anti-co anua 1881 an re-veni a kon-flu te cede infra plu ge-Uni Stato topo Buford.
Un USA parka servi pa re-tekto u forti-lo Uni pro viagia-pe. U parka servi de stato Nord Dakota pa re-tekto u mero de forti-lo Buford e tekto un histori-do proxi ad u kon-flu de ambi fluvi.

No comments:

Post a Comment